amrutha
മലയാള സിനിമയിലും അന്യഭാഷയിലുമായി നിരവധി ചിത്രങ്ങളിൽ അഭിനയിച്ചുകൊണ്ട് പ്രേക്ഷക ശ്രദ്ധ നേടിയെടുത്ത നടനാണ് നരേൻ. ക്ലാസ്മേറ്റ്സ് എന്ന ഒരൊറ്റ ചിത്രം മാത്രം മതി മലയാളികൾക്ക് ഈ നടനെ പരിചയപ്പെടുത്താൻ. നിരവധി മലയാള ചിത്രങ്ങളിൽ അഭിനയിച്ചിട്ടുള്ള താരം ഇപ്പോൾ തെന്നിന്ത്യയിൽ ഉൾപ്പെടെ സജീവമായി കൊണ്ടിരിക്കുകയാണ്. 2018 എന്ന ചിത്രത്തിലും മികച്ച വേഷത്തിലൂടെ ആയിരുന്നു പ്രേക്ഷകർക്ക് മുന്നിൽ എത്തിയിരുന്നത്.
വനിതയ്ക്ക് നൽകിയ പ്രത്യേക അഭിമുഖത്തിലൂടെ താരം കുടുംബത്തെ പുതിയ അതിഥിയെ പരിചയപ്പെടുത്തുകയാണ്. വിവാഹത്തിനുശേഷം ഏറെ നാളുകൾ കഴിഞ്ഞായിരുന്നു താരത്തിന് മൂത്തമകൾ തന്മയ ജനിച്ചത്. അതിനുശേഷം നീണ്ട 10 വർഷത്തെ ഇടവേളയ്ക്കുശേഷം ഇപ്പോഴിതാ ഒരു മകൻ കൂടി ജനിച്ചിരിക്കുകയാണ്.
മകനെയാണ് താരം പ്രേക്ഷകർക്ക് വനിതയ്ക്ക് നൽകിയ പുതിയ അഭിമുഖത്തിലൂടെ പരിചയപ്പെടുത്തുന്നത് ഓംങ്കാർ എന്നാണ് മകൻറെ പേര്. ഭാര്യയുടെ പേര് മഞ്ജു എന്നാണ്. സോഷ്യൽ മീഡിയയിലൂടെ മകൻ ജനിച്ച ദിവസം സന്തോഷവാർത്ത നടൻ പങ്കുവെച്ചിരുന്നു. പിന്നാലെ തന്നെ മകൻറെ പേരിടൽ ചടങ്ങും നൂലുകെട്ട് വിശേഷവും അറിയിച്ചിരുന്നു. കുഞ്ഞു ജനിച്ച ശേഷം താരം ആദ്യമായി നൽകുന്ന അഭിമുഖം വനിതയ്ക്കാണ്. അതുകൊണ്ടുതന്നെ മകന്റെയും വീട്ടുവിശേഷങ്ങളും വായിക്കാൻ ആരാധകർ കാത്തിരിക്കുകയാണ്.
ഓണം ഫെസ്റ്റിവലിനോട് ചേർന്ന് കോസ്റ്റ്യൂമുകൾ അണിഞ്ഞു കൊണ്ട് താരം വനിതയ്ക്ക് ഫോട്ടോഷൂട്ടും നൽകിയിട്ടുണ്ട്. മകനെ ചേർത്ത് പിടിച്ചുകൊണ്ട് എല്ലാ പ്രേക്ഷകർക്കും ഓണാശംസകൾ ആണ് നടൻ പങ്കുവെച്ചിരിക്കുന്നത്.
