admin
വളരെ കുറച്ച് ചിത്രങ്ങളിലൂടെ തന്നെ പ്രേക്ഷകര്‍ക്ക് സുപരിചിതയായ നടിയാണ് കനി കുസൃതി. ഇപ്പോഴിതാ ഒരു അഭിമുഖത്തില്‍ താരം പറഞ്ഞ വാക്കുകളാണ് വൈറലായി മാറുന്നത്. എന്നെങ്കിലും കുഞ്ഞിനെ വേണമെന്നോ പ്രസവിക്കണമെന്നോ തോന്നിയാലോ എന്ന് കരുതി അണ്ഡം ശീതികരിച്ചു വെച്ചിട്ടുണ്ടെന്ന് പറയുകയാണ് കനി. ‘ഇപ്പോള്‍ എനിക്ക് 38 വയസ്സായി, സ്വന്തമായി ഒരു കുഞ്ഞു വേണമെങ്കില്‍ അത് ഇപ്പോഴൊക്കെ അല്ലേ പറ്റുകയുള്ളു.
അതുകൊണ്ട് കുറച്ച് കാശ് സേവ് ചെയ്ത് എഗ്‌സ് ഫ്രീസ് ചെയ്തു വച്ചിട്ടുണ്ട്. ഇനി സ്വന്തമായി ഉപയോഗിക്കേണ്ടി വന്നില്ലെങ്കില്‍ പോലും ആവശ്യക്കാര്‍ക്കു ഡൊണേറ്റ് ചെയ്യാമല്ലോ’ എന്നാണ് അഭിപ്രായം. ആര്‍ക്കു കൊടുക്കാനും താന്‍ തയ്യാറാണ്’ എന്നാണ് കനി കുസൃതി പറയുന്നത്. 28, 30 വയസ് വരെയൊക്കെ ഒരിക്കലും കുട്ടി വേണമെന്ന് തോന്നാത്ത ആളായിരുന്നു ഞാന്‍. ഗര്‍ഭിണിയാകാനൊന്നും ഒരിക്കലും തോന്നിയിട്ടില്ല. ഒരു റിലേഷന്‍ഷിപ്പിലേക്ക് പോകുമ്പോള്‍ നമ്മളെന്തായാലും കുട്ടിയുണ്ടാക്കാന്‍ പോകുന്നില്ല, നമ്മള്‍ ചിലപ്പോള്‍ ഒരുമിച്ച് ജീവിക്കാനും സാധ്യതയില്ല എന്ന് പറയും’.
ആദ്യമൊക്കെ വേണമെങ്കില്‍ നമുക്ക് ഒരുമിച്ച് ജീവിക്കാം, പക്ഷെ രണ്ട് വര്‍ഷം കഴിയുമ്പോള്‍ എനിക്ക് വേറെയാരാളെ ഇഷ്ടപ്പെടും, അപ്പോള്‍ അവര്‍ വരും, നിങ്ങള്‍ വേറെ മുറിയില്‍ കിടക്കേണ്ടി വരും എന്നൊക്കെയാണ് ഞാന്‍ പറഞ്ഞിരുന്നതെന്നും കനി പറയുന്നു. എന്നാല്‍ ഇപ്പോള്‍ കുറച്ചെങ്കിലും ബെറ്ററായെന്നും കനി പറയുന്നു. നേരത്തെ കൂട്ടുകാരൊക്കെ ബ്രേക്കപ്പാകുമ്പോള്‍ ഇതല്ലേ, നല്ലത് അടുത്തയാളെ ഇഷ്ടപ്പെടാലോ എന്നാണ് പറഞ്ഞിരുന്നതെന്നും കനി കുസൃതി പറയുന്നു.
അതേസമയം തനിക്ക് കുഞ്ഞ് വേണം എന്ന് തോന്നിയൊരു ഘട്ടമുണ്ടെന്നും കനി പറയുന്നുണ്ട്. 28 വയസിലോ മറ്റോ നാടകം കളിക്കുമ്പോള്‍ ഞാനൊരാളെ കണ്ടു. എനിക്കയാളുടെ കൊച്ചിനെ വേണം എന്ന് തോന്നി. എന്നാല്‍ എനിക്കയാള്‍ക്ക് ഉമ്മ കൊടുക്കണം എന്ന് പോലും തോന്നിയില്ലെന്നാണ് കനി പറയുന്നത്. ആരെങ്കിലും ഉണ്ടാക്കി കൈയില്‍ തന്നാല്‍ മതി എന്നായിരുന്നു തനിക്ക് അന്ന് തോന്നിയത്.
തനിക്ക് കല്യാണം കഴിഞ്ഞവരോ മോണോഗമസ് റിലേഷന്‍ഷിപ്പിലുള്ളവരുമായോ ഒരു ബന്ധം വെക്കാനിഷ്ടമില്ലെന്നും കനി പറയുന്നു. അപ്പുറത്തുള്ള സ്ത്രീയുടെ വിഷമവും കാണാണ്ടി വരുമെന്നതാണ് കരാണം. കുഞ്ഞ് വേണം എന്ന് തോന്നിയ ആള്‍ പാര്‍ട്ണര്‍ ഉള്ള ആളായിരുന്നുവെന്നും അതിനാലാണ് വേണ്ടെന്ന് വച്ചതെന്നും അല്ലാത്താപക്ഷം കുട്ടിയുണ്ടാക്കാനായേനെ എന്നും താരം പറയുന്നു. സംവിധായകന്‍ ആനന്ദ് ഗാന്ധിയായിരുന്നു കനിയുടെ പങ്കാളി. തങ്ങള്‍ പിരിഞ്ഞതായി കഴിഞ്ഞ ദിവസമാണ് കനി വെളിപ്പെടുത്തിയത്.
