Editor 3
സംഗീതസംവിധായകന്‍ ഗോപി സുന്ദറും ഗായിക അമൃത സുരേഷും സോഷ്യല്‍ മീഡിയയിലെ താരങ്ങളാണ്. അടുത്തിടെയായിരുന്നു ഇരുവരും പ്രണയത്തിലാണെന്നും ഒന്നിച്ചുവെന്നും അറിയിച്ചത്. പിന്നീടങ്ങോട്ട് ഇവര്‍ പങ്കിടുന്ന പോസ്റ്റുകളെല്ലാം ചര്‍ച്ചയായി മാറുകയായിരുന്നു.
കരിയറിലേയും ജീവിതത്തിലേയും വിശേഷങ്ങളെല്ലാം ഇരുവരും സോഷ്യല്‍മീഡിയയിലൂടെ പങ്കിടാറുണ്ട്. സംഗീത കുടുംബത്തിലേക്ക് തിരികെ ചെന്നത് പോലെയാണ് ഇപ്പോള്‍ തോന്നുന്നതെന്നായിരുന്നു അമൃത ഗോപിക്കൊപ്പമുള്ള ജീവിതത്തെ വിശേഷിപ്പിച്ചത്. അമൃതയുടെ പിറന്നാള്‍ ദിനത്തില്‍ ഗോപി സുന്ദര്‍ പങ്കുവെച്ച ഫോട്ടോ വൈറലായിക്കൊണ്ടിരിക്കുകയാണിപ്പോള്‍.
ഹാപ്പി ബര്‍ത്ത് ഡേ മൈ ഡിയര്‍ കണ്‍മണിയെന്ന ക്യാപ്ഷനോടെയായാണ് ഗോപി സുന്ദര്‍ അമൃതയ്ക്ക് ആശംസ അറിയിച്ചത്. കറുപ്പ് നിറത്തിലുള്ള ടീഷര്‍ട്ടണിഞ്ഞ് ഗോപിയെ കെട്ടിപ്പിടിച്ച് ചിരിച്ച് പോസ് ചെയ്യുന്ന അമൃതയെയാണ് ചിത്രത്തില്‍ കാണുന്നത്. ഇവരുടെ ബന്ധത്തിന്റെ തീവ്രത അമൃതയുടെ മുഖത്ത് കാണാം, ആ ചിരിയിലുണ്ട് എല്ലാം. നിരവധി പേരാണ് പോസ്റ്റിന് താഴെയായി കമന്റുകളുമായെത്തിയത്.
ഇപ്പോഴിതാ അമൃതയുടെ പിറന്നാള്‍ കേക്ക് മുറിക്കുന്ന വീഡിയോയാണ് പുറത്തു വന്നത്. കേക്ക് മുറിച്ചതിന് ശേഷം ഇരുവരും ലിപ് ലോക്ക് ചെയ്യുന്നതും വീഡിയോയില്‍ കാണാം. ആരാധകര്‍ വീഡിയോ ഏറ്റെടുത്തിരിക്കുകയാണ്.
ഇപ്പോഴത്തെ ജീവിതത്തില്‍ സന്തോഷവും സമാധാനവുമുണ്ടെന്ന് നേരത്തെ അമൃത പ്രതികരിച്ചിരുന്നു. സംഗീത കുടുംബത്തിലേക്ക് തിരിച്ച് ചെന്ന പ്രതീതിയാണ്. മുന്‍പ് അച്ഛനോടൊക്കെ സംശയം ചോദിച്ചിരുന്നത് പോലെ പാട്ടിലെ കാര്യങ്ങളെക്കുറിച്ചെല്ലാം ഗോപി സുന്ദറിനോട് ചോദിക്കാറുണ്ട്. കുട്ടിക്കാലം മുതലേ പാട്ട് പഠിച്ച അമൃത ഐഡിയ സ്റ്റാര്‍ സിംഗര്‍ റിയാലിറ്റി ഷോയിലൂടെയായാണ് ശ്രദ്ധിക്കപ്പെട്ടത്.
പ്രിയപ്പെട്ടവരെല്ലാം അമ്മുവെന്ന അമൃതയ്ക്ക് ആശംസ അറിയിച്ചെത്തിയിട്ടുണ്ട്. അമൃത തന്നെ പ്രിയപ്പെട്ടവരുടെ ആശംസ ഇന്‍സ്റ്റഗ്രാമില്‍ സ്റ്റോറിയായി പങ്കുവെച്ചിരുന്നു. എപ്പോഴും നിങ്ങളുടെ സന്തോഷം നിലനില്‍ക്കട്ടെ, ഹാപ്പി ബര്‍ത്ത് ഡേ അമൃത എന്നായിരുന്നു ഗായകനായ ശശാങ്ക് കുറിച്ചത്.
ജീവിതത്തിലെപ്പോഴും നല്ലതും സന്തോഷമുള്ളതുമായ കാര്യങ്ങളുണ്ടാവട്ടെ, നിന്റെ ജീവിതത്തില്‍ നീയെപ്പോഴും പെര്‍ഫെക്റ്റാണ്. ഡയമണ്ടിനെപ്പോലെ തിളങ്ങട്ടെയെന്നുമായിരുന്നു ദീപ തോമസിന്റെ ആശംസ. സോഷ്യല്‍മീഡിയയില്‍ എന്ത് പോസ്റ്റിട്ടാലും നെഗറ്റീവ് കമന്റുകള്‍ വരാറുണ്ട്. തുടക്കത്തിലൊക്കെ അത്തരത്തിലുള്ള കമന്റുകള്‍ കാണുമ്പോള്‍ സങ്കടം തോന്നുമായിരുന്നു.
പിന്നീടാണ് അവയെ നേരിടാന്‍ ശീലിച്ചത്. അമ്മ എന്തിനാണ് അതൊക്കെ മൈന്‍ഡ് ചെയ്യുന്നത്, അമ്മയെ എനിക്കറിയില്ലേ എന്നാണ് മകള്‍ ഇതൊക്കെ കാണുമ്പോള്‍ പറയുന്നതെന്നും അമൃത പറഞ്ഞിരുന്നു. ഗോപി സുന്ദറുമായുള്ള പ്രണയത്തെക്കുറിച്ച് ആദ്യമായി പറഞ്ഞത് പാപ്പുവിനോടായിരുന്നു. ഞാനൊന്ന് നോക്കട്ടെയെന്നായിരുന്നു അവളുടെ മറുപടി.
അവള്‍ക്കും ഇത് ഓക്കെയായിരുന്നു. പൊതുവെ ഫോട്ടോയ്ക്ക് പോസ് ചെയ്യാന്‍ മടിയുള്ള കൂട്ടത്തിലാണ് അവള്‍. അതാണ് ഗുരുവായൂരിലെ ഫോട്ടോയില്‍ ഞങ്ങളുടെ ഇടയിലേക്ക് നിന്നത്. ആ ഫോട്ടോയെ വിമര്‍ശിച്ച് നിരവധി കമന്റുകളുണ്ടായിരുന്നു. അന്നെന്താണ് സംഭവിച്ചതെന്ന് പോലും അറിയാതെയാണ് പലരും വിമര്‍ശിച്ചതെന്നും അമൃത പറഞ്ഞിരുന്നു.
