മേഘ്നയും അരുണും ഒന്നിക്കുന്നു.. കാത്തിരുന്ന വാർത്ത.. ആശംസകളുമായി ആരാധകർ

അടുത്തിടെ മിനിസ്ക്രീൻ പരമ്പരകളിൽ നിന്നും പിന്മാറുന്ന താരങ്ങളുടെ എണ്ണം ഏറിവരികയാണ്. ആസ്വാദനത്തെ ഏറെ ബാധിക്കുന്ന ഇത്തരം പിന്മാറലുകൾ പ്രേക്ഷകരെ തെല്ലൊന്നുമല്ല നിരാശപ്പെടുത്തുന്നത്. വ്യക്തിപരമായ അസൗകര്യങ്ങൾ കൊണ്ട് മികച്ച അവസരങ്ങൾക്ക് വേണ്ടിയും ഒക്കെയാണ് താരങ്ങളുടെ പിന്മാറലുകൾ. സി കേരളത്തിലെ മിസ്സിസ്സ് ഹിറ്റ്‌ലർ എന്ന സീരിയലിൽ നായകനായ ഷാനവാസ് സീരിയൽ ഉപേക്ഷിക്കുന്നതായി അറിയിച്ച് രംഗത്തെത്തിയിരുന്നു.

സ്വാസിക നായികയായ സീത-2 ന് വേണ്ടി ആയിരുന്നു ഷാനവാസിൻ്റെ പിന്മാറ്റം. പരമ്പരയിൽ മേഘ്ന ഷാനവാസ് ജോഡികൾ മികച്ച അഭിപ്രായങ്ങൾ നേടി മുന്നേറുന്നതിനിടയിലായിരുന്നു സീരിയൽ പ്രേമികളെ നിരാശയിലാഴ്ത്തി ഷാനവാസിൻ്റെ തീരുമാനം. പുതിയ ഡികെ ആയി എത്തുന്നത് മലയാളി പ്രേക്ഷകരുടെ പ്രിയതാരം അരുൺ രാഘവ് ആണ്. ഒഫീഷ്യലായി സോഷ്യൽ മീഡിയ പേജിൽ വാർത്ത പങ്കുവെച്ചിരിക്കുകയാണ് അരുൺ.
“അതെ ഇനി മുതൽ നിങ്ങളുടെ സ്വന്തം ഡികെ ആയി ഞാൻ വരുന്നു. ഷാനവാസ് വളരെ മനോഹരമായി ചെയ്തു വെച്ച കഥാപാത്രം ഇനി ഞാൻ ഏറ്റെടുക്കുമ്പോൾ അത് അതുപോലെ തന്നെ നിലനിർത്തി കൊണ്ടു പോകുക എന്ന് വലിയൊരു ചുമതല എനിക്കു മുകളിൽ ഉണ്ട്.

ഇതുവരെ എന്നെ സ്നേഹിക്കുകയും പ്രോത്സാഹിപ്പിക്കുകയും ചെയ്ത നിങ്ങൾ എല്ലാവരും കൂടെ ഉണ്ടാകും എന്ന വിശ്വാസത്തോടെ ഈ വരുന്ന ബുധനാഴ്ച രാത്രി എട്ടരയ്ക്ക് സി കേരളത്തിൽ ഞാനെത്തും. നിങ്ങളുടെ പ്രതീക്ഷക്കൊത്ത ഡികേ ആകാൻ ഞാൻ എൻറെ കഴിവിൻ്റെ പരമാവധി ശ്രമിക്കുകയും ചെയ്യും. ഷാനവാസിൻ്റെ വരാൻ പോകുന്ന പ്രോജക്ടിന് എല്ലാവിധ ആശസകളും നേരുന്നു.” എന്ന് കുറിച്ച്കൊണ്ടാണ് അരുൺ പോസ്റ്റ് പങ്കുവെച്ചത്.