admin
അൽഫോൺസ് പുത്രൻ സംവിധാനം ചെയ്ത പ്രേമം എന്ന ചിത്രത്തിലൂടെ മലയാളികളുടെ മനസ്സ് കീഴടക്കിയ താരമാണ് സായിപല്ലവി. ചിത്രത്തിലെ മലർ എന്ന ടീച്ചറുടെ കഥാപാത്രത്തിൽ ആയിരുന്നു സായി എത്തിയത്. നിവിൻ പോളിയുടെ നായികയായി സായി പല്ലവി വളരെ ചുരുങ്ങിയ സമയം കൊണ്ടാണ് സിനിമാ പ്രേക്ഷകരുടെ ഹൃദയം കവർന് എടുത്തത്. ആദ്യ ചിത്രത്തിലൂടെ തന്നെ നിരവധി ആരാധകരെ സ്വന്തമാക്കിയ സായിപല്ലവിക്ക് നിരവധി ചിത്രങ്ങൾ ആയിരുന്നു പിന്നീട് ലഭിച്ചത് .
മലയാളത്തിലും തമിഴിലും അന്യഭാഷകളിലും ആയി ഇപ്പോൾ ഒരു തിരക്കുള്ള നടിയായി താരം മാറിയിരിക്കുകയാണ് ,മലയാളത്തിൽ ആകെ മൂന്ന് ചിത്രങ്ങളിൽ മാത്രമേ താരം അഭിനയിച്ചിട്ടുള്ളൂ, മൂന്നും ഏറെ ശ്രദ്ധിക്കപ്പെട്ട തന്നെയായിരുന്നു. ഇപ്പോഴിതാ സോഷ്യൽ മീഡിയയിലൂടെ കുടുംബത്തിലെ ഒരു സന്തോഷവാർത്തയുമായി സായി പല്ലവി എത്തിയിരിക്കുകയാണ്.
മുത്തച്ഛന്റെ എൺപത്തിയഞ്ചാം പിറന്നാൾ ആഘോഷമാക്കിയതാണ് സായി പല്ലവി സോഷ്യൽ മീഡിയയിലൂടെ അറിയിച്ചത്. ആരുടേയും ഹൃദയം കവരുന്ന ചിത്രങ്ങളാണ് സോഷ്യൽ മീഡിയയിലൂടെ സായ് പല്ലവി പങ്കുവച്ചത്. മുത്തച്ഛനും മുത്തശ്ശിയ്ക്കും സഹോദരി പൂജയ്ക്കുമൊപ്പമുള്ള സന്തോഷ നിമിഷങ്ങളാണ് താരം പോസ്റ്റ് ചെയ്തത്.
നടിയുടെ നിരവധി സിനിമകളാണ് റിലീസിങ്ങിനായി കാത്തിരിക്കുന്നത്. നാഗ ചൈതന്യ നായകനായ ലവ് സ്‌റ്റോറി, റാണ ദഗ്ഗുപതിക്കൊപ്പം അഭിനയിച്ച വിരാട പര്‍വം എന്നിവയാണ് പുറത്തിറങ്ങാനിരിക്കുന്ന പുതിയ ചിത്രങ്ങൾ. നാനി നായകനാകുന്ന ശ്യാം സിംഹ റോയ് ആണ് താരത്തിന്റെ ഏറ്റവും പുതിയ പ്രോജക്ട്.
