കണ്മണിക്ക് പിറന്നാൾ : ആഘോഷവുമായി താരകുടുംബം

മലയാളസിനിമയിൽ ഒരുപിടി നല്ല വേഷങ്ങൾ ചെയ്ത് ആരാധകരുടെ ഹൃദയം കീഴടക്കിയ നായികയാണ് മുക്ത. ബാലതാരമായി മലയാള സിനിമയിലെത്തിയ നടി പിന്നീട് മലയാളത്തിൽ നായികയായി ഒടുവിൽ തമിഴിലും അരങ്ങേറ്റം നടത്തി.

വളരെയധികം ശ്രദ്ധനേടിയ മുക്തയ്ക്ക് നിരവധി ആരാധകരാണുള്ളത്. സിനിമയിൽ തിളങ്ങി നിന്ന കാലത്താണ് ഗായിക റിമി ടോമിയുടെ സഹോദരനെ മുക്ത വിവാഹം ചെയ്തത്. പിന്നീട് വിവാഹജീവിതം താരം ആഘോഷിക്കുകയായിരുന്നു. ഒരു കുഞ്ഞു പിറന്ന ശേഷമാണ് അഭിനയരംഗത്തെത്തിയത്.കൂടാത്തായി എന്ന പരമ്പരയിലൂടെ ആയിരുന്നു തിരിച്ചുവരവ് നടത്തിയത്. ഇപ്പോൾ തമിഴ് സീരിയലിലും ശ്രദ്ധനേടി മുക്ത വൻ തിരിച്ചുവരവിന് ഒരുങ്ങുകയാണ്. താരത്തിന്റെ ജീവിതത്തിൽ കഴിഞ്ഞദിവസം ഒരു സന്തോഷവാർത്ത നടന്നിരുന്നു. മകളുടെ പിറന്നാൾ ആഘോഷം ആയിരുന്നു നടന്നത് .കൺമണിയുടെ പിറന്നാൾ ആഘോഷം നടി സോഷ്യൽ മീഡിയയിലൂടെ പങ്കുവെച്ചിരുന്നു. വളരെ ചെറിയ രീതിയിലുള്ള ആഘോഷമായിരുന്നു നടത്തിയതെങ്കിലും റിമിയുടെ യൂട്യൂബ് ചാനലൂടെ പിറന്നാളാഘോഷത്തിന്റെ വീഡിയോയും പങ്കുവെച്ചിട്ടുണ്ട്. നിരവധി പേരാണ് കണ്മണിക്ക് ആശംസകളുമായി എത്തിയത്.

മുക്തയും മകളും ഒരേ രീതിയിലുള്ള ഡ്രസ്സുകൾ ആയിരുന്നു അണിഞ്ഞിരുന്നത്. സുന്ദരിയായാണ് ഇരുവരും ഫോട്ടോഷൂട്ടുകൾ നടത്തിയിട്ടുള്ളത് . മകൾ കൺമണി യുടെ യഥാർത്ഥ പേര് കിയാര എന്നാണ്. ഗായികയും നാത്തൂനും ആയ  റിമിടോമി കണ്മണിക്ക് ആശംസകളുമായി എത്തിയിരുന്നു. പിറന്നാളാശംസകൾ കണ്മണി എന്നായിരുന്നു റിമിടോമി ചിത്രം പങ്കുവെച്ചുകൊണ്ട് കുറിച്ചത്‌.