Editor 3 
അറുപത്തിമൂന്ന് ദിവസം ബിഗ്ഗ് ബോസ് ഹൗസില്‍ കഴിഞ്ഞ ശേഷമാണ് സീരിയല്‍ താരം സുചിത്ര പുറത്തേക്ക് വന്നത്. വീട്ടുകാരെ കാണാം എന്ന സന്തോഷമായിരുന്നു പുറത്തിറങ്ങുമ്പോള്‍ സുചിത്രയ്ക്ക്. ബിഗ്ഗ് ബോസിന് ശേഷം സുചിത്രയുടെ യാതൊരു വിവരവും ഇല്ല.
സോഷ്യല്‍ മീഡിയയിലും സുചിത്ര വരുന്നില്ല. ഗെയിമിന്റെ ഭാഗമായി പുറത്തായവരും പുറത്താക്കപ്പെട്ടവരും സ്വമേധയാ പുറത്തിറങ്ങിയവരും എല്ലാം സോഷ്യല്‍ മീഡിയയില്‍ സജീവമാവുമ്പോഴും ഒരാള്‍ മാത്രം ആ പരിസരത്തേക്ക് പോലും വരുന്നില്ല, അതെന്താവും കാരണം?
ഏറ്റവും ആദ്യം പുറത്തായ ജാനകി സുധീര്‍ മുതല്‍ റോബിന്‍ വരെ, സുചിത്ര നായര്‍ ഒഴികെ മറ്റെല്ലാവരും ബിഗ്ഗ് ബോസ് കഴിഞ്ഞ് തൊട്ടടുത്ത ദിവസം മുതല്‍ സോഷ്യല്‍ മീഡിയിലും അഭിമുഖങ്ങളിലും എല്ലാം സജീവമാണ്. പുറത്തിറങ്ങിയ ശേഷം പ്രേക്ഷകരോട് നന്ദി പറഞ്ഞ് സോഷ്യല്‍ മീഡിയയിലും ബിഗ്ഗ് ബോസിന് അകത്തെ വിശേഷങ്ങള്‍ പറഞ്ഞ അഭിമുഖങ്ങളിലും എത്തി. പക്ഷെ സുചിത്രയെ മാത്രം എങ്ങും കണ്ടില്ല.
സാധാരണ ജീവിതത്തിലേക്ക് തിരിച്ച് വരാനുള്ള കാലതാമസമായിരിയ്ക്കും ഇത് എന്ന് ചിലര്‍ അഭിപ്രായപ്പെടുന്നു. പുറംലോകവുമായി ബന്ധമില്ലാതെ, ഫോണും ഇന്റര്‍നെറ്റും മറ്റ് ആധുനിക സൗകര്യങ്ങള്‍ ഓന്നും ഇല്ലാതെ ഒരു മതില്‍ക്കെട്ടിനുള്ളില്‍ അറുപത് ദിവസത്തിലധികം കഴിഞ്ഞ ശേഷം പുറത്തിറങ്ങിയാല്‍ സാധാരണ ജീവിതവുമായി പൊരുത്തപ്പെടാന്‍ കുറച്ച് സമയമെടുക്കും. അതായിരിയ്ക്കാം ഒരുപക്ഷെ സുചിത്ര പെട്ടന്ന് ഒന്നും സോഷ്യല്‍ മീഡിയയിലേക്ക് വരാത്തത് എന്നാണ് ചിലരുടെ അഭിപ്രായം.
ബിഗ്ഗ് ബോസിലേക്ക് പോകുന്നത് വരെ ഇന്‍സ്റ്റഗ്രാമില്‍ വളരെ സജീവമായിരുന്നു സുചിത്ര. റീല്‍സ് വീഡിയോ ഇടാനും തന്റെ തന്നെ മനോഹരമായ ചിത്രങ്ങള്‍ പങ്കുവയ്ക്കാനും മുന്നിലായിരുന്നു. എന്നാല്‍ ബിഗ്ഗ് ബോസിന് ശേഷം ആ പരിസരത്തേക്ക് പോലും സുചിത്രയെ കണ്ടില്ല. എന്തായിരിയ്ക്കും കാരണം എന്ന് ചികയുകയാണ് ബിഗ്ഗ് ബോസ് പ്രേമികള്‍.
