admin
മലയാള മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട നടനാണ് ദീപന്‍ മുരളി. മലയാളം ബിഗ്‌ബോസ് ഒന്നാം സീസണില്‍ മത്സരാര്‍ത്ഥിയുമായിരുന്നു. സോഷ്യല്‍ മീഡിയകളിലും സജീവമായ ദീപന്‍ മുരളി അപ്പോള്‍ മകള്‍ മേധസ്വിയുടെ രണ്ടാം പിറന്നാളുമായി ബന്ധപ്പെട്ട് പങ്കുവെച്ച കുറിപ്പ് ശ്രദ്ധേയമാവുകയാണ്. ഷൂട്ടിങ് തിരക്കുകള്‍ കാരണം മകളുടെ പിറന്നാളിനു അവള്‍ക്കൊപ്പം ഉണ്ടാകാന്‍ കഴിയാത്തതിന്റെ ദുഖവും താരം പങ്കുവെച്ചു.
ദീപന്റെ കുറിപ്പ് ഇങ്ങനെ, ‘അച്ചന്റെ എല്ലാമെല്ലാമായ മേധസ്വി മോള്‍ക്ക് ഇത്തിരി ദൂരത്തു നിന്നും ഒത്തിരി സ്‌നേഹത്തോടെ എന്റെ മുത്തിന് ഒരായിരം ജന്മദിനാശംസകള്‍ നേരുന്നു, രണ്ടു വര്‍ഷമായി നിന്റെ കളിയും, ചിരിയും, കൊഞ്ചലും , കുറുമ്പും, കുസുത്രിയും, അച്ചന്‍ വിളിയും എനിക്ക് എന്തിനേക്കാളും കിട്ടുന്ന ആനന്ദം ജീവിതം പൂര്‍ണ്ണമാക്കുന്നത്…
ജീവന്റെ പാതിയില്‍ ഞങ്ങള്‍ക്ക് ദൈവം തന്ന വരദാനം. ഷൂട്ടിങ്ങ് കഴിഞ്ഞ് സ്വയം ക്വാറന്റീന്‍ ആയതിനാല്‍ എനിക്ക് ഓടി വന്നു ചക്കരയുമ്മ തരാനും നിന്റെ പിറന്നാള്‍ ദിനത്തില്‍ കൂടെ നില്ക്കാനും കഴിയാതെ പോകുന്ന വിഷമം പറയാന്‍ കഴിയുന്നില്ല ,നീ ആരോഗ്യത്തോടെയും സന്തോഷത്തോടെ ഇരിക്കാന്‍ ആണ് അച്ചന്റെ പ്രാഥ്തനയും കരുതലും. അച്ചന്‍ എത്രയും വേഗം ഓടിയെത്തും,’ കുറിപ്പിനൊപ്പം കുഞ്ഞിനൊപ്പമുള്ള ഒരു ഫോട്ടോയും താരം പങ്കുവെച്ചിട്ടുണ്ട്.
മിനിസ്‌ക്രീന്‍ പ്രേക്ഷകര്‍ക്ക് സുപരിചിതനായ അഭിനേതാവാണ് ദീപന്‍ മുരളി. തൂവല്‍സ്പര്‍ശം എന്ന സീരിയലില്‍ അവിനാശ് എന്ന കഥാപാത്രമാണ് ദീപന്‍ ഇപ്പോള്‍ അവതരിപ്പിക്കുന്നത്.
