യാത്രകൾക്ക് കൂട്ടായി ഇനി ബിഎംഡബ്ല്യു:  കുട്ടിക്കാലം മുതൽ ഉള്ള ആഗ്രഹം സാധിച്ചെന്ന് സംയുക്ത

ലില്ലി എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന നടിയാണ് സംയുക്ത മേനോൻ. തീവണ്ടി എന്ന ചിത്രത്തിലൂടെയാണ് താരം പ്രേക്ഷകർക്ക് പക്ഷേ സുപരിചിതയായത്. ചിത്രത്തിൽ ടോവിനോ തോമസിന്റെ നായികയായാണ് നടി എത്തിയത്. മലയാളത്തിലും അന്യ ഭാഷകളിലും ആയി നിരവധി ചിത്രങ്ങൾ താരത്തെ തേടിയെത്തി, തെന്നിന്ത്യയിലെ തന്നെ അറിയപ്പെടുന്ന ഒരു താരം ആകാൻ വളരെ ചുരുങ്ങിയ സമയം കൊണ്ടാണ് സാധിച്ചത്.

പുതിയ ബിഎംഡബ്ല്യു 3 സീരിസ് സ്വന്തമാക്കിയ വാർത്തയാണ് നടി സംയുക്ത മേനോൻ ഇപ്പോൾ സോഷ്യൽ മീഡിയയിലൂടെ പുറത്തുവിടുന്നത്. പുതിയ കാറിന്റെ ചിത്രങ്ങള്‍ താരം സോഷ്യൽ മീഡിയയിലൂടെ പ്രേക്ഷകർക്കായി പങ്കുവച്ചിട്ടുണ്ട്. കുട്ടിക്കാലം മുതലുള്ള ആഗ്രഹമായിരുന്നു ബിഎംഡബ്ല്യു കാറെന്നും അതു സാധിച്ചതില്‍ സന്തോഷമുണ്ടെന്നും സംയുക്ത സോഷ്യൽ മീഡിയയിലൂടെ അറിയിക്കുന്നു.

മെൽബൺ റെ‍ഡ് നിറത്തിലുള്ള ബിഎംഡബ്ല്യു 3 സീരീസ് ഗ്രാൻഡ് ലിമോസിൻ 320 എൽഡിഐ എന്ന ഡീസൽ പതിപ്പാണ് സംയുക്തയുടെ യാത്രകൾക്ക് കൂട്ടായിഇനി എത്തുന്നത്.ബിഎംഡബ്ല്യുവിന്റെ ഏറ്റവും മികച്ച വാഹനങ്ങളിലൊന്നാണ് 3 സീരിസ്. മാത്രമല്ല 2 ലീറ്റർ ഡീസല്‍ എൻജിൻ കരുത്തും 190 എച്ച്പി കരുത്തും 400 എൻഎം ടോർക്കുമുണ്ട്. പൂജ്യത്തിൽനിന്ന് 100 കിലോമീറ്റർ വേഗത്തിലെത്താൻ 7.6 സെക്കൻഡ് മാത്രം വേണ്ടിവരുന്ന വാഹനത്തിൻറെ ഉയർന്ന വേഗം 235 കിലോമീറ്ററാണ്. 53.90 ലക്ഷം രൂപയാണ് ഈ വാഹനത്തിന്റെ നിലവിലെ എക്സ്ഷോറൂം വില.