amrutha
ബോളിവുഡിന്റെ പ്രിയപ്പെട്ട നായിക ദീപിക പദുക്കോണിന്റെ പ്രണയത്തെക്കുറിച്ച് ഒരു മിനിസ്ക്രീൻ ചാനലിൽ ചെയ്ത കോമഡി പ്രോഗ്രാം വിവാദത്തിൽ ആകുന്നു. നടിയുടെ കാമുകന്മാർ ഒരുമിച്ച് വരുന്നു എന്ന രീതിയിലായിരുന്നു കോമഡി പ്രോഗ്രാം അവതരിപ്പിച്ചത്. കോമഡി പ്രോഗ്രാമിന്റെ വീഡിയോയാണ് സമൂഹമാധ്യമത്തിലൂടെ ഇപ്പോൾ പ്രചരിക്കുന്നത്.
നടിയുടെ മുൻ കാമുകന്മാരാണെന്ന് അറിയപ്പെടുന്ന നടൻ രൺബീർ കപൂർ ക്രിക്കറ്റർ യുവരാജ് സിംഗ് നട നിഹര്‍ പാണ്ഡ്യ നടനും മോഡലുമായ സിദ്ധാര്‍ഥ് മല്യ എന്നിവരെ ചിലര്‍ അനുകരിക്കുന്നതായാണ് വീഡിയോയിൽ കാണിച്ചത്.
വ്യാപകമായ വിമർശനത്തിനാണ് ഇപ്പോൾ വഴി വച്ചിരിക്കുന്നത്. സമൂഹമാധ്യമത്തിലൂടെ ആരാധകർ പറയുന്നത് ദീപിക ഇതിനെതിരെ നിയമനടപടി സ്വീകരിക്കണമെന്നാണ്. നാണക്കേട് ഉണ്ടാക്കുന്ന നടപടി ആണെന്നാണ് മറ്റൊരാൾ എഴുതിയത്.വ്യക്തിഹത്യയാണ് ഇത്തരത്തിലുള്ള ചെയ്യുന്നതെന്നും അവരുടെ സ്വകാര്യ ജീവിതത്തിലെ കാര്യങ്ങളാണ് കോമാളിത്തരം ആക്കി കാണിക്കുന്നതെന്നും ചിലർ അഭിപ്രായപ്പെട്ടു.
സഹിക്കാനാകാത്തതിലും അപ്പുറമാണ് ദീപികയുടെതായി പ്രചരിക്കുന്ന വീഡിയോ എന്നും ആരാധകർ കമൻറ് ബോക്സുകളിൽ എഴുതുന്നു. അതേസമയം, കോഫി വിത്ത് കരണ്‍ ഷോയില്‍ രണ്‍വീര്‍ സിംഗും ദീപിക പദുക്കോണും ഒന്നിച്ചെത്തിയത് വലിയ രീതിയിൽ ചർച്ചയായിരുന്നു. ഇതിനെതിരെയും വിവാദ കമൻറുകൾ വന്നിരുന്നു.
