എന്റേത് ഒരു ധീരമായ തീരുമാനം തന്നെയായിരുന്നു, പലരും ഇത്തരത്തിലൊരു തീരുമാനമെടുക്കാൻ ധൈര്യം കാണിക്കാറില്ല; ആദ്യ വിവാഹ ബന്ധം വേർപെടുത്തിയതിനെ കുറിച്ച് കാവ്യാ മാധവൻ പറഞ്ഞത് ഇങ്ങനെ

എന്നും എക്കാലവും മലയാള സിനിമ പ്രേമികളുടെ പ്രിയങ്കരിയായ നടിയാണ് കാവ്യാ മാധവൻ. സിനിമയിൽ സജീവം അല്ലെങ്കിലും കാവ്യ മാധവൻ്റെ വിശേഷങ്ങളെല്ലാം ആരാധകർ ഇരുകൈയ്യും നീട്ടിയാണ് സ്വീകരിക്കുന്നത്. ദിലീപിൻ്റെയും കാവ്യയുടെയും മക്കളുടെയുമൊക്കെയും വിശേഷങ്ങൾ അതിവേഗമാണ് പ്രേക്ഷകരിലേക്ക് എത്തുന്നതും.

ഇരുവരുടെയും ചിത്രങ്ങൾ ഫാൻസ് ഗ്രൂപ്പുകളിൽ പലപ്പോഴും പ്രത്യക്ഷപ്പെടാറുണ്ട്. ഇതൊക്കെ ആരാധകർക്ക് വലിയ ആഘോഷമാണ്. മാധ്യമങ്ങളും സോഷ്യൽ മീഡിയയും ഒരേപോലെ ഇതേറ്റെടുക്കാറുമുണ്ട്.. അത്തരത്തിൽ കാവ്യ തന്റെ ജീവിതത്തിൽ മുന്പെടുത്ത ഒരു ധീരമായ തീരുമാനത്തെകുറിച്ചാണ് ഇപ്പോൾ ചർച്ച നടക്കുന്നത്.

എന്നെ സംബന്ധിച്ചിടത്തോളം ജീവിക്കാൻ കൊതിച്ചിട്ടുപോയ ആളാണ്. കാരണം സിനിമയിൽ വന്ന നാള് മുതൽ ഒരു നോർമൽ ലൈഫ് എനിക്ക് ഉണ്ടായിട്ടില്ല. കുട്ടി ആയിരിക്കുന്ന കാലത്തു വന്നത് മുതൽ, ആളുകൾ എവിടെ ഇറങ്ങിയാലും തിരിച്ചറിയും. പ്രത്യേകിച്ച് എന്റെ നാട്ടിൽ ഈ സിനിമ ഒന്നും ഇല്ലാതിരുന്ന കാലത്താണ് ഞാൻ സിനിമയിലേക്ക് എത്തുന്നത്.

അതുകൊണ്ട് എവിടെ ആണെങ്കിലും ആളുകൾ ഒരു ബഹുമാനം തരുന്നുണ്ടായിരുന്നു. ചെറുപ്പത്തിൽ കെട്ടിയിട്ടു വളർത്തുക എന്ന് പറയില്ലേ, അതെ പോലെ നിയന്ത്രണങ്ങളിൽ ആണ് വളർന്നു വന്നത്. അപ്പോൾ ഒക്കെ അമ്മ പറയും നീ വിവാഹം ഒക്കെ കഴിഞ്ഞു പോകുമ്പോൾ നല്ല രീതിയിൽ ജീവിച്ചു പൊക്കോളൂ. ഭക്ഷണത്തിനു ഡയറ്റ് വേണ്ട, ഇമേജിനെ പേടിച്ചു ജീവികണ്ട. വളരെ സാധാരണക്കാരിയായി നമുക്ക് ജീവിക്കാമല്ലോ. അല്ലെങ്കിൽ വളരെ പിടിച്ചിട്ടല്ലേ ജീവിക്കാൻ കഴിയൂ.

പുറത്തൊന്നും പേടിച്ചിറങ്ങാൻ പോലും കഴിയില്ലല്ലോ. എവിടെയും ക്യാമറകൾ അല്ലെ. മൊബൈൽ ക്യാമറകൾ നമ്മളെ എവിടെയും പിന്തുടരുന്നുണ്ടാകും. സംസാരിക്കുമ്പോൾ ശ്രദ്ധിക്കണം, മീഡിയയുടെ മുൻപിൽ ഇരിക്കുമ്പോൾ ശ്രദ്ധിക്കണം, അഭിനയിക്കുമ്പോൾ ശ്രദ്ധിക്കണം. ഇതിന്റെ ഇടയിലൊക്കെ വളരെ മോശം കമന്റ്സ് വരാം. മോശം പെരുമാറ്റം വരാം.

