Editor 3 
ബിഗ് ബോസ് വീട്ടില്‍ വലിയ ഞെട്ടല്‍ ഉണ്ടാക്കിക്കൊണ്ടാണ് മത്സരാര്‍ത്ഥികളായ ജാസ്മിനും ഡോ. റോബിനും പുറത്ത് പോയത്. ബിഗ്‌ബോസ് വീട്ടില്‍ നിന്നിറങ്ങി ഇന്‍സ്റ്റഗ്രാം പേജിലൂടെ പ്രേക്ഷകര്‍ക്കു മുന്നില്‍ എത്തിയ ജാസ്മിന്‍ ദേഷ്യം വന്നാല്‍ പച്ച തെറി പറയുന്ന ആളാണ് താന്‍ എന്ന് തുറന്നു പറഞ്ഞിരുന്നു. അതേസമയം ബിഗ് ബോസില്‍ നിന്നും താന്‍ അനുഭവിച്ച ചില കാര്യങ്ങള്‍ ബിഹൈന്‍വുഡ്സിന് നല്‍കിയ അഭിമുഖത്തില്‍ ജാസ്മിന്‍ തുറന്ന് പറഞ്ഞു.
റോബിന് ഒരുപാട് നാടകങ്ങളാണ് ആ വീട്ടില്‍ കാണിച്ച് കൂട്ടുന്നത്. ഇതേപോലെ തന്നെ ആ വീട്ടില്‍ വല്ലാത്ത ഡ്രാമ കാണിക്കുന്ന ആളാണ് ലക്ഷ്മിപ്രിയ. അവര്‍ പറയുന്ന കാര്യങ്ങളിലെല്ലാം ഈ ഡ്രാമ കാണാനും കഴിയും. റോബിനെ സ്പ്രൈ ചെയ്ത കാര്യത്തെക്കുറിച്ച് ലക്ഷ്മിപ്രിയ കാര്യങ്ങളെയാണ് ജാസ്മിന്‍ ഇവിടെ ഉദാഹരണമാക്കി പറയുന്നത്. ഞാന്‍ ഒരിയ്ക്കല്‍ അഞ്ച് സിഗരറ്റ് ഒരു ബാത്ത് റൂമില്‍ ഇരുന്ന് വലിച്ചിട്ടുണ്ട്.
അന്ന് സിഗരറ്റ് പുകച്ചതിന്റെ മണം അറിയാതിരിക്കാന്‍ രണ്ട് ഫുള്‍ ബോട്ടില്‍ എയര്‍ഫ്രെഷ്ണറാണ് ഞാന്‍ അതിനുള്ളില്‍ അടിച്ചത്. ഇവരാരും അതൊന്നും അറിഞ്ഞിട്ടുണ്ടാവുകപോലുമില്ല. ഈ ആള്‍ക്കാരാണ് റോബിന് ശ്വാസംമുട്ടി എന്നൊക്കെ പറയുന്നത്. പല കാര്യങ്ങളിലും ലക്ഷ്മിപ്രിയ കുറച്ചൊക്കെ ഓവറാണ്. റോണ്‍സണ്‍ ചെയ്യുന്ന കാര്യങ്ങള്‍ ജഡ്ജ് ചെയ്യാന്‍ ലക്ഷ്മിപ്രിയയ്ക്ക് എന്ത് കാര്യം.
റോണ്‍സണ്‍ എന്തോ ബസില്‍ ഓസിന് വന്നതാണെന്നൊക്കെ പറയുന്നുണ്ടല്ലോ. ഇവരുടെ വകയാണോ ആ ബസ്. ലക്ഷ്മിപ്രിയ എങ്ങനെയാണോ അവിടേയ്ക്ക് വന്നത് അങ്ങനെതന്നെയാണ് മറ്റ് മത്സരാര്‍ത്ഥികളും അവിടെ എത്തിയത്. ബിഗ് ബോസില്‍ പലപ്പോളും മത്സരാര്‍ത്ഥികള്‍ക്ക് തുല്യനീതി ലഭിക്കുന്നില്ല എന്നാണ് ജാസ്മിന്‍ പറയുന്നത്.
ആളുകള്‍ ജയിക്കാന്‍ വേണ്ടികാണിക്കുന്ന കാര്യങ്ങള്‍ ബിഗ് ബോസും കണ്ടില്ലെന്ന് നടിക്കുകയാണ്. ചിലര്‍ ചെയ്യുമ്പോള്‍ പണീഷ്മെന്റ് കൊടുക്കുകയും ചിലരുടെ കാര്യത്തില്‍ അത് സ്ട്രാറ്റജി ആകുകയും ചെയ്യുകയാണ്. റോണ്‍സണ്‍ ക്യാപ്റ്റനായിരുന്ന സമയത്തെ വെള്ളം നിറയ്ക്കുന്ന ഒരു ടാസ്‌ക്കില്‍ ഏറ്റവും കൂടുല്‍ വെള്ളം നിറച്ചത് അപര്‍ണയായിരുന്നു.
