Editor 3 
നടന്‍ കുഞ്ചാക്കോ ബോബന്‍ തന്റെ കരിയറിന്റെ മികച്ച സമയങ്ങളിലൂടെയാണ് കടന്നു പോകുന്നത്. ന്നാ താന്‍ കേസ് കൊട് എന്ന ചാക്കോച്ചന്റെ പുതിയ ചിത്രം മികച്ച പ്രേക്ഷക പ്രതികരണമാണ് ലഭിച്ചത്.
ഇപ്പോഴിതാ ചാക്കോച്ചന്റെ ഒറ്റ് എന്ന സിനിമയ്ക്കായുള്ള കാത്തിരിപ്പിലാണ് ആരാധകര്‍. ചിത്രത്തിലെ വീഡിയോ ഗാനത്തിന് മികച്ച പ്രതികരണമാണ് ഇതിനോടകം ലഭിച്ചത്. കുഞ്ചാക്കോ ബോബനും അരവിന്ദ് സാമിയും ആദ്യമായി ഒന്നിക്കുന്ന ഒറ്റ് എന്ന സിനിമയിലെ ആദ്യ ഗാനത്തില്‍ പ്രണയാതുരനായ ചാക്കോച്ചനെയാണ് കാണാന്‍ സാധിക്കുക.
വാലന്റൈന്‍സ് ദിനത്തില്‍ പുറത്തിറങ്ങിയ ഒരേ നോക്കില്‍ എന്ന് തുടങ്ങുന്ന റൊമാന്റിക് മെലഡി ആലപിച്ചിരിക്കുന്നത് ശ്വേത മോഹനാണ്. ചിത്രത്തിന്റെ ട്രെയ്‌ലറിനും മികച്ച പ്രതികരണമാണ് ലഭിച്ചത്. ചാക്കോച്ചന്റെ ലിപ് ലോക്ക് കണ്ട് ഞെട്ടിയിരിക്കുകയാണ് ആരാധകര്‍.
ഫ്രഞ്ച് കിസ്സില്‍ നടന്‍ ടൊവിനോയെ ചാക്കോച്ചന്‍ മലര്‍ത്തിയടിച്ചെന്നാണ് പ്രേക്ഷക പ്രതികരണം. അതേസമയം ചിത്രത്തില്‍ ഇന്റിമേറ്റ് സീനുകള്‍ നിരവധിയുണ്ടാകുമെന്ന പ്രതീക്ഷയിലുമാണ് ആരാധകര്‍.
തീവണ്ടി എന്ന ചിത്രത്തിന് ശേഷം ഫെല്ലിനി സംവിധാനം ചെയ്യുന്ന ഒറ്റ് തമിഴിലും ഒരേ സമയം ഒരുങ്ങുന്നുണ്ട്. തമിഴില്‍ രെണ്ടഗം എന്ന പേരിലാണ് ഒരുങ്ങുന്നത്. ആമിന റഫീഖാണ് തമിഴിലെ ഗാനം ആലപിച്ചിരിക്കുന്നത്. ചിത്രത്തിലെ ചാക്കോച്ചന്റെ വേറിട്ട ഗെറ്റപ്പ് ശ്രദ്ധയാകര്‍ഷിച്ചിരുന്നു.
25 വര്‍ഷങ്ങള്‍ക്ക് ശേഷം അരവിന്ദ് സാമി മലയാളത്തിലെത്തുന്ന ചിത്രത്തില്‍ ജാക്കി ഷെറോഫും ഒരു പ്രധാനകഥാപാത്രത്തെ അവതരിപ്പിക്കുന്നുണ്ട്. ചാക്കോച്ചന്‍ സിനിമയിലെത്തി 25 വര്‍ഷങ്ങള്‍ക്ക് ശേഷമാണ് ആദ്യ തമിഴ് സിനിമ പുറത്തിറങ്ങുന്നത്. ചിത്രത്തില്‍ തെലുങ്ക് താരം ഈഷ റബ്ബയാണ് നായിക.
അടുകളം നരേന്‍, അമാല്‍ഡ ലിസ്, ജിന്‍സ് ഭാസ്‌കര്‍, സിയാദ് യദു, അനീഷ് ഗോപാല്‍, ലബാന്‍ റാണെ, ശ്രീകുമാര്‍ മേനോന്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
ദി ഷോ പീപ്പിള്‍ ന്റെ ബാനറില്‍ തമിഴ് താരം ആര്യയും ഓഗസ്റ്റ് സിനിമാസിന്റെ ബാനറില്‍ ഷാജി നടേശനും ചേര്‍ന്നാണ് ചിത്രം നിര്‍മ്മിക്കുന്നത്. തമിഴിലെയും മലയാളത്തിലെയും പ്രമുഖ താരങ്ങള്‍ ചിത്രത്തിന്റെ ഭാഗമാവുന്നുണ്ട്. ത്രില്ലര്‍ പശ്ചാത്തലത്തില്‍ ഒരുങ്ങുന്ന ചിത്രത്തിന്റെ തിരക്കഥ എസ്.സഞ്ജീവാണ്.
സംഗീതവും ബി.ജി.എമ്മും നിര്‍വഹിച്ചിരിക്കുന്നത് എ.എച്ച് കാശിഫാണ്. വിനായക് ശശികുമാറിന്റെതാണ് വരികള്‍. ഛായാഗ്രാഹണം- ഗൗതം ശങ്കര്‍. എഡിറ്റിങ്ങ്- അപ്പു ഭട്ടതിരി. ആക്ഷന്‍: സ്റ്റണ്ട് സില്‍വ.
വസ്ത്രാലങ്കാരം സ്റ്റെഫി സേവ്യര്‍. മെയ്ക്കപ്പ്- റോണക്സ് സേവ്യര്‍. സൗണ്ട് ഡിസൈണര്‍ രംഗനാഥ് രവി. കലാസംവിധാനം: സുഭാഷ് കരുണ്, ചീഫ് അസോസിയേറ്റ് ഡയറക്ടര്‍: സ്യമന്തക് പ്രദീപ്, കൊറിയോഗ്രാഫര്‍: സജ്ന നജാം, പ്രൊഡക്ഷന്‍ കണ്‍ട്രോളര്‍: സുനിത് ശങ്കര്‍,
കാസ്റ്റിംഗ് ഡയറക്ടര്‍: ഷനീം സാവേദ്, റീ-റെക്കോര്‍ഡിംഗ് മിക്സര്‍: കണ്ണന്‍ ഗണപത്, സ്റ്റില്‍സ്: റോഷ് കൊളത്തൂര്‍, ഢഎത: പ്രോമിസ്, ഡിസൈനുകള്‍: യെല്ലോടൂത്ത്സ്, കളറിംഗ്: ആക്ഷന്‍ ഫ്രെയിംസ് മീഡിയ. കളറിസ്റ്റ്: സുജിത്ത് സദാശിവന്‍, അഡീഷണല്‍ ഛായാഗ്രഹണം: വിജയ് പ്രൊഡക്ഷന്‍ കണ്‍ട്രോളര്‍ സുനിത് ശങ്കര്‍. ലൈന്‍ പ്രൊഡ്യൂസര്‍ മിഥുന്‍ എബ്രഹാം. പി.ആര്‍.ഒ ആതിര ദില്‍ജിത്ത്.
