ഏറ്റവും നല്ല കാര്യം ജീവിതത്തിലുടനീളം മുറുകെ പിടിക്കാൻ തീരുമാനിച്ചിരിക്കുന്നു, നിശ്ചയത്തിന്റെ ചിത്രങ്ങളുമായി നിക്കി ​ഗൽറാണി

മലയാളത്തിൽ തുടങ്ങി തെന്നിന്ത്യയുടെ പ്രിയനായികയായി വളർന്ന താരമാണ് നിക്കി ഗൽറാണി 2014-ൽ പുറത്തിറങ്ങിയ 1983 എന്ന സിനിമയിൽ മഞ്ജുള എന്ന കഥാപാത്രത്തെ അവതരിപ്പിച്ചുകൊണ്ടാണ് നിക്കി മലയാള സിനിമാ ലോകത്തേക്ക് കടന്നുവന്നത്. .പിന്നീട് നിരവധി ചിത്രങ്ങളിൽ നായികയായി.

നാളുകളായി ​ഗോസിപ്പ് കോളങ്ങളിൽ നിറഞ്ഞ് നിൽക്കുകയായിരുന്നു നിക്കി ​ഗൽറാണിയും നടൻ ആദിയും. കേട്ട ​ഗോസിപ്പുകളെല്ലാം സത്യമാണെന്ന് വിവാഹ നിശ്ചയ ചടങ്ങിന്റെ ചിത്രങ്ങൾ പങ്കുവെച്ച് നിക്കി ​ഗൽറാണി തന്നെ സമ്മതിച്ചിരിക്കുകയാണ് ഇപ്പോൾ. അടുത്ത ബന്ധുക്കൾ മാത്രം പങ്കെടുത്ത സ്വ​കാര്യ ചടങ്ങായിട്ടാണ് നിക്കിയുടേയും ആദിയുടേയും വിവാ​ഹ നിശ്ചയം നടത്തിയത്. ഇളം വയലറ്റ് നിറത്തിലുള്ള കുർത്ത അണിഞ്ഞ് ട്രെഡീഷണൽ ലുക്കിലാണ് ആദി ചടങ്ങിനെത്തിയത്. നീല നിറത്തിലുള്ള സാരിയും അതിനോട് ഇണങ്ങുന്ന സിംപിൾ ആഭരണങ്ങളുമാണ് നിക്കി ധരിച്ചത്.

‘ഏറ്റവും നല്ല കാര്യം ജീവിതത്തിലുടനീളം മുറുകെ പിടിക്കാൻ തീരുമാനിച്ചിരിക്കുന്നു. കുറച്ച് വർഷങ്ങൾക്ക് മുമ്പാണ് ഞങ്ങൾ പ്രണയം തിരിച്ചറിഞ്ഞത്. അത് ഇപ്പോൾ ഔദ്യോഗിമാക്കുകയാണ്. 24.3.22 ഞങ്ങൾക്ക് വളരെ സവിശേഷമായ ദിവസമാണ്. രണ്ട് കുടുംബങ്ങളുടെയും സാന്നിധ്യത്തിൽ ഞങ്ങൾ വിവാഹനിശ്ചയം നടത്തി. ഞങ്ങൾ ഒരുമിച്ച് ഈ പുതിയ യാത്ര ആരംഭിക്കുമ്പോൾ നിങ്ങളുടെ എല്ലാ സ്‌നേഹവും അനുഗ്രഹവും തേടുന്നു’ ചടങ്ങിന്റെ ചിത്രങ്ങൾ പങ്കുവെച്ച് നിക്കി ​ഗൽറാണി കുറിച്ചു.

ഓം ശാന്തി ഓശാന, വെള്ളിമൂങ്ങ, ഇവൻ മര്യാദരാമൻ, ഒരു സെക്കൻഡ് ക്ലാസ് യാത്ര, രാജമ്മ @യാഹു തുടങ്ങിയ സിനിമകളിലും താരം അഭിനയിച്ചിരുന്നു. അന്യഭാഷാ താരമാണെങ്കിലും മലയാളം ഇരുകൈയ്യും നീട്ടിയാണ് ഈ താരത്തെ സ്വീകരിച്ചത്. ബംഗ്ലൂരിൽ ജനിച്ച നിക്കി ഫാഷൻ ഡിസൈൻ പഠനം പൂർത്തിയാകിയ ശേഷം മോഡലിംഗ് രംഗത്ത് എത്തിയ നിക്കി, തമിഴ് ചിത്രമായ പയ്യയുടെ കന്നഡ റീമേക്കിലൂടെ ആണ് സിനിമ ലോകത്തേക്ക് കടന്നു വരുന്നത്. മൂത്ത സഹോദരിയായ സഞ്ജന അറിയപ്പെടുന്ന മോഡലും അഭിനേത്രിയുമാണ്‌. ബുള്ളറ്റ് മോട്ടോർസൈക്കിൾ അതിവേഗത്തിൽ ഓടിക്കുന്നതിൽ വിദഗ്ദ്ധയായ നിക്കി സൂപ്പർ ബൈക്കുകളും ഓടിക്കും