admin
മലയാളത്തിലൂടെ തുടക്കം കുറിച്ച് തെന്നിന്ത്യയുടെ പ്രിയ നായികയായിരിക്കുകയാണ് സായ് പല്ലവി. തന്റെ നിലപാടുകള്‍ ധൈര്യത്തോടെ പറയാന്‍ യാതൊരു മടിയും താരം കാണിക്കാറില്ല. വ്യക്തമായ തീരുമാനങ്ങളും കാഴ്ചപാടുമുള്ള വ്യക്തിയാണ് നടി. പലപ്പോഴും നടിയുടെ തീരുമാനങ്ങളും തുറന്നു പറച്ചിലുകളും ശ്രദ്ധ നേടാറുണ്ട്. ഇപ്പോള്‍ ഹിന്ദി സിനിമയില്‍ അവസരം ലഭിച്ചാല്‍ അഭിനയിക്കുമോ എന്ന ചോദ്യത്തിന് സായ് പല്ലവി നല്‍കിയ മറുപടിയാണ് ശ്രദ്ധേയമായി മാറിക്കൊണ്ടിരിക്കുന്നത്.
ബോളിവുഡ് സിനിമ എന്ന് പറഞ്ഞത് കൊണ്ട്, വെറുതേ ഒരു ബോളിവുഡ് സിനിമയില്‍ അഭിനയിക്കണം എന്ന് എനിക്ക് താത്പര്യമില്ല. എല്ലാവരെയും പോലെ ബോളിവുഡ് സിനിമ എന്ന് പറഞ്ഞാല്‍ ഹാ ചെയ്യാം എന്ന ആഗ്രഹിക്കുന്നില്ല. എന്നെ സംബന്ധിച്ച് തിരക്കഥയാണ് പ്രധാനം. തിരക്കഥ വായിക്കുമ്പോള്‍ നടി എന്ന നിലയിലല്ല, ഒരു പ്രേക്ഷക എന്ന നിലയിലാണ് ഞാന്‍ വായിക്കുന്നത്. അത് എന്നെ സംതൃപ്തിപ്പെടുത്തുകയാണെങ്കില്‍ ചെയ്യും. ബോളിവുഡില്‍ തന്നെ ആകണം എന്നില്ല. ഇവിടെ എന്റെ തായ് മൊഴിയിലില്‍ ആയാലും മറ്റേത് ഭാഷയില്‍ ആണെങ്കിലും തിരക്കഥ എന്നെ തൃപ്തിപ്പെടുത്തിയാല്‍ മാത്രമേ ചെയ്യൂ.
ബോളിവുഡ് സിനിമയില്‍ അഭിനയിക്കുന്നത് സന്തോഷമുള്ള കാര്യം തന്നൊണ്. മികച്ച കഥയും ടീമും വന്നാല്‍ ചെയ്യും. അതില്‍ എതിര്‍ അഭിപ്രായമില്ല. പക്ഷെ എന്റെ നിബന്ധനകള്‍ ഒന്നും മാറ്റാന്‍ തയ്യാറല്ല.
കുടുംബത്തിനൊപ്പം തനിയ്ക്ക് പോയിരുന്ന കാണാന്‍ പറ്റുന്ന സിനിമകള്‍ മാത്രമേ ചെയ്യൂ എന്ന് നേരത്തെ തന്നെ സായ് പല്ലവി പറഞ്ഞിട്ടുണ്ട്. വസ്ത്രങ്ങള്‍ ധരിയ്ക്കുമ്പോള്‍ അത് എന്റെ കംഫര്‍ട്ട് ലെവലില്‍ ആയിരിക്കണം എന്നതും നടിയുടെ നിബന്ധനയാണ്. തിരക്കഥ ഇഷ്ടപ്പെടാത്ത സിനിമകള്‍, അത് എത്ര വലിയ സംവിധായകന്റെ ആയാലും സായി പല്ലവി നോ പറഞ്ഞതും ശ്രദ്ധേയമായിരുന്നു.
