admin
മലയാളികളുടെ പ്രിയപ്പെട്ട മിനിസ്‌ക്രീന്‍ പരമ്പയാണ് കുടുംബവിളക്ക്. ഒരു വീട്ടിലെ അച്ഛനും അമ്മയും മക്കളും മരുമക്കളും ഒക്കെ തമ്മിലുള്ള പ്രശ്‌നങ്ങളാണ് പരമ്പരയുടെ ഇതിവൃത്തം. പരമ്പരയില്‍ ശത്രുക്കളെ പോലെ പരസ്പരം തമ്മില്‍ തല്ലുന്നവരൊക്കെ ആണെങ്കിലും ലൊക്കേഷനില്‍ അവര്‍ അങ്ങനെയല്ലെന്ന് പല പ്രാവശ്യം തെളിയിച്ചു കഴിഞ്ഞു.
പലപ്പോഴായി താരങ്ങള്‍ കുടുംബവിളക്കിന്റെ ലൊക്കേഷനില്‍ നിന്നുമുള്ള രസകരമായ വീഡിയോകള്‍ ആരാധകര്‍ക്കായി പങ്കുവെയ്ക്കാറുണ്ട്. കഴിഞ്ഞ ദിവസങ്ങളില്‍ നടിമാരുടെ ഡാന്‍സ് വീഡിയോ സോഷ്യല്‍ ലോകത്ത് വൈറല്‍ ആയിരുന്നു. ഒരോ ദിവസവും പ്രേക്ഷകരുടെ പ്രിയ താരങ്ങള്‍ വ്യത്യസ്ത പോസ്റ്റുകളുമായാണ് എത്തുന്നത്.
ഇപ്പോള്‍ നുബിന്‍ പങ്കുവെച്ച ഒരു ലൊക്കേഷന്‍ ചിത്രമാണ് സോഷ്യല്‍ ലോകത്ത് ശ്രദ്ധേയമാകുന്നത്. അടുക്കളയില്‍ നിന്നുമുള്ള ജിമ്മന്മാരുടെ ചിത്രമാണ് നടന്‍ പങ്കുവെച്ചിരിക്കുന്നത്. ‘ലൊക്കേഷന്‍ ഫണ്‍, ബോഡി വിത്ത് മസില്‍സ്’ എന്ന് ക്യാപ്ഷനോടെയാണ് നടന്‍ ചിത്രം പങ്കുവെച്ചത്. ഫോട്ടോയില്‍ നടന്മാരായ ആനന്ദ് നാരായണനും ഡോ. ഷാജു ശ്യാമും നൂബിനും കൈയിലെ മസില്‍ എല്ലാവരെയും കാണിക്കുകയാണ്. ഇവര്‍ക്ക് നടുവിലായി നടി അമൃത നായരും ചിത്രത്തിലുണ്ട്.
പരമ്പരയില്‍ കേന്ദ്ര കഥാപാത്രമായ സുമിത്രയുടെ മൂന്ന് മക്കളുടെ വേഷമാണ് നുബിനും ആനന്ദും അമൃതയും അവതരിപ്പിക്കുന്നത്. സുമിത്രയുടെ കോളേജില്‍ ഒന്നിച്ച് പഠിച്ച കൂട്ടുകാരന്‍ രോഹിത് ഗോപാല്‍ എന്ന വേഷത്തിലാണ് ഡോ. ഷാജു എത്തുന്നത്.
