Editor 3
കല്യാണം ആയില്ലേ… ഈ ചോദ്യം ഒരു പ്രായം കഴിഞ്ഞാല്‍ സ്ത്രീയായാലും – പുരുഷനായാലും സ്ഥിരം നേരിടുന്നതാണ്. കല്യാണം കഴിക്കേണ്ട എന്ന് തീരുമാനം ഉള്ളവരാണെങ്കിലും, ഈ ചോദ്യം ചോദിക്കുന്നത് കേട്ട് കേട്ട് മടുത്ത് എങ്കിലും കെട്ടി പോകും. അങ്ങനെ മറ്റുള്ളവരുടെ താത്പര്യത്തിനല്ല, സ്വയം തനിയ്ക്ക് കല്യാണം കഴിക്കാറായി എന്ന് തോന്നുമ്പോള്‍ മാത്രമേ വിവാഹം ചെയ്യേണ്ടതുള്ളൂ എന്നാണ് നടി അനുമോള്‍ പറയുന്നത്.
സമൂഹത്തിന് ബോധ്യപ്പെടുത്താനോ, വയസ്സാവുമ്പോള്‍ ഒരു കൂട്ടിന് വേണ്ടിയോ ആവരുത് വിവാഹം. വിവാഹ പ്രായം എന്നത്, നിങ്ങളുടെ മനസ്സ് അതിന് പാകപ്പെടുന്ന സമയമാണെന്നും അനുമോള്‍ പറയുന്നു. ഒറ്റക്ക് ജീവിക്കുക, ഒരു പ്രായം കഴിഞ്ഞ് കല്യാണം കഴിക്കുക എന്നുള്ളത് എന്തോ അബ് നോര്‍മാലിറ്റി അല്ലെങ്കില്‍ ഒരു ശരികേടായി ആണ് പൊതുവില്‍ ആളുകള്‍ കാണുന്നത്.
കല്യാണം (കഴിക്കണം എന്നുള്ളവര്‍ക്ക്) നല്ല ബോധ്യത്തോടെ മെച്യൂരിറ്റിയോടെ ചെയ്യേണ്ട കാര്യമായാണ് എനിക്ക് തോന്നിയിട്ടുള്ളത്, അല്ലാത്തവര്‍ക്ക് കല്യാണം കഴിക്കാതെ ആണ് ഹാപ്പിനെസ്സ് എന്ന് വെച്ചാല്‍ അത് അംഗീകരിക്കണം. കല്യാണത്തിന്റെ പെര്‍ഫക്ട് ടൈം എന്നത് നിങ്ങള്‍ എപ്പോഴാണ് അതിന് തയ്യാറാവുന്നത് അപ്പോഴാണ്. അല്ലാതെ അതിന് പ്രായ പരിതിയില്ല.
ഞാന്‍ പേഴ്‌സണലി സിംഗിള്‍ ആയി ജീവിച്ചാല്‍ എന്താ കുഴപ്പം എന്ന് ആലോചിക്കുന്ന ആളാണ്. കല്യാണം കഴിക്കുന്നതോടെ എന്താണ് ഒരു സ്ത്രീയുടെ ലൈഫില്‍ ബെറ്റര്‍ ആവുന്നത് എന്ന് ഞാന്‍ ആലോചിക്കാറുണ്ട്. എല്ലാരും കഴിക്കുന്നു, നാട്ടുനടപ്പ് അതാണ് എന്നാല്‍ കഴിച്ചേക്കാം എന്ന് പറഞ്ഞു കഴിക്കുന്ന ആളുകളെ ഞാന്‍ കണ്ടിട്ടുണ്ട്. പിന്നെ ഒറ്റക്ക് ജീവിക്കുന്നത് ശരികേട് എന്ന് സൊസൈറ്റി പറഞ്ഞാലോ?
അല്ലെങ്കില്‍ അവിടേക്ക് ഒരു ആണ് സുഹൃത്ത് വരുമ്പൊ ഉണ്ടാവുന്ന ചീത്തപ്പേരുകള്‍ ഭയന്ന്? അങ്ങനെ ഒരു സ്ത്രീയുടെ ഡിഗ്‌നിറ്റി ആന്റ് ഹോണര്‍ ഹസ്ബന്റില്‍ ആണോ ഉള്ളത്? അങ്ങനെ ഒക്കെ ആലോചിച്ച് കല്യാണം കഴിപ്പിക്കുന്നതായി തോന്നിയിട്ടുണ്ട്. വിവാഹം എന്നാല്‍, ജീവിതം പ്രത്യുല്‍പാദനം എന്നിവ നിയന്ത്രിയിയ്ക്കുന്ന ഒരു സ്ഥാപനമാണ്. ഒരു സാമൂഹിക നിയന്ത്രണം…
മാന്യത വാ്ഗ്ദാനം ചെയ്യുന്നതിനും, അനന്തരാവകാശത്തിനും അടുത്ത ബന്ധുത്വത്തിനും മാതാപിതാക്കളുടെ ഉത്തരവാദിത്വവും നിയമപരമായ ആനൂകൂല്യങ്ങള്‍ വാഗ്ദാനം ചെയ്യുന്നതിനും ഒക്കെ വേണ്ടിയാണത്. അതിനാണ് വൈവാഹിക സ്റ്റാറ്റസ് നോക്കുന്നത്. നിങ്ങള്‍ കല്യാണത്തിന് തയ്യാറല്ല എങ്കില്‍ ഒരിക്കലും അതിലേക്ക് കടക്കരുത്. അതൊരു അറേഞ്ച്മെന്റ് മാത്രമാണ്. നിര്‍ബന്ധമല്ല!
കല്യാണം ആയില്ലേ ? കുട്ടി ആയില്ലേന്നേ ആളുകള്‍ ചോദിക്കാറുള്ളൂ , നിങ്ങളുടെ വിവാഹ ജീവിതത്തില്‍ ഹാപ്പി ആണോ.. ജീവിതത്തില്‍ നിങ്ങള്‍ സന്തോഷവാനാണോ സന്തോഷവതിയാണോ എന്ന ചോദ്യങ്ങള്‍ കുറവാണ്. അതുകൊണ്ട് നമ്മള്‍ എപ്പോഴും ചിന്തിയ്‌ക്കേണ്ടതും കണ്ടത്തേണ്ടതും നമ്മുടെ സന്തോഷം എവിടെയാണ് എന്നുള്ളതാണ്. അതിന് വേണ്ടി ശ്രമിയ്ക്കുക. മറ്റുള്ളവരെ വേദനിപ്പിയ്ക്കരുത്. സ്വന്തം ജീവിതം സ്വയം മുന്നോട്ട് കൊണ്ടു പോകക. ലിംഗഭേദം പരിഗണിക്കാതെ ഒരു നല്ല മനുഷ്യനാകാന്‍ ശ്രമിയ്ക്കുക- അനുമോള്‍ എഴുതി.