ആ കാലതാമസം ഉണ്ടായിരിയ്ക്കാം, എന്നിരുന്നാലും രണ്ട് മൂന്ന് ദിവസമെങ്കിലം കഴിഞ്ഞ ശേഷം, തന്നെ കുറിച്ചുള്ള അഭിപ്രായങ്ങള്‍ എന്തായിരിയ്ക്കും എന്ന് അറിയാനുള്ള ആകാംക്ഷയെങ്കിലും സുചിത്രയ്ക്ക് ഉണ്ടായിരിയ്ക്കില്ലേ, അതിനെങ്കിലും സോഷ്യല്‍ മീഡിയയില്‍ വരുമാരിക്കില്ലേ എന്ന് ചിലര്‍ സംശയം പ്രകടിപ്പിയ്ക്കുന്നു. ഇതുവരെ പുറത്തിറങ്ങിയ മറ്റെല്ലാവരോടും എന്ന പോലെ അഭിമുഖത്തിന് എങ്കിലും ചാനലുകള്‍ സുചിത്രയെ ബന്ധപ്പെടാന്‍ ശ്രമിച്ചുകാണില്ലേ എന്നും ചിലര്‍ ചോദിക്കുന്നുണ്ട്.
ഒരുപക്ഷെ അപമാനഭാരമായിരിയ്ക്കാം സുചിത്ര സോഷ്യല്‍ മീഡിയയുടെ പക്കം തിരിഞ്ഞു നോക്കാത്തതിന് കാരണം എന്ന് മറ്റു ചിലര്‍ അനുമാനിയ്ക്കുന്നു. ബിഗ്ഗ് ബോസ് ഹൗസിന് അകത്ത് ആരുടെയും എതിര്‍പ്പ് സമ്പാദിക്കാത്ത സുചിത്ര, എവിക്ഷന്‍ നോമിനേഷനില്‍ സ്വമേധായ വരികയായിരുന്നു. ജനങ്ങള്‍ക്ക് തന്നെ കുറിച്ചുള്ള അഭിപ്രായം എന്താണ് എന്ന് അറിയാന്‍ താത്പര്യമുണ്ട് എന്ന് പറഞ്ഞ് ആദ്യമായി എവിക്ഷന്‍ നോമിനേഷനില്‍ വന്ന സുചിത്ര, അതോടെ പുറത്താക്കപ്പെടുകയും ചെയ്തു.
നോമിനേഷനില്‍ വരാന്‍ പ്രേക്ഷകര്‍ കാത്തിരുന്നത് പോലെയായിരുന്നു ആ പുറത്താക്കപ്പെടല്‍. അതിന്റെ നാണക്കേടും ആയിരിയ്ക്കാം. നൃത്തത്തിലൂടെയാണ് തിരുവനന്തപുരം സ്വദേശിനിയായ സുചിത്ര സീരിയലില്‍ എത്തപ്പെട്ടത്. തുടക്കക്കാരിയെന്ന യാതൊരു പ്രശ്നങ്ങളുമില്ലാത്ത മികച്ച അഭിനയമാണ് സുചിത്ര കാഴ്ച വയ്ക്കുന്നത്. അതിനാല്‍ തന്നെ ഒട്ടെറെ ആരാധകരും നടിക്ക് ഉണ്ട്. സീരിയലില്‍ വില്ലത്തിയാണെങ്കിലും യഥാര്‍ഥ ജീവിതത്തില്‍ താന്‍ ഒരു പാവമാണെന്ന് സുചിത്ര പറയാറുണ്ട്.
