അമ്പോ ഗ്ലാമർ ലുക്കിൽ ആരാധകരെ കയ്യിലെടുത്ത് മീനാക്ഷി രവീന്ദ്രൻ

മലയാളി മിനിസ്ക്രീൻ പ്രേക്ഷകർക്ക് ഏറ്റവും സുപരിചിതയായ അവതാരകരിൽ ഒരാളാണ് മീനാക്ഷി രവീന്ദ്രൻ.ടി ആർ പി റേറ്റിൽ മുൻപന്തിയിൽ നിന്ന ഉടൻ പണം എന്ന പരിപാടിയുടെ മുഖം കൂടിയായ മീനാക്ഷിക്ക് സോഷ്യൽ മീഡിയയ്ക്ക് അകത്തും പുറത്തും നിരവധി ആരാധകരാണ് ഉള്ളത്.

മഴവിൽ മനോരമയിൽ സംപ്രേക്ഷണം ചെയ്തിരുന്ന നായികാ നായകൻ എന്ന റിയാലിറ്റി ഷോയിലൂടെയാണ് ആലപ്പുഴ സ്വദേശിയായ മീനാക്ഷി ക്യാമറ കണ്ണുകൾക്ക് മുന്നിൽ പ്രത്യക്ഷപ്പെടുന്നത്. നായിക നായകൻ ഷോയിൽ മികച്ച മത്സരാർത്ഥികളിൽ ഒരാളായ മീനാക്ഷിക്ക് ലാൽജോസിന്റെ തട്ടിൻ പുറത്ത് അച്യുതൻ എന്ന സിനിമയിൽ അഭിനയിക്കുവാൻ ആദ്യമായി അവസരം ലഭിക്കുകയും ചെയ്തു.

നായിക നായകൻ മത്സരാർത്ഥി ആയിരുന്നപ്പോൾ തന്നെ മീനാക്ഷി മികച്ച മത്സരാർത്ഥികളിൽ ഒരാളായിരുന്നു. എന്നാൽ ലാൽജോസിന്റെ നായിക സങ്കല്പത്തിന് ചേർന്ന മുഖം ഇല്ലാതിരുന്നതിനാലാണ് മീനാക്ഷിക്ക് അവസരം ലഭിക്കാതിരുന്നത്. ഉടൻ പണത്തിൽ അവതാരികയായി വന്നതോടെ മീനാക്ഷിക്ക് ജനപിന്തുണ കൂടുതൽ ലഭിക്കുകയായിരുന്നു.

പരിപാടിയിൽ ഡെയ്നിന് ഒപ്പം കട്ടക്ക് പിടിച്ചു നിന്ന് പരിപാടിയുടെ ശൈലിയിൽ തന്നെ മാറ്റം കൊണ്ടുവരാൻ മീനാക്ഷിക്കും സാധിച്ചിട്ടുണ്ട്. ചെറുപ്പം മുതൽ നൃത്തം അഭ്യസിച്ചിട്ടുള്ള ആൾ കൂടിയാണ് താരം.

മീനാക്ഷി അടുത്തിടെ ഇറങ്ങിയ മാലിക് എന്ന ഫഹദ് ഫാസിൽ ചിത്രത്തിൽ ശ്രദ്ധേയമായ വേഷം കൈകാര്യം ചെയ്യുകയും ചെയ്തിരുന്നു. മാലിക്കിലെ മീനാക്ഷിയുടെ കഥാപാത്രം ഫഹദിന്റെ മകളായി ആയിരുന്നു. അടുത്തിടെ പുറത്തിറങ്ങിയ സിനിമകളിൽ ഏറ്റവും കൂടുതൽ ചർച്ച ചെയ്യപ്പെട്ട ചിത്രങ്ങളിൽ ഒന്നുകൂടി ആയിരുന്നു മാലിക്.

എന്നാൽ ഇങ്ങനെ ഒരു അവസരം ലഭിച്ചപ്പോൾ അത് വിശ്വസിക്കാൻ പോലും സാധിച്ചിരുന്നില്ല എന്ന് മീനാക്ഷി പല തവണ വ്യക്തമാക്കിയിട്ടുണ്ട്. ഫഹദിനൊപ്പം ഉള്ള കോമ്പിനേഷൻ സീനുകൾ ചെയ്യുമ്പോൾ വിറക്കുകയായിരുന്നു എന്നും താരം വ്യക്തമാക്കുകയുണ്ടായി.

ഇത്രയേറെ നേട്ടങ്ങൾ ജീവിതത്തിൽ കൈവരിച്ചപ്പോഴും പലപ്പോഴും ബോഡി ഷെയ്മിങ് എന്ന പ്രശ്നത്തെ അതിജീവിച്ച ഒരാൾ കൂടിയാണ് താനെന്ന് താരം വ്യക്തം ആക്കിയിരുന്നു. കുട്ടിക്കാലം മുതൽ തുള്ളിച്ചാടി നടക്കുന്ന പെൺകുട്ടിയായിരുന്നു താനെന്നും ആൺകുട്ടികൾ ചെയ്യുന്ന എല്ലാ കാര്യങ്ങളും ചെയ്യാൻ തനിക്ക് താല്പര്യം ഏറെയായിരുന്നു എന്ന് മീനാക്ഷി പറയുന്നു.

ഞാൻ ചെയ്യുന്നതിന് ഒന്നും വീട്ടുകാർ എതിര് പറഞ്ഞിട്ടില്ലെന്നും അവർ വളരെയധികം സപ്പോർട്ട് ആയിരുന്നു എന്നാണ് താരം പറയുന്നത്. സ്കൂളിൽ പഠിക്കുന്ന സമയത്ത് ക്ലാസിലെ ഏറ്റവും ചെറിയ കുട്ടി എന്നതിൻറെ പേര് ആ സമയം മുതൽ താൻ ബോഡി ഷെയമിങ് നേരിട്ട് തുടങ്ങി എന്നാണ് താരം വ്യക്തമാക്കുന്നത്.

എന്നാൽ അതിലൊന്നും തളർന്ന് നിൽക്കാതെയാണ് മീനാക്ഷി ഇന്ന് കാണുന്ന ജീവിതത്തിലെ നേട്ടങ്ങളെല്ലാം കൈപ്പിടിയിൽ ഒതുക്കിയത്. സമൂഹമാധ്യമങ്ങളിൽ സജീവമായ മീനാക്ഷി ഇതിനോടകം നിരവധി ഫോട്ടോഷൂട്ട് ചിത്രങ്ങളും സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്.

അവയോരോന്നും വളരെ മികച്ച പ്രതികരണം തന്നെയാണ് പ്രേക്ഷകരുടെ ഭാഗത്തുനിന്ന് നേടിയെടുക്കുന്നത്. ഇപ്പോൾ താരം പങ്കുവെച്ച ഏറ്റവും പുതിയ ചിത്രങ്ങളും അത്തരത്തിൽ ആരാധകർ ഏറ്റെടുത്തു കഴിഞ്ഞിരിക്കുകയാണ്.