admin
മലയാളത്തിലെ തന്നെ ഏറ്റവും വലിയ റിയാലിറ്റി ഷോ ആയ എഷ്യാനെറ്റിലെ ബിഗ് ബോസ് ആഘോഷപൂര്‍വ്വം അതിന്റെ നാലാമത്തെ സീസണുമായി മുന്നേറുകയാണ്. കംപ്ലീറ്റ് ആക്ടര്‍ മോഹന്‍ലാലിന്റെ നേതൃത്വത്തിലുള്ള ഓരോ എപ്പിസോഡുകളും ആവേശത്തോടെയാണ് ആരാധകര്‍ ഏറ്റെടുക്കുന്നത്.
ഒന്നിന് ഒന്ന് മെച്ചം എന്ന നിലയില്‍ മത്സരാര്‍ത്ഥികളും മുന്നേറുന്നതോടെ സമൂഹ മാധ്യമങ്ങളില്‍ അടക്കം മികച്ച പ്രതികരണമാണ് ബിഗ് ബോസിന് ലഭിക്കുന്നത്. ഹൗസില്‍ നടക്കുന്ന ഓരോ നിമിഷവും ക്യാമറയില്‍ പകര്‍ത്തപ്പെടുന്നു എന്നത് തന്നെയാണ് ബിഗ് ബോസിന്റെ പ്രത്യേകത. അതുകൊണ്ട് തന്നെ ഓരോ മത്സരാര്‍ത്ഥിയുടെയും മുഖം എപ്പോള്‍ വേണമെങ്കിലും മറനീക്കി പുറത്തുവരാം.നിലവില്‍ ഡോ. റോബിന് രാധാകൃഷ്ണനാണ് ഏറ്റവും അധികം ജനപിന്തുണയുമായി മുന്നേറുന്നത്. ഡോക്ടര്‍, സോഷ്യല്‍ മീഡിയ ഇന്‍ഫ്‌ളൂവര്‍, മോട്ടിവേഷണല്‍ സ്പീക്കര്‍, തുടങ്ങി റോബിന് തിളങ്ങാത്ത മേഖലകളില്ല.
സോഷ്യല്‍ മീഡിയയില്‍ ലക്ഷക്കണക്കിന് ഫോളോവേഴ്‌സുള്ള റോബിന്റെ ഫോളോവേഴ്‌സിന്റെ എണ്ണം ബിഗ് ബോസില്‍ താരമായതോടെ ഇരട്ടിയില്‍ അധികമായി വര്‍ധിച്ചു. അതുകൊണ്ടുതന്നെ റോബിന്റെ കഴിഞ്ഞ കാല വീഡിയോകളും പോസ്റ്റുകളും കുത്തിപ്പൊക്കുന്ന തിരക്കിലാണ് ആരാധകര്‍. അത്തരത്തില്‍ ഏറ്റവും ശ്രദ്ധ നേടുന്നത് മൂന്ന് വര്‍ഷങ്ങള്‍ക്ക് മുമ്പ് പബ്ലിഷ് ചെയ്ത ഒരു കവര്‍ സോം ആണ്. നടി ഡയാന ഹമീദിനൊപ്പം റോബിന് അഭിനയിച്ച കവര്‍ സോങ്ങില്‍ കുഞ്ചാക്കോ ബോബന്‍ നായകനായ അനിയത്തിപ്രാവിലെ ഒരു രാജമല്ലി എന്ന ഗാനമാണ് ഉപയോഗിച്ചിരിക്കുന്നത്. ഗാംബ്ലറില്‍ വര്‍ക്ക് ചെയ്യുന്ന സമയത്തായിരുന്നു റോബിനൊപ്പം കവര്‍ ചെയ്തത്.
ക്യാമറമാനായിരുന്നു എന്നോട് അതേക്കുറിച്ച് പറഞ്ഞത്. അദ്ദേഹത്തെ നേരത്തെ അറിയാമായിരുന്നു, ഡയാന പറയുന്നു.സ്റ്റര്‍ മാജിക്കിലൂടെ മലയാളികളുടെ പ്രിയങ്കരിയായ താരമാണ് ഡയാന. പിന്നീട് മിനിസ്‌ക്രീനില്‍ നിറ സാന്നിദ്ധ്യമായ താരം സിനിമയിലും തിളങ്ങി. ഗ്ലാബ്ലറിലൂടെ സിനിമയില്‍ സാന്നിദ്ധ്യമറിയിക്കുകയും യുവം, മിസ്റ്റര്‍ കുട്ടേട്ടന്‍ തുടങ്ങിയ സിനിമകളിലൂടെ ഡയാന മലയാള സിനിമ ഇന്‍ഡസ്ട്രിയില്‍ തന്റേതായ സ്ഥാനമുറപ്പിച്ചു. സുരേഷ് ഗോപിയെ നായകനാക്കി ബിഗ് ബജറ്റില്‍ ഒരുങ്ങുന്ന പാപ്പന്‍ ആണ് ഡയാനയുടെ പുതിയ ചിത്രം. ഡയാനയോടുള്ള ആരാധനയില്‍ ഒരു വിഹിതം ഇപ്പോള്‍ റോബിനും ലഭിക്കുന്നുണ്ടെന്നാണ് സോഷ്യല്‍ മീഡിയയിലെ പറച്ചില്‍.
എന്നാല്‍ ആരാധകര്‍ക്കൊപ്പം ധാരാളം ഹേറ്റേഴ്‌സും റോബിനുണ്ട്. ഒരു ഗെയിം പോലും ജയിക്കാതെ കുരുട്ട് ബുദ്ധിയിലൂടെ വോട്ട് സമ്പാദിക്കുകയാണ് റോബിന്റെ ലക്ഷ്യമെന്ന് വിമര്‍ശകര്‍ ചൂണ്ടിക്കാണിക്കുന്നു. താരം നല്ല രീതിയില്‍ പി. ആര്‍. വര്‍ക്ക് നടത്തി ആരാധകര്‍ ഉള്ളതായി സ്ഥാപിക്കുന്നതായും വിമര്‍ശനമുണ്ട്. അതിന് കാരണം റോബിന്റെ തന്നെ വാക്കുകളാണ്. താന്‍ മാസങ്ങളോളം ബിഗ് ബോസ് സീസണുകള്‍ കണ്ട് കളി പഠിച്ചിട്ടാണ് ഗെയ്മിന് എത്തിയതെന്ന് റോബിന് മുമ്പ് പറഞ്ഞിരുന്നു. ഗെയിമിന് ഇടെ ജയിലിില്‍ കിടന്നിട്ടും ആരാധരുടെ എണ്ണം കുറയാത്തതും റോബിന് എതിരെ സംശയ നിഴല്‍ എത്തുന്നു.
