Editor 3 
സോഷ്യല്‍ മീഡിയയില്‍ മിന്നും താരങ്ങളാണ് ബഷീര്‍ ബഷിയും ഭാര്യമാരും. മൂന്ന് പേരും എന്ത് തന്നെ സോഷ്യല്‍ മീഡിയയില്‍ പങ്കുവച്ചാലും വളരെ പെട്ടന്ന് തന്നെ അത് വൈറലാവാറുണ്ട്. എന്നാല്‍ കുറച്ചു നാളുകളായി തങ്ങളുടെ ബിബി ക്രീം ബിസിനസ്സിന്റെ ഭാഗമായുള്ള ഫോട്ടോകള്‍ അല്ലാതെ കുടുംബ വിശേഷങ്ങള്‍ അധികം സോഷ്യല്‍ മീഡിയയില്‍ മൂവരും പങ്കുവയ്ക്കാറില്ല.
സുഹാനയുടെയും ബഷീറിന്റെയും പതിമൂന്നാം വിവാഹ വാര്‍ഷികമാണ്. വിവാഹ വാര്‍ഷികത്തോട് അനുബന്ധിച്ച വീഡിയോസ് എല്ലാം ഇതിനോടകം യൂട്യൂബില്‍ പങ്കുവച്ചു കഴിഞ്ഞു. ആരൊക്കെ ആശംസ അറിയിച്ചു എന്നതാണ് ഇപ്പോള്‍ സോഷ്യല്‍ മീഡിയ അന്വേഷിച്ചുകൊണ്ടിരിയ്ക്കുന്നത്.
വിവാഹ വാര്‍ഷികത്തിന് സ്വാഭാവികമായും സുഹാനയും ബഷിയും പോസ്റ്റുകള്‍ പങ്കുവച്ചിട്ടുണ്ട്. എന്നാല്‍ രണ്ടാം ഭാര്യ മഷുറ ഇന്‍സ്റ്റഗ്രാമില്‍ അങ്ങിനെ പ്രത്യേകിച്ച് ഒരു പോസ്റ്റും പങ്കുവച്ചതായി കാണുന്നില്ല. ചികഞ്ഞ് പോകുമ്പോള്‍ ഇന്‍സ്റ്റഗ്രാം സ്‌റ്റോറിയില്‍ ഒരേ ഒരു പോസ്റ്റ് മാത്രമാണ് കാണുന്നത്. ‘പതിമൂന്നാം വിവാഹ വാര്‍ഷികം ആഘോഷിക്കുന്ന എന്റെ ഏറ്റവും പ്രിയപ്പെട്ട ജോഡിയ്ക്ക് വാര്‍ഷിക ആശംസകള്‍’ എന്നാണ് സ്‌റ്റോറി.
പൊതുവെ ബഷീര്‍ ബഷിയുടെ കുടുംബത്തിന് ഒരു പ്രത്യേകതയുണ്ട്. ജന്മദിനം, വിവാഹ വാര്‍ഷികം പോലുള്ള എല്ലാ വിശേഷ ദിവസങ്ങള്‍ക്കും ഒരാഴ്ച മുന്‍പേ തന്നെ ആഘോഷങ്ങള്‍ തുടങ്ങും. ആ ദിവസം സോഷ്യല്‍ മീഡിയയില്‍ ഒരുമിച്ച് നില്‍ക്കുന്ന ഫോട്ടോസും പങ്കുവയ്ക്കും. അതത്രയും വൈറലാവുകയും ചെയ്യും. അടുത്തിടെ കഴിഞ്ഞ മഷുറയുടെ ബേബി ഷവറും, പിറന്നാളും ബഷിയുടെ പിറന്നാളും എല്ലാം അങ്ങിനെയായിരുന്നു. അപ്പോള്‍ പിന്നെ എന്തുകൊണ്ട് ഈ വിവാഹ വാര്‍ഷികത്തിന് നിറം മങ്ങുന്നു എന്നാണ് ചോദ്യം.
കഴിഞ്ഞ പ്രാവശ്യം മഷുറയുടെ ബേബി ഷവറുമായി ബന്ധപ്പെട്ട് പങ്കുവച്ച വീഡിയോയ്ക്ക് താഴെ സുഹാനയ്ക്ക് എതിരെ ഒരുപാട് കമന്റുകള്‍ വന്നിരുന്നു. തന്റെ ഭര്‍ത്താവിനെ പങ്കുവയ്ക്കാന്‍ പൂര്‍ണ മനസ്സോടെ സമ്മതിയ്ക്കുന്ന ചുരുക്കം ചില, അപൂര്‍വ്വ ഭാര്യമാരില്‍ ഒരാളാണ് സുഹാന, സത്യത്തില്‍ സുഹാന ഹാപ്പിയല്ല, താന്‍ ഹാപ്പിയാണ് എന്ന് അഭിനയിക്കുകയാണ് എന്നൊക്കെയായിരുന്നു കമന്റുകള്‍.
സുഹാനയുടെ അനുവാദം വാങ്ങി കൊണ്ടാണ് ബഷീര്‍ മഷുറയെയും വിവാഹം ചെയ്തത്. തന്റെ ജീവിതത്തില്‍ വലിയ സ്ഥാനം നല്‍കുന്നവളാണ് സുഹാന എന്ന ബഷി നേരത്തെ പറഞ്ഞിട്ടുണ്ട്. വിവാഹ വാര്‍ഷിക ആഘോഷത്തിന്റെ ഭാഗമായി രാത്രി 12 മണിക്ക് തന്നെ കേക്ക് കട്ടിങും പരിപാടികളും എല്ലാം ഉണ്ടായിരുന്നു. എല്ലാ ദാമ്പത്യത്തിലെയും എന്നപോലെ കൊച്ചു കൊച്ചു ഇണക്കങ്ങളും പിണക്കങ്ങളും ആയി തന്നെയാണ് കഴിഞ്ഞ പതിമൂന്ന് വര്‍ഷവും ഞങ്ങള്‍ ജീവിച്ചത് എന്ന് ആ വീഡിയോയില്‍ ബഷി പറഞ്ഞിട്ടുണ്ട്.
