ഒരു കാലത്ത് ആഷിക് ബനായ എന്ന ഒറ്റ ഗാനത്തിലൂടെ യുവാക്കളുടെ ഹരമായ താരത്തിന്റെ ഇപ്പോഴത്തെ ജീവിതം ഇങ്ങനെ

ബോളിവുഡ് നടി, മോഡൽ എന്നീ നിലയിൽ പ്രശസ്തയാണ് തനുശ്രീ ദത്ത. 2004 ൽ മിസ് ഇന്ത്യ യൂനിവേഴ്സ് കിരീടം ചൂടിയ തനുശ്രീ ‘ആഷിക് ബനായ അപ്നെ’ എന്ന ബോളിവുഡ് ചിത്രത്തിലൂടെ സിനിമയിൽ അരങ്ങേറി. ബോക്സ് ഓഫീസിൽ ചിത്രം വൻ ഹിറ്റായി മാറിയതോടെ നിരവധി ചിത്രങ്ങൾ തനുശ്രീയെ തേടിയെത്തുകയും ചെയ്തു.

എന്നാൽ പ്രതീക്ഷിച്ച രീതിയിൽ ഈ ചിത്രങ്ങളൊന്നും വിജയിച്ചില്ല. സിനിമകൾ ഒന്നൊന്നായി പരാജയപ്പെട്ടപ്പോൾ തനുശ്രീ പതിയെ ബോളിവുഡിൽ നിന്ന് പിൻവാങ്ങി. 2010 ലായിരുന്നു തനുശ്രീ അവസാനമായി വെള്ളിത്തിരയിൽ പ്രത്യക്ഷപ്പെട്ടത്. പിന്നീട് ഇവർ അമേരിക്കയിലