amrutha
നായിക നായകൻ റിയാലിറ്റി ഷോയിലൂടെ മലയാളികൾക്ക് സുപരിചിതരായ മാളവികയും തേജസ് ജ്യോതിയും വിവാഹിതരായത് അടുത്തിടെയായിരുന്നു. ആർഭാടമായി നടത്തിയ വിവാഹത്തിനുശേഷം ഇരുവരും ഇപ്പോൾ ഹണിമൂൺ ആഘോഷത്തിന്റെ തിരക്കിലാണ്. തായ്‌ലാൻഡിലും പട്ടായയിലും ഹണിമൂൺ ആഘോഷിക്കാൻ പോയ താരങ്ങളുടെ ചിത്രങ്ങളാണ് സോഷ്യൽ മീഡിയയിലൂടെ ഇപ്പോൾ പുറത്തുവന്നുകൊണ്ടിരിക്കുന്നത്.
വിവാഹം കഴിഞ്ഞ് ഒരാഴ്ചയ്ക്കുള്ളിൽ തന്നെ ഇരുവരും ഹണിമൂൺ ആഘോഷത്തിനായി പുറപ്പെട്ടിരുന്നു.താരങ്ങളുടെ വിവാഹം ആർഭാടപരമായി നടത്തിയത് എറണാകുളം എളമക്കരയിൽ വച്ചായിരുന്നു. മിനിസ്ക്രീനിൽ ഉള്ളവരും സിനിമ മേഖലയിലുള്ള വരും ഇൻസ്റ്റഗ്രാം സെലിബ്രിറ്റികൾ ഉൾപ്പെടെ നിരവധി പേരായിരുന്നു വിവാഹത്തിന് പങ്കെടുത്തത്. റിയാലിറ്റി ഷോയിലൂടെയാണ് ഇരുവരും പരിചയപ്പെടുന്നതും പ്രണയത്തിൽ ആകുന്നതും. പിന്നീട് വീട്ടുകാരും ആലോചിച്ചു ഉറപ്പിച്ചായിരുന്നു വിവാഹം നടത്തിയത്.
ഏഷ്യാനെറ്റിലെ ഡാൻസ് റിയാലിറ്റി ഷോയിലാണ് മാളവിക ഏറ്റവും ഒടുവിലായി പങ്കെടുത്തത്. റിയാലിറ്റി ഷോയിലെ താരത്തിന്റെ ഡാൻസ് പെർഫോമൻസുകൾ യൂട്യൂബിൽ ട്രെൻഡിങ്ങിൽ ഇടം പിടിച്ചിരുന്നു. നിരവധി ഡാൻസ് റിയാലിറ്റി ഷോ വേദികളിൽ മാളവിക പങ്കെടുത്താണ് പ്രിയങ്കരി ആയത്. പിന്നീട് സീരിയലിലും അതുപോലെ പരസ്യ ചിത്രങ്ങളിലും അഭിനയിച്ചിട്ടുണ്ട്. അതിനിടക്കാണ് താരം യൂട്യൂബ് ചാനൽ ആരംഭിച്ചു ശ്രദ്ധ നേടിയെടുത്തത്.വിവാഹം ഉറപ്പിച്ചതിനു ശേഷം താരത്തിന് ലക്ഷക്കണക്കിന് സബ്സ്ക്രൈബേഴ്സിനെയാണ് ലഭിച്ചത്.
