ഉമ്മയുടെ ഈ ചിത്രം എൻ്റെ കുട്ടിക്കാലം ഓർമിപ്പിച്ചു, സുൽഫത്തിന് പിറന്നാൾ ആശംസകളുമായി ദുൽഖർ സൽമാൻ

മലയാളത്തിന്റെ മഹാനടൻ മമ്മൂട്ടിയുടെ ഭാര്യയെന്ന നിലയിൽ സുൽഫത്തിനെ മലയാളികൾക്ക് അറിയാം. സുൽഫത്തിന്റെ പിറന്നാൾ ദിനമാണിന്ന്. ഉമ്മയുടെ ജന്മദിനത്തിൽ ഫേസ്ബുക്കിൽ നടൻ ദുൽഖർ സൽമാൻ കുറിച്ച ആശംസാ വാചകങ്ങളാണ് ആരാധകരുടെ ഹൃദയം കീഴടക്കുന്നത്. സാരിയുടുത്ത ഉമ്മയുടെ ഒരു മനോഹരമായ ചിത്രവും ദുൽഖർ പങ്കുവച്ചിട്ടുണ്ട്.

“എൻ്റെ പ്രിയപ്പെട്ട ഉമ്മാ, നിങ്ങളുടെ ജന്മദിനത്തിന് പോസ്റ്റുചെയ്യാൻ ഞാൻ ഫോട്ടോകൾ തിരയുകയായിരുന്നു. അപ്പോഴാണ് ഈ ചിത്രം ഞാൻ കണ്ടത്. ഈ സാരിയിൽ ഉമ്മയെ കാണുമ്പോൾ മറിയത്തേക്കാൾ ചെറുപ്പത്തിൽ ഞങ്ങൾക്കുള്ള ചില ബാല്യകാല ഓർമ്മകളും ചിത്രങ്ങളും അതെന്നെ ഓർമ്മിപ്പിച്ചു. അതുപോലെ തന്നെ വീണ്ടും ഒരു കുട്ടിയായത് പോലെ എനിക്ക് തോന്നി,

“

“നിങ്ങൾ എന്നെ അങ്ങനെയാണ് കാണുന്നതെന്ന് എനിക്കറിയാം. വാസ്തവത്തിൽ നമ്മളെല്ലാവരും. ഞങ്ങൾക്ക് എത്ര വയസ്സുണ്ടെങ്കിലും നിങ്ങളുടെ കണ്ണുകളിലും ഹൃദയത്തിലും നിങ്ങളുടെ മക്കളും കൊച്ചുമക്കളും ഒരേ പ്രായക്കാരാണ്. നിങ്ങൾക്ക് എക്കാലത്തും ഞങ്ങളെല്ലാം കുഞ്ഞുങ്ങളായിരിക്കുമല്ലോ. ഞങ്ങൾ നിന്നെ സ്നേഹിക്കുന്നു ഉമ്മേ, നിങ്ങൾക്ക് ഏറ്റവും സന്തോഷകരമായ ജന്മദിനം നേരുന്നു !!!😘😘😘❤️❤️❤️🎂🎂🎂,” ദുൽഖർ ഫേസ്ബുക്കിൽ കുറിച്ചു.

നിരവധി പേരാണ് ഈ പോസ്റ്റിന് താഴെ ദുൽഖറിന്റെ ഉമ്മയ്ക്ക് പിറന്നാളാശംസകൾ നേരുന്നത്. പോസ്റ്റ് ഇതിനോടകം തന്നെ വൈറലായിട്ടുണ്ട്.