amrutha
ബോളിവുഡിന്റെ പ്രിയപ്പെട്ട നായിക ആലിയ ഭട്ട് നാഷണൽ അവാർഡ് വേദിയിൽ തിളങ്ങിയത് കല്യാണസാരിയിൽ. താരത്തിന്റെ ജീവിതത്തിലെ ഏറ്റവും പ്രധാനപ്പെട്ട പുരസ്കാരം ഏറ്റുവാങ്ങുന്ന വേളയിലാണ് അതിലുമേറെ പ്രിയപ്പെട്ട കല്യാണസാരിയുമുടുത്ത് ആലിയ ആരാധകരുടെ മനം കവർന്നത്. സമൂഹമാധ്യമത്തിൽ അടക്കം താരത്തിന്റെ ലുക്ക് ഏറെ വൈറലാവുകയും ചർച്ച ചെയ്യപ്പെടുകയും ആണ്.
ഗംഗുഭായ് കത്യവാടി എന്ന ചിത്രത്തിലെ അഭിനയത്തിന് ആലിയ ഭട്ട് മികച്ച നടിക്കുള്ള ദേശീയ അവാർഡ് സ്വന്തമാക്കി കഴിഞ്ഞു, അവാർഡ് ദാന ചടങ്ങിൽ നിന്നുള്ള ചിത്രങ്ങളും വീഡിയോകളും ഇപ്പോൾ സോഷ്യൽ മീഡിയയിൽ വൈറലാകുകയാണ്, അഭിമാനകരമായ ചടങ്ങിൽ നിന്നുള്ള നടിയുടെ ലുക്കിൽ ആരാധകർ സ്നേഹം സമൂഹമാധ്യമത്തിലൂടെ അറിയിക്കുകയാണ്. ഭർത്താവ് രൺബീറിനൊപ്പം ആയിരുന്നു താരം വേദിയിൽ എത്തിയത്.
പ്രശസ്ത ഡിസൈനർ സബ്യസാചിയുടെ ഗോൾഡൻ എംബ്രോയിഡറി ഫീച്ചർ ചെയ്യുന്ന വെളുത്ത ഐവറി സാരിയിൽ നടി വേദിയിൽ സുന്ദരിയായി നിന്നിരുന്നു. ആഭരണങ്ങളും മിനിമം മേക്കപ്പും ചുവന്ന ബിന്ദിയും കൊണ്ട് ആലിയ ചടങ്ങിൽ കൂടുതൽ സുന്ദരിയായിരുന്നു. മാത്രമല്ല മുടിയിൽ വെളുത്ത റോസാപ്പൂക്കളും ധരിച്ചിരുന്നു, ഗംഗുഭായ് കത്തിയവാഡിയിലെ കഥാപാത്രത്തെ അനുസ്മരിപ്പിക്കുന്ന ലുക്കിൽ ആയിരുന്നു താരം നാഷണൽ അവാർഡ് വേദിയിൽ എത്തിയത്.
