മുല്ലപ്പെരിയാൽ അണക്കെട്ട് അടുത്തൊന്നും പൊട്ടില്ല, ധൈര്യമായിരിക്കൂ, മനോജ് കുമാർ

മുല്ലപ്പെരിയാറിൽ പുതിയ ഡാം വേണമെന്നുള്ള ചർച്ചകൾ സോഷ്യൽ മീഡിയയിലടക്കം സജീവമാണ്. പൃഥ്വിരാജ് അടക്കമുള്ള സിനിമ താരങ്ങൾ ഇതിനെതിരെ രംഗത്ത് വന്നിരുന്നു. ഇപ്പോഴിതാ വിഷയത്തിൽ പ്രതികരിച്ചിരിക്കുകയാണ് നടൻ മനോജ് കുമാർ. താരത്തിന്റെ വാക്കുകളിങ്ങനെ

മുല്ലപ്പെരിയാൽ അണക്കെട്ട് അടുത്തൊന്നും പൊട്ടാൻ പോകുന്നില്ല. ഈ ഡാം പൊട്ടില്ല, ധൈര്യമായിരിക്കൂ. അടുത്തൊരു മുപ്പത് വർഷത്തേക്ക് ഈ ഡാം പൊട്ടാൻ പോകുന്നില്ല. ഇത് പണിതത് ഒരു മലയാളിയോ ഇന്ത്യക്കാരനോ ആണെങ്കിൽ ഞാൻ ഒരിക്കലും ഇത്ര ഉറപ്പോടെ ഡാം പൊട്ടില്ലെന്ന് പറയില്ലായിരുന്നു. ഇത് പണിതത് ബ്രിട്ടീഷുകാരനായത് കൊണ്ടാണ് ഉറപ്പ്. ബ്രിട്ടീഷുകാർ പണിത പലതും ഇന്നും തകരാതെ ഇരിക്കുന്നുണ്ട് ഇന്ത്യയിൽ. അവർ അതിന് ഒരു കാലാവധി വെക്കും. പക്ഷേ നമ്മൾ ഉണ്ടാക്കുന്നതൊക്കെ അതിന് മുമ്പ് വീഴും. പാലാരിവട്ടം പാലം, കോഴിക്കോട് ബസ് സ്റ്റാൻഡ് എന്നിവയൊക്കെ ഇതിൽ ചില ഉദാഹരണങ്ങളാണ്.

ബ്രിട്ടീഷുകാരുടെ ഏറ്റവും വലിയ കാര്യം ജോലിയോടുള്ള ആത്മസമർപ്പണവും സത്യസന്ധതയുമാണ്. സുർക്കി മിശ്രിതം അടക്കം ഉപയോഗിച്ചാണ് മുല്ലപ്പെരിയാർ നിർമിച്ചിട്ടുള്ളത്. ബ്രിട്ടീഷുകാരൻ 50 വയസ്സ് ആയുസ്സ് പറയുന്ന ഡാമിന് 200 വർഷം ആയുസ്സുണ്ടാവുമെന്ന് കാര്യം തർക്കമേ വേണ്ട. അടുത്ത 50 വർഷത്തേക്ക് അതുകൊണ്ട് പേടിക്കുകയേ വേണ്ട. എന്റെ അച്ഛൻ, അമ്മ, തുടങ്ങി ബന്ധുക്കളും കുടുംബവും അടക്കമുള്ള എല്ലാവരും ഡാമിന് സമീപ ജില്ലയായ എറണാകുളത്താണ്. ഇത് പൊട്ടിയാൽ ഒരിക്കലും ഞങ്ങൾക്ക് രക്ഷപ്പെടാനാവില്ല. ഡാം പൊട്ടിയാൽ എത്ര പേർക്ക് രക്ഷപ്പെടാനാവും. പൊട്ടിയാൽ അങ്ങ് മരിക്കുക എന്നത് മാത്രമാണ് ഓപ്ഷൻ.