കല്യാണത്തിന് മുൻപ് ഗോവയിൽ പോയി ആഘോഷിച്ചാലോ എന്ന് സന്തോഷേട്ടൻ ചോദിച്ചു, എന്നാൽ…; നവ്യ നായർ പറയുന്നു

മലയാളികളുടെ ബാലാമണിയാണ് നവ്യ നായര്‍. നന്ദനത്തിലെ ബാലാമണിയെ ഇന്നും പ്രേക്ഷകര്‍ ഓര്‍ത്തിരിക്കുന്നുണ്ട്. യുവജനോത്സവ വേദിയില്‍ നിന്നും സിനിമയിലേക്കെത്തി താരമായി മാറുകയായിരുന്നു നവ്യ. അഭിനയത്തിന് പുറമെ മികച്ച നര്‍ത്തകി കൂടിയാണ് നവ്യ.

ചുരുങ്ങിയ കാലം കൊണ്ട് തന്നെ മലയാളത്തിന്റെ സ്വന്തമായി മാറുകയായിരുന്നു നടി. വിവാഹത്തോടെ സിനിമയില്‍ നിന്നും ഇടവേളയെടുത്ത നവ്യ ടെലിവിഷന്‍ പരിപാടികളിലൂടെയായിരുന്നു സജീവമായത്. നാളുകള്‍ക്ക് ശേഷമായി ഒരുത്തിയിലൂടെ സിനിമയില്‍ തിരിച്ചെത്തിയത്. ലോക് ഡൗണ്‍ സമയത്ത് സിനിമയുടെ ചിത്രീകരണം നീണ്ടുപോവുകയായിരുന്നു.

ഇടവേള അവസാനിപ്പിച്ച് സിനിമയിലേക്ക് പ്രിയനായിക തിരിച്ചെത്തുകയാണെന്നറിഞ്ഞപ്പോള്‍ ആരാധകര്‍ സന്തോഷത്തിലായിരുന്നു. ബിഗ് സ്‌ക്രീനില്‍ മാത്രമല്ല മിനിസ്‌ക്രീന്‍ പരിപാടികളിലും നവ്യ സജീവമാണ്. ഫ്‌ളവേഴ്‌സ് ചാനലിലെ പ്രധാന പരിപാടികളിലൊന്നായ സ്റ്റാര്‍ മാജികിലേക്ക് അതിഥിയായി നവ്യ എത്തിയിരുന്നു. പുത്തന്‍ മേക്കോവറിലുള്ള വരവിന് ഗംഭീര സ്വീകരണമായിരുന്നു ലഭിച്ചത്.

സിനിമയിലേയും ജീവിതത്തിലേയും രസകരമായ അനുഭവങ്ങളെക്കുറിച്ച് നവ്യ തുറന്നുപറയാറുണ്ട്. ഈ പരിപാടിയിലേക്ക് വരാന്‍ തനിക്കേറെ ഇഷ്ടമാണെന്നായിരുന്നു നവ്യ പറഞ്ഞത്. പാട്ടും തമാശയുമൊക്കെയായി നവ്യയും താരങ്ങളോടൊപ്പം സജീവമാണ്. തന്റെ ജീവിതത്തിലെ നടക്കാതെ പോയ യാത്രയെക്കുറിച്ചും നവ്യ അടുത്തിടെ തുറന്നുപറഞ്ഞിരുന്നു.

വിവാഹത്തിന് മുന്‍പുള്ള ന്യൂഇയര്‍ ഗോവയില്‍ ആഘോഷിച്ചാലോയെന്നായിരുന്നു സന്തോഷേട്ടന്‍ ചോദിച്ചത്. വീട്ടില്‍ നിന്നും അനുമതി കിട്ടുമോയെന്നായിരുന്നു ആശങ്ക. ചേട്ടന്‍ നിര്‍ബന്ധിച്ചതോടെ അച്ഛനോട് അതേക്കുറിച്ച് ചോദിച്ചിരുന്നു.

ഇനി വിവാഹത്തിന് അധികനാളില്ലല്ലോ, വിവാഹ ശേഷം പോയാല്‍ മതിയെന്നായിരുന്നു അച്ഛന്റെ വാക്കുകള്‍. അന്ന് നടക്കാതെ പോയ ആ ഗോവന്‍ യാത്ര ഇത്ര കാലമായിട്ടും നടന്നില്ല. ഇപ്പോള്‍ യാത്ര എന്ന് പറഞ്ഞ് അരികിലേക്ക് ചെല്ലുമ്പോള്‍ത്തന്നെ ചേട്ടന്‍ ഓടിക്കുമെന്നുമായിരുന്നു നവ്യ പറഞ്ഞത്.

നീണ്ട കാലത്തെ ഇടവേളക്ക് ശേഷം നവ്യ മലയാള സിനിമയിലേക്ക് തിരികെയെത്തിയിരിക്കുകയാണ്. വികെ പ്രകാശ് സംവിധാനം ചെയ്ത ‘ഒരുത്തീ’ എന്ന ചിത്രത്തിലൂടെയായിരുന്നു നവ്യയുടെ ശക്തമായ തിരിച്ചുവരവ്. മികച്ച പ്രതികരണമാണ് ചിത്രത്തിന് തീയേറ്ററുകളിൽ നിന്ന് ലഭിക്കുന്നത്.

സാധാരണക്കാരിയായ ഒരു വീട്ടമ്മയുടെ കഥയായിരുന്നു ചിത്രം പറഞ്ഞത്. യഥാർഥ സംഭവത്തിൽ നിന്നും പ്രചോദനം ഉൾക്കൊണ്ടു കൊണ്ടാണ് വികെപി ചിത്രം ഒരുക്കിയിരിക്കുന്നത്. നവ്യയെ കൂടാതെ വിനായകൻ, സൈജു കുറുപ്പ്, സന്തോഷ് കീഴാറ്റൂർ തുടങ്ങി നിരവധി താരങ്ങളും ചിത്രത്തിൽ പ്രധാനവേഷത്തിലെത്തിയിരുന്നു.