admin
ബിഗ് സ്ക്രീനിലും മിനി സ്ക്രീനിലും ഒരുപോലെ തന്നെ കഴിവ് തെളിയിച്ച താരമാണ് കൃഷ്ണപ്രഭ. മലയാളത്തിലെ പ്രശസ്ത നടിയും നർത്തകിയുമായ താരം സമൂഹമാധ്യമങ്ങളിൽ അടക്കം സജീവസാന്നിധ്യമാണ്. നിരവധി ചിത്രങ്ങളിൽ സഹതാരമായി വേഷം കൈകാര്യം ചെയ്യുവാൻ കൃഷ്ണ പ്രഭയ്ക്ക് അവസരം ലഭിച്ചിട്ടുണ്ട്.
എന്നിരുന്നാൽ പോലും ബി ഉണ്ണികൃഷ്ണൻ സംവിധാനം ചെയ്ത മോഹൻലാൽ നായകനായി എത്തിയ മാടമ്പി എന്ന ചിത്രത്തിലെ കഥാപാത്രത്തിലൂടെയാണ് കൃഷ്ണപ്രിയയെ ആളുകൾ ശ്രദ്ധിച്ചുതുടങ്ങിയത്. പിന്നീട് താരത്തിന് നിരവധി അവസരങ്ങൾ അഭിനയജീവിതത്തിൽ ലഭിക്കുകയുണ്ടായി. ജിത്തു ജോസഫ് സംവിധാനംചെയ്ത ലൈഫ് ഓഫ് ജോസൂട്ടി എന്ന ചിത്രത്തിലെ മോളിക്കുട്ടി എന്ന താരത്തിന്റെ കഥാപാത്രം ഏറെ ശ്രദ്ധിക്കപ്പെട്ടിരുന്നു.
ഇന്നും അഭിനയ രംഗത്ത് സജീവ സാന്നിധ്യമായ താരം നിരവധി ടെലിവിഷൻ പരമ്പരകളിലും തൻറെ കഴിവ് തെളിയിച്ചു കഴിഞ്ഞിരിക്കുകയാണ്. 2009 ലെ മികച്ച സ്ത്രീ കോമഡി അഭിനേത്രിക്കുള്ള ജെ സി ഡാനിയേൽ ഫൗണ്ടേഷൻ പുരസ്കാരം നേടി. ചുരുങ്ങിയ വേഷങ്ങളിലൂടെ മലയാള സിനിമ പ്രേക്ഷകർക്ക് സുപരിചിതയായ താരം ബ്ലോഗർ എന്ന നിലയിലും കഴിവ് തെളിയിച്ചു കഴിഞ്ഞിരിക്കുകയാണ്. സ്ത്രീ പ്രാധാന്യമുള്ള കഥാപാത്രങ്ങളാണ് അധികവും താരം കൈകാര്യം ചെയ്യാറുള്ളത്.
പലപ്പോഴും നിലപാടുകളിലൂടെ താരം ആളുകളുടെ ശ്രദ്ധ നേടി എടുക്കാറുണ്ട്. അടുത്തിടെ താരത്തിന്റെ ഒരു അഭിമുഖം വളരെ പെട്ടെന്ന് തന്നെ വൈറലായി മാറിയിരുന്നു. അന്ധവിശ്വാസങ്ങളിൽ വിശ്വസിക്കുന്നില്ലെങ്കിലും പോസിറ്റീവ് എനർജിയിൽ വിശ്വസിക്കുന്ന ആളാണ് താനെന്ന് കൃഷ്ണപ്രഭ പറയുകയുണ്ടായി. വാസ്തു പോലെയുള്ള കാര്യങ്ങളിൽ ശാസ്ത്രീയമായ ഘടകങ്ങളിൽ ആണ് താൻ വിശ്വസിക്കുന്നതെന്നും ചിലർ അന്ധവിശ്വാസങ്ങളെ കൂട്ടുപിടിച്ച് ആളുകളെ ഭയപ്പെടുത്താറ് ഉണ്ടെന്നും താരം പറയുന്നു.
എന്നാൽ ഇത്തരം രീതികളോട് തനിക്ക് യാതൊരു യോജിപ്പുമില്ല എന്നും ഓരോരുത്തരുടെ വ്യക്തിപരമായ ചോയ്സ് ആണ് അതൊക്കെ എന്നുമാണ് കൃഷ്ണ പറയുന്നത്. നമുക്ക് പോസിറ്റീവ് എനർജിയോ പോസിറ്റീവ് ഫീലിംഗ് തരുന്ന ഒരു ശക്തി ഉള്ളതുകൊണ്ടാണ് നാം പ്രാർത്ഥിക്കുന്നത്.ആ എനർജിയിൽ തനിക്ക് വിശ്വാസമുണ്ടെന്ന് താരം പറയുന്നു. മോഹൻലാൽ നായകനായ ദൃശ്യം 2വിലും ശ്രദ്ധേയമായ വേഷം തന്നെയാണ് കൃഷ്ണപ്രഭ കൈകാര്യം ചെയ്തിരുന്നത്.
മേരി എന്ന താരത്തിന്റെ കഥാപാത്രം വളരെ പെട്ടെന്ന് തന്നെ ശ്രദ്ധിക്കപ്പെടുകയും ഉണ്ടായി.അടുത്ത് തലമുണ്ഡനം ചെയ്ത് കൃഷ്ണപ്രഭ എത്തിയത് ആരാധകരെ അല്പം ഞെട്ടിച്ചിരുന്നു. തുടർന്ന് മൊട്ടയടിച്ച നവവധുവിന്റെ ഫോട്ടോഷൂട്ടും ആളുകൾ ഏറ്റെടുക്കുകയുണ്ടായി. നർത്തകി എന്നതിലുപരി അഭിനേത്രി എന്ന നിലയിൽ അറിയപ്പെടാനാണ് തൻറെ ആഗ്രഹമെന്ന് ഒരിക്കൽ താരം പറയുക ഉണ്ടായി. ക്യാരക്ടർ റോളുകൾ ചെയ്യാൻ ഇഷ്ടപ്പെടുന്നുണ്ടെന്നും കൃഷ്ണപ്രഭ പറയുന്നു.
അപ്പോഴും നൃത്തത്തെ തന്റെ ജീവിതത്തിൽ നിന്നും മാറ്റി നിർത്തുവാൻ താരം ആഗ്രഹിക്കുന്നില്ല എന്നതാണ് വാസ്തവം. ഇപ്പോൾ ഏറ്റവുമൊടുവിലായി തൻറെ സുഹൃത്തിനൊപ്പം ഉള്ള നൃത്ത വീഡിയോ പങ്കുവെച്ച് ആളുകളുടെ കൈയ്യടി നേടിയിരിക്കുകയാണ് കൃഷ്ണപ്രഭ. സുഹൃത്തായ സുനിത റാവുവിന് ഒപ്പം ഇതിനുമുമ്പും താരം നിരവധി നൃത്ത വീഡിയോകൾ ചെയ്ത് സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. അത്തരത്തിലൊന്ന് തന്നെയാണ് ഏറ്റവും പുതിയ നൃത്ത വീഡിയോയും.
