ചാത്തൻ സേവ നടത്തിയാണ് 17 വർഷങ്ങൾക്ക് ശേഷം എനിക്ക് മകൾ ജനിച്ചത്; ഞെട്ടിക്കുന്ന വെളിപ്പെടുത്തലുമായി നടൻ കലാഭവൻ നാരായണൻകുട്ടി

ബിഗ് സ്ക്രീനിലും മിനി സ്ക്രീനിലും തന്റേതായ ഇടം സ്ഥാപിച്ചെടുത്ത നടനാണ് കലാഭവൻ നാരായണൻകുട്ടി. കലാഭവൻ മിമിക്രി ഗ്രൂപ്പിൽ നിന്നുമാണ് അദ്ദേഹം മലയാള സിനിമയിലേക്കെത്തിയത്. കോമഡി സ്‌കിറ്റുകളും മറ്റുമായി താരം മിനിസക്രീൻ ആരാധകരുടേയും പ്രിയങ്കരനായി മാറിയിരുന്നു. സിനിമയിൽ ആദ്യമാദ്യം ചെറിയ ചെറിയ ഹാസ്യ വേഷങ്ങളിലാണ് എത്തിയത് എങ്കിലും പിന്നീടങ്ങോട്ട് മുഴുനീള ഹാസ്യ കഥാപാത്രമായി അദ്ദേഹം നിറയുകയിരുന്നു. കൂടുതലും ഹാസ്യ വേഷങ്ങൾ അവതരിപ്പിച്ചാണ് കലാഭവൻ നാരായണൻകുട്ടി സ്‌ക്രീനിൽ നിറഞ്ഞത്. ഇപ്പോഴിതാ വർഷങ്ങളുടെ കാത്തിരിപ്പിന് ശേഷം ലഭിച്ച കണ്മണിയെകുറിച്ചു പറയുകയാണ് നടൻ.

കുഞ്ഞുങ്ങൾ ഇല്ലതെയുള്ള കാലത്തെക്കുറിച്ച് പറയാം നേടാം പരിപാടിയിലാണ് നടൻ സംസാരിക്കുന്നത്. എനിക്ക് വേദനാജനകം ആയിരുന്നില്ല ഇവളുടെ അത്രയും. കാരണം ഞാൻ ഷൂട്ടിങ്ങിനും മറ്റും പോകുന്നതുകൊണ്ട് ആ വേദന അറിഞ്ഞതുമുഴുവനും ഇവളാണ്. ഞാൻ എപ്പോഴും എൻകേജ്ഡ് ആയിരുന്നു അപ്പോൾ അത് അറിയുന്നത് ഇവളാണ്. എല്ലാവർക്കും ഉള്ള പോലെ ഒരു കുഞ്ഞില്ലെന്ന സങ്കടം ആയിരുന്നു ഞങ്ങളെ അലട്ടിയിരുന്നത് എന്നും നാരായണൻ കുട്ടിയും ഭാര്യയും പറയുന്നു.

നാട്ടുകാരുടെ ചോദ്യങ്ങളായിരുന്നു ശരിക്കും വേദനിപ്പിച്ചത്. ഞാൻ ഒന്നും കേട്ടിട്ടില്ല, ഇയാൾ തന്നെയാണ് എല്ലാം എന്നോട് പറഞ്ഞിട്ടുള്ളത് കുട്ടികളായില്ല എന്ന പരിഹാസം അവൾ കേട്ടിട്ടുണ്ടെന്നും നാരായണൻ കുട്ടി പറയുന്നു. ആൾക്കാർ പറഞ്ഞുകൊള്ളട്ടെ, സമയം ആകുമ്പോൾ തമ്പുരാൻ തരും എന്നാണ് ഞാൻ പറഞ്ഞത്. അത് അതുപോലെ നടക്കുകയും ചെയ്തു.

ആവണങ്ങാട്ട് വിഷ്ണുമായയുടെ ആളാണ് ഞാൻ. ചാത്തൻ സ്വാമി. സ്വാമിയാണ് എനിക്ക് മകളെ നൽകിയത്. അവിടെ പോയി പ്രാർത്ഥിച്ചു എന്ന് നടൻ പറയുമ്പോൾ പിന്നീട് സംസാരിക്കുന്നത് എംജിയാണ്. ചാത്തൻ സ്വാമിയിലും, വിഷ്ണുമായയിലും വിശ്വസിക്കുന്ന ഒരുപാട് പേരുണ്ട് അവർക്ക് വേണ്ടിയാണ് ഞാൻ ഈ ചോദ്യം ചോദിച്ചത് എന്ന് വച്ചുകൊള്ളൂ. ഒരുപാട് പേര് പറയുന്നുണ്ട് ചാത്തൻ സേവയെ കുറിച്ച് എന്നും ശ്രീകുമാർ പറയുന്നു.

ആളുകൾക്ക് പേടിയാണ് അത് കേൾക്കുമ്പോൾ. എന്താണ് അതെന്നു അറിയാത്തതുകൊണ്ടാണ് അങ്ങനെ പേടി വരുന്നത്. വിശ്വാസം അതാണ് ഗുരു. ശിവന്റെയും പാർവതിയുടെയും വിഷ്‌ണുവിന്റെയും മകനാണ് വിഷ്ണുമായ. എന്നാൽ ശാസ്താവിനെയാണ് ഈ ചാത്താ ചാത്താ എന്ന് വിളിക്കുന്നത് എന്ന് നടൻ പറയുമ്പോൾ അത് കേൾക്കാനാണ് താൻ ചോദിച്ചതെന്നും എംജി പറയുന്നു. 17 വർഷങ്ങൾ നീണ്ട കാത്തിരിപ്പിന് ശേഷമാണു മകൾ ജനിക്കുന്നത് അതുകൊണ്ടുതന്നേയാണ് അവൾക്ക് ഭാഗ്യലക്ഷ്മി എന്നു പേര് നൽകിയത്. ഡാന്സിലും പാട്ടിലും കുറച്ചു കഴിവുണ്ട് മകൾക്ക് എന്നും പ്രമീളയും നടനും പറയുന്നു. മനോഹരമായ ഗാനവും മകൾ വേദിയിൽ വച്ച് ആലപിക്കുന്നു.