admin
മലയാള സിനിമയില്‍ ഒരുപിടി നല്ല ചിത്രങ്ങളില്‍ അഭിനയിച്ച് ശ്രദ്ധ നേടിയ നടനാണ് ബാലു വര്‍ഗീസ്. താരം കുഞ്ഞിന്റെ പുതിയ ചിത്രവും കുഞ്ഞിന്റെ പേരും സോഷ്യല്‍മീഡിയയിലൂടെ പുറത്ത് വിട്ടിരിക്കുകയാണ്. മകന്റെ ആദ്യത്തെ ഫോട്ടോഷൂട്ടാണ് താരം പങ്കുവച്ചത്. ചുരുങ്ങിയ സമയംകൊണ്ടാണ് ചിത്രം വൈറല്‍ ആയിമാറിയത്. എസിക്കീല്‍ എമി വര്‍ഗീസ് എന്നാമ് മകന്‌റ പേര്.
അടുത്തിടെയാണ് ബാലു ജീവിതത്തിലെ സന്തോഷവാര്‍ത്ത പ്രേക്ഷകരുമായി പങ്കിട്ടത്.ആദ്യത്തെ കണ്‍മണിയെ വരവേല്‍ക്കാന്‍ ഒരുങ്ങിയിരിക്കുകയാണ് നടന്‍ ബാലുവും നടിയും മോഡലുമായ ഭാര്യ ഐലീനയും പ്രേക്ഷകരെ അറിയിച്ചിരുന്നു, ഐലീനയുടെ ബേബി ഷവറിന്റെ ചിത്രങ്ങള്‍ താരം പങ്കുവച്ചിരുന്നു. നിരവധി പേരാണ് ആശംസകളുമായി എത്തിയിരിക്കുന്നത്. മകന്റെ പേരിന്റെ അര്‍ത്ഥം ഹിബ്രു ഭാഷയിലാണെന്നും എല്ലാവര്‍ക്കും ഇഷ്ടപ്പെടുമെന്ന് വിശ്വസിക്കുന്നുവെന്നും താരം കുറിച്ചു.
ഫെബ്രുവരിയിലായിരുന്നു ബാലു വര്‍ഗീസും ഐലീനയും വിവാഹം ചെയ്തത്.ലാലിന്റെ സഹോദരിയുടെ മകനാണ് ബാലു വര്‍ഗീസ്. സൗന്ദര്യ മത്സരങ്ങളിലൂടെയാണ് ഐലീന പ്രേക്ഷകര്‍ക്ക് പ്രിയങ്കരിയായത്. മിടുക്കി എന്ന ചിത്രത്തിലൂടെയായിരുന്നു താരം മിനി സ്‌ക്രീന്‍ പ്രേക്ഷകര്‍ക്കിടയില്‍ ശ്രദ്ധ നേടിയത്.പിന്നീട് ‘വിജയ് സൂപ്പറും പൗര്‍ണ്ണമിയും’ എന്ന ചിത്രത്തില്‍ ബാലുവിനൊപ്പം വേഷമിട്ടു. ആസിഫ് അലി, ഐശ്വര്യ ലക്ഷ്മി എന്നിവര്‍ പ്രധാനകഥാപാത്രങ്ങളെ അവതരിപ്പിച്ച ചിത്രമായിരുന്നു ‘വിജയ് സൂപ്പറും പൗര്‍ണ്ണമിയും’ ചിത്രത്തില്‍ ബാലുവും പ്രധാന കഥാപാത്രത്തില്‍ എത്തിയിരുന്നു.പിന്നീടാണ് സൗഹൃദം പ്രണയത്തിലാകുന്നതും ശേഷം വിവാഹത്തില്‍ എത്തുന്നതും.
