Editor 3 
സിനിമകളെ പോലെ സുന്ദരവും വിജയവും ആയിരുന്നില്ല നടി ചാര്‍മിളയുടെ ജീവിതം. ഒരു വന്‍ പ്രണയവും, രണ്ട് ദാമ്പത്യ ജീവിതങ്ങളുടെ തകര്‍ച്ചയും ചാര്‍മിളയുടെ ജീവിതത്തെ വളരെ മോശമായി ബാധിച്ചിരുന്നു. കഥയിലെ രണ്ട് നായകന്മാരും മലയാളികള്‍ക്ക് ഏറെ പരിചയമുള്ളവരാണ് എന്നതാണ് മറ്റൊരു കേരളീയ ബന്ധം.
തന്റെ പ്രണയ ദാമ്പത്യ ജീവിതത്തെ കുറിച്ച് അടുത്തിടെ നല്‍കിയ അഭിമുഖത്തില്‍ ചാര്‍മിള സംസാരിക്കുകയുണ്ടായി. നടന്‍ ബാബു ആന്റണിയുമായി ആയിരുന്നു ചാര്‍മിളയുടെ ആദ്യ പ്രണയം. എന്നാല്‍ അധികം വൈകാതെ ഇരുവരും വേര്‍പിരിഞ്ഞു.
ഈ സമയത്താണ് ഞാന്‍ കിഷോര്‍ സത്യയെ പരിചയപ്പെടുന്നത്. ഞങ്ങള്‍ പെട്ടന്ന് സുഹൃത്തുക്കളായി. ആ ബന്ധം വിവാഹത്തിലും എത്തി. വീട്ടുകാരുടെ എല്ലാം സമ്മതത്തോടെയാണ് ഞങ്ങളുടെ വിവാഹം കഴിഞ്ഞത്. ചെന്നൈയില്‍ വച്ച് രജിസ്റ്റര്‍ ചെയ്യുകയായിരുന്നു.
എന്നാല്‍ വിവാഹം കഴിഞ്ഞതും കിഷോര്‍ ഗള്‍ഫിലേക്ക് പോയി. എന്നെ അഭിനയിക്കാനും സമ്മതിച്ചില്ല. ഷോകള്‍ ചെയ്യാം, സിനിമയില്‍ അഭിനയിക്കാന്‍ പാടില്ല എന്നൊക്കെയായിരുന്നു നിബന്ധന. നാല് വര്‍ഷം അയാള്‍ ഗള്‍ഫില്‍ ആയിരുന്നു.
എന്നെ വിളിക്കുകയോ നാട്ടിലേക്ക് വരികയോ ചെയ്തില്ല. വിസയും അയച്ചില്ല. അവസാനം ഞാന്‍ അങ്ങോട്ട് തേടി പോകേണ്ട അവസ്ഥയിലേക്ക് എത്തി. അയാള്‍ സ്നേഹിച്ചത് ഒരിക്കലും എന്നെ ആയിരുന്നില്ല. എന്റെ പ്രശസ്തിയും പൈസയും മാത്രമായിരുന്നു.
നാല് വര്‍ഷത്തിന് ശേഷം എനിക്കൊരു ഗള്‍ഫ് ഷോ വന്നു. അങ്ങനെ ഞാന്‍ പോയി. അവിടെ എന്നെ പിക്ക് ചെയ്യാന്‍ വന്നത് ഒരു പെണ്ണിനൊപ്പമാണ്. അവള്‍ക്കൊപ്പം അയാള്‍ക്ക് രഹസ്യ ബന്ധം ഉണ്ടായിരുന്നു. പിന്നീട് അവളുടെ വിസയില്‍ ഞാന്‍ അവിടെ നിന്നു.
കുറച്ച് ഷോകള്‍ കിട്ടി. എന്നാല്‍ അതിന്റെ എല്ലാം പൈസ എടുത്തത് അയാളാണ്. ഒരു രൂപ പോലും എനിക്ക് തന്നില്ല. ഒരു കുഞ്ഞ് വേണം എന്ന ആഗ്രഹം എനിക്കുണ്ടായിരുന്നു. അതിനും അയാള്‍ തയ്യാറായില്ല. അപ്പോഴാണ് അവിടെ അയാള്‍ക്ക് മറ്റൊരു ബന്ധമുണ്ട് എന്ന് അറിയുന്നത്. അതോടെ എന്റെ ദാമ്പത്യം അവിടെ അവസാനിക്കുകയായിരുന്നു.
രണ്ടാമത് കല്യാണം ചെയ്ത ആളാണ് രാജേഷ്. രാജേഷ് പൂര്‍ണമായും ഒരു ഗ്രാമത്തിലുള്ള ആളാണ്. ഒരു നടിയായ ഞാന്‍ ആ ഗ്രാമത്തിലേക്ക് പോയത് തന്നെ ഏറ്റവും വലിയ തെറ്റ് ആയിരുന്നു. അതിന്റെ ഏറ്റവും ക്രൂരമായ മുഖം അനുഭവിയ്ക്കുമ്പോഴേക്കും ഞങ്ങള്‍ക്ക് കുഞ്ഞ് ജനിച്ചിരുന്നു.
പ്രധാന പ്രശ്നം സംശയമായിരുന്നു. സിനിമയില്‍ ഇത്രയും ആളുകള്‍ക്കൊപ്പം തൊട്ട് അഭിനയിച്ച നടി എന്ന സംശയം എപ്പോഴും അവരുടെ വീട്ടുകാര്‍ക്ക് ഉണ്ടായി. അദ്ദേഹത്തിന് തന്നെക്കാൾ പ്രായം കുറവായിരുന്നു. തന്നെക്കാളും എട്ടു വയസ്സിന് ചെറുതായിരുന്നു അദ്ദേഹം. അദ്ദേഹത്തിൻറെ ബർത്ത് സർട്ടിഫിക്കറ്റ് കണ്ടപ്പോഴാണ് ഇത്രയും പ്രായവ്യത്യാസം ഉണ്ടെന്നറിഞ്ഞത്.
വിവാഹ മോചനത്തിലേക്ക് നയിച്ചത് വേറെ കാരണങ്ങളാണ്. എന്നെ വിവാഹം ചെയ്യാന്‍ വേണ്ടി മതം മാറാം എന്ന് പറഞ്ഞ അയാള്‍ പേര് മാറ്റുകയും മതം മാറുകയും ചെയ്തിരുന്നു. എന്നാല്‍ അവരുടെ അച്ഛനും അമ്മയും സമ്മതിച്ച ശേഷം അത് വച്ച് എന്നെ തിരിച്ചടിക്കാന്‍ ശ്രമിച്ചു.
പിന്നീട് എന്റെ മകനെയും ഹിന്ദു മതം സ്വീകരിക്കാന്‍ നിര്‍ബന്ധിച്ചു. മകന് അത് ഇഷ്ടമല്ലായിരുന്നു. അവസാനം ഞാന്‍ അവിടെ നിന്ന് ഇറങ്ങിയപ്പോള്‍ എന്നെ വേണ്ട കുഞ്ഞിനെ വേണം എന്ന് പറഞ്ഞ് കേസ് കൊടുത്തു. പക്ഷെ മകന് എനിക്കൊപ്പം നിന്നു. അതാണ് രണ്ടാം വിവാഹ മോചനം അത്രയും വിവാദമാകാന്‍ കാരണം. ചാര്‍മിള പറയുന്നു.
