എന്നെ പ്രേമിക്കുമ്പോൾ തന്നെ അയാൾക്ക് മറ്റൊരു ബന്ധമുണ്ട്, അത് കൂടാതെ വേറൊരു കൂട്ടിയുമായി അയാൾ പ്രണയിത്തിലായി, തന്നെ ചതിച്ച കാമുകനെ കുറിച്ച് അന്ന ചാക്കോ തുറന്ന് പറയുന്നു

ചുരുളമുടിക്കാരി അന്ന ചാക്കോയെ മലയാളികള്‍ക്ക് ഏറെ പരിചിതമാണ്. സ്റ്റാര്‍ മാജിക്ക് എന്ന ഷോയിലൂടെയാണ് അന്ന ചാക്കോ ശ്രദ്ധ നേടിയത്. അതിലൂടെ ചില സിനിമകളിലേക്ക് അവസരങ്ങളും വന്നു. ആങ്കറിങും അഭിനയവുമാണ് ഇപ്പോള്‍ അന്നയുടെ പ്രയോരിറ്റില്‍ ലിസ്റ്റില്‍ മുന്നില്‍.

ഒരു പ്രണയ പരാജയത്തില്‍ നിന്നുമുള്ള ഉയര്‍ത്തെഴുന്നേല്‍പ്പായിരുന്നു അന്ന ചാക്കോയുടെ കരിയര്‍. പറയാം നേടാം എന്ന ഷോയില്‍ എംജി ശ്രീകുമാറുമായി സംവദിയ്ക്കവെ തന്റെ പ്രണയത്തെ കുറിച്ച് അന്ന ചാക്കോ വെളിപ്പെടുത്തുകയുണ്ടായി.

സിനിമയോട് താത്പര്യമുള്ളത് കാരണം പാര്‍ട് ടൈം ആയി അസോസിയേറ്റ് ആയി ജോലി ചെയ്യുന്ന ആളുമായിട്ടായിരുന്നു അന്ന ചാക്കോയുടെ പ്രണയം. എറണാകുളത്ത് വച്ച് ആണ് കണ്ടതും പരിചയപ്പെട്ടതും. എന്നാല്‍ ഇപ്പോള്‍ അദ്ദേഹത്തെ കുറിച്ച് ഒന്നും പറയാന്‍ ഞാന്‍ താത്പര്യപ്പെടുന്നില്ല. എവിടെയാണ് എന്ന് പോലും എനിക്ക് അറിയില്ല. എന്ത് ചെയ്താലും ഞാന്‍ എന്റെ അമ്മയോട് പറയും.

ഈ ബന്ധത്തെ കുറിച്ചും ഞാന്‍ അമ്മയോട് പറഞ്ഞിരുന്നു. പക്ഷെ ബ്രേക്കപ്പ് ആയ കാര്യവും, അതിന് ശേഷം ഞാന്‍ അനുഭവിച്ച പ്രശ്നങ്ങളും ഞാന്‍ അമ്മയോട് പറഞ്ഞിട്ടില്ല. വീട്ടില്‍ നിന്ന് എതിര്‍പ്പ് ഉണ്ടെങ്കിലും അയാളോടൊപ്പം പോയി ജീവിയ്ക്കണം എന്നായിരുന്നു എന്റെ തീരുമാനം.

എന്നാല്‍ നമ്മള്‍ സ്നേഹിക്കുന്നവരുടെ ചെറിയ ചില മാനറിസങ്ങളില്‍ നിന്ന് തന്നെ അവരുടെ കള്ളത്തരം നമുക്ക് മനസ്സിലാക്കാന്‍ കഴിയും. ഞങ്ങള്‍ക്കിടയില്‍ പ്രശ്ന എനിക്ക് ഫീല്‍ ചെയ്തത് കല്യാണക്കാര്യത്തെ കുറിച്ച് സംസാരിക്കുമ്പോഴാണ്. വീട്ടില്‍ വന്ന് കാര്യം പറയാന്‍ ആവശ്യപ്പെടുമ്പോള്‍ ഒന്നും അയാള്‍ താത്പര്യം കാണിയ്ക്കുന്നില്ല. വെറുതേ ഒഴിഞ്ഞു മാറുന്നു.

പിന്നീട് ഞാന്‍ അറിഞ്ഞു, എന്നെ പ്രണയിക്കുമ്പോള്‍ തന്നെ അയാള്‍ക്ക് മറ്റൊരു പ്രണയ ബന്ധം ഉണ്ടായിരുന്നു എന്ന്. പക്ഷെ അത് ബ്രേക്കപ്പ് ആയി. എന്ത് കാരണ കൊണ്ടും അയാളെ പിരിയാന്‍ ഞാന്‍ ആഗ്രഹിച്ചിരുന്നില്ല. അതുകൊണ്ട് നമുക്ക് അതൊക്കെ മറന്ന് വീണ്ടും പാച്ചപ്പ് ആവാം എന്ന് ഞാന്‍ പറഞ്ഞു. അങ്ങനെ ആ ബന്ധം മുന്നോട്ട് പോയിക്കൊണ്ടിരിയ്ക്കുമ്പോള്‍ അയാള്‍ വേറെരൊളെ പ്രണയിച്ചു. അതോടെ എന്റെ വിശ്വാസം നഷ്ടപ്പെട്ടു, പിരിയുകയായിരുന്നു.

ആ ബ്രേക്കപ്പില്‍ നിന്നും കരകയറാന്‍ എനിക്ക് കുറച്ചധികം സമയം വേണ്ടി വന്നു. പക്ഷെ അതിന് ശേഷം ഞാന്‍ കൂടുതല്‍ കരിയറില്‍ ശ്രദ്ധ കേന്ദ്രീകരിയ്ക്കാന്‍ തുടങ്ങി. അതോടെ അതൊക്കെ ഓവര്‍കം ചെയ്യാനും ശീലിച്ചു. പക്ഷെ ഇപ്പോഴും ഒരു കാര്യം ഞാന്‍ ഉറപ്പിച്ച് പറയാം, കല്യാണം കഴിക്കുന്നുണ്ട് എങ്കില്‍ ഞാന്‍ പ്രണയിച്ചേ കെട്ടു – അന്ന ചാക്കോ പറഞ്ഞു.

പക്ഷെ ആ വേര്‍പിരിയല്‍ എന്നെ മാനസികമായും ശാരീരികമായും ഒരുപാട് തളര്‍ത്തി. ശ്വാസം മുട്ടല് അനുഭവപ്പെടുന്നത് പോലെ തോന്നി, ഡോക്ടറെ കണ്ടപ്പോള്‍ സൈകാര്‍ട്ടിസ്റ്റിനെ കാണാന്‍ അദ്ദേഹം നിര്‍ദ്ദേശിച്ചു. അങ്ങനെ ഡോക്ടറെ കണ്‍സള്‍ട്ട് ചെയ്തപ്പോള്‍ എനിക്ക് ആന്‍സൈറ്റി അധികമാണ്, ഉറക്ക കുറവും ടെന്‍ഷനും ഒന്നും താങ്ങില്ല എന്ന് പറഞ്ഞു. ആ മെഡിസിന്‍ മൂന്ന് ആഴ്ചയോളം കഴിച്ചുവെന്നും താരം തുറന്നു പറഞ്ഞു.