ഇതിനെയൊക്കെ വളരെ നല്ല രീതിയിൽ തന്നെ പെരുമാറാൻ പറ്റണം. പലപ്പോഴും ഞാൻ ഞാനല്ലാതെ ആകുന്ന പോലെ തോന്നിയിട്ടുണ്ട്. ഇത് ഞാൻ തന്നെയാണോ, ഞാൻ ഇങ്ങനെ ആയിരുന്നോ, എനിക്ക് അഭിനയിച്ചു അഭിനയിച്ചു വരുന്നു പോയതാണോ എന്ന് ചിന്തിച്ചു പോകും. കുട്ടിപ്രായത്തിൽ തന്നെ വന്നുപോയതുകൊണ്ടാകാം അങ്ങിനെയുള്ള ചിന്തകൾ വന്നത്. വലിയ ആഗ്രഹങ്ങൾ ഒന്നും തന്നെ ജീവിതത്തിൽ എനിക്കില്ല.

വലിയ വലിയ കാര്യങ്ങളോ നടക്കാത്ത കാര്യങ്ങളോ ഒന്നും തന്നെ ഞാൻ ആഗ്രഹിക്കാറില്ല. എനിക്ക് പറ്റും എന്ന് തോന്നുന്ന കാര്യങ്ങൾ, വളരെ ജെ നുവിൻ ആയ കാര്യങ്ങൾ മാത്രമേ ഞാൻ ആഗ്രഹിക്കാറുള്ളൂ. ഒരു കള്ളത്തരത്തിനു വേണ്ടിയോ വിഷമിപ്പിച്ചിട്ട് നേടിയെടുക്കണം എന്ന ചിന്തയുള്ള ആളൊന്നും അല്ല. എന്തെങ്കിലും കാര്യം ഇഷ്ടമായാൽ അതിനെ നേടിയെടുക്കണം എന്ന വാശിയൊന്നും എനിക്ക് ഒട്ടുമില്ലെന്നും വൈറൽ ആകുന്ന അഭിമുഖത്തിൽ കാവ്യ പറയുന്നു.

നല്ല ഒരു വിവാഹം കിട്ടുക നല്ലൊരു വീട്ടിൽ ചെന്ന് കയറാൻ പറ്റുക എന്നൊക്ക പറയുന്നത് ഒരു ഭാഗ്യമാണ്. അത് വളരെ അപൂർവ്വം ആളുകൾക്കാണ് ലഭിക്കുക. ചിലർ അതൊരു അ ഡ്ജസ്റ്റ്മെന്റിന്റെ പുറത്തങ്ങു ജീവിച്ചു പോകും കുട്ടികൾ ആയതിന്റെ പേരിൽ. പിന്നെ സമൂഹത്തിന്റെ മുൻപിൽ ഒരു പ്രശ്നത്തിന് പുറകെ പോകാൻ താത്പര്യം ഇല്ലാത്ത എത്രയോ ആളുകളെ എനിക്ക് നേരിട്ടറിയാം.

എനിക്ക് വളരെ പേ ഴ്സണൽ ആയിട്ട് അറിയാവുന്ന ഒരുപാട് ആളുകൾ അത്തരത്തിൽ ജീവിച്ചു മുൻപോട്ട് പോകുന്നുണ്ട്. ഇപ്പോൾ അവർ എന്നെ എൻകറേജ് ചെയ്യാറുണ്ട്. നീ ഈയെടുത്ത ധൈര്യം എന്ന് പറഞ്ഞുകൊണ്ട്. ഞാൻ വളരെ പെട്ടന്നാണ് എന്റെ ജീവിതത്തിൽ ഒരു തീരുമാനം എടുത്തത്. അതിനു ധൈര്യം ഇല്ലത്തെ ജീവിതം ജീവിച്ചു തീർക്കുന്ന കുറെ അധികം ആളുകൾ ഉണ്ട് ഇപ്പോഴും.

വളരെ ചെറിയ ജീവിതം അല്ലെ നമുക്ക് ഉള്ളൂ. എത്ര ചെറിയ ജീവിതമാണ്. ഈ ഇടിക്കുന്ന ഹൃദയം ഒന്ന് നിലച്ചാൽ തീരാവുന്നതേ ഉള്ളൂ. അത്ര ചെറിയ ഒരു ജീവിതം ആണ് നമുക്ക് എല്ലാവർക്കും ഉള്ളത്. അപ്പോൾ എന്തിനാണ് അങ്ങനെ സ്വയം വിഷമിച്ചിട്ടും മറ്റുള്ളവരെ വിഷമിപ്പിച്ചിട്ടും ജീവിച്ചു തീർക്കുന്നത്. മരിക്കാവുന്ന ആളുകൾ അല്ലെ, അപ്പോൾ ഉള്ള ജീവിതം വളരെ മനോഹരമായി ജീവിച്ചു തീർക്കുക.