എന്നാല്‍ അപര്‍ണയെ എന്തോ ഫൗള്‍ കാണിച്ചു എന്ന് പറഞ്ഞ് ടാസ്‌ക്കില്‍ നിന്ന് പുറത്താക്കുകയായിരുന്നു. എനിക്ക് ടാസ്‌ക്കുകള്‍ ചെയ്യാന്‍ വലിയ ഇഷ്ടമാണ്. ഞാന്‍ ചെയ്യുന്ന ടാസ്‌ക്കുകളിലും ഞാന്‍ എന്റെ മുഴുവന്‍ എഫേര്‍ട്ടും എടുത്ത് തന്നെ അത് ചെയ്യും. അതിലൊരിക്കളും കള്ളത്തരം കാണിക്കില്ല. അല്ലെങ്കില്‍ ഗെയിം ജയിക്കാന്‍ വേണ്ടി എന്തും ചെയ്യാന്‍ ഞാന്‍ ഒരിയ്ക്കലും തയ്യാറാവില്ല.
കഴിഞ്ഞ സീസണുകളെ അപേക്ഷിച്ച് ഇത്തവണത്തെ ബിഗ് ബോസ് കൂടുതല്‍ ടോക്സിക്കായി തോന്നിയിട്ടുണ്ടോ എന്ന ചോദ്യത്തിന് ജാസ്മിന്‍ വളരെ രസകരമായ മറുപടിയാണ് നല്‍കിയത്. മറ്റ് സീസണുകളിലെ കാര്യം പറയണമെങ്കില്‍ ഞാന്‍ അതൊക്കെ കണ്ടിട്ടുള്ള ആളാകണ്ടേ? ഞാന്‍ കഴിഞ്ഞ സീസണുകള്‍ കണ്ടിട്ടില്ല. അതുകൊണ്ട് എനിക്കെങ്ങനെ ഇതിന് ഉത്തരം പറയാന്‍ സാധിക്കും എന്നാണ് ജാസ്മിന്‍ തിരിച്ച് ചോദിക്കുന്നത്.
പക്ഷേ അവിടെ പലരും കാണിക്കുന്ന കാര്യങ്ങള്‍ കാണിക്കുമ്പോള്‍ ഞാന്‍ ചിന്തിച്ചിട്ടുണ്ട്, ഞാനായിരുന്നു അവിടെ ബിഗ് ബോസ് എങ്കില്‍ തുടക്കത്തില്‍ തന്നെ പല ആളുകളേയും പറഞ്ഞ് വിടുമായിരുന്നു. ഇത് ഞാന്‍ മോഹന്‍ലാലിനോട് പറഞ്ഞിട്ടുണ്ട്. ജാസ്മിന്‍ ബിഗ് ബോസ് വീട്ടില്‍ ഏറ്റവും അധികം വഴക്കിട്ടിട്ടുള്ളത് റോബിനുമായാണ്.
റോബിന്റെ പല നിലപാടുകളോടുമുള്ള വിയോജിപ്പാണ് ജാസ്മിനെ വഴക്കിടാന്‍ പ്രേരിപ്പിച്ചതെന്നാണ് ഇപ്പോഴും പറയുന്നത്. എന്നാല്‍ താന്‍ അവിടെ വെച്ച് പറഞ്ഞ കാര്യങ്ങള്‍ തനിക്കുണ്ടായ ദേഷ്യത്തിന്റെ പുറത്താണെന്നും ജാസ്മിന്‍ പറയുന്നു. റോബിന് പറയുന്ന പല കാര്യങ്ങളിലും വൈരുദ്ധ്യമാണുള്ളത്. എനിക്ക് തെറ്രായി തോന്നുന്ന ഒരു കാര്യം അതിപ്പൊ ആരോടായാലും ഞാന്‍ പറയും.
എന്റെ പ്രതികരണങ്ങളൊക്കെ പെട്ടെന്ന് വരുന്നതാണ്. അല്ലാതെ ഞാന്‍ ചിന്തിച്ച് മനപ്പൂര്‍വ്വം പറയുന്നതല്ല. ഞാന്‍ പലപ്പോഴും പറയാറുള്ള കാര്യങ്ങളും ഇങ്ങനെയൊക്കെ തന്നെയാകുമെന്നും ജാസ്മിന്‍ പറഞ്ഞു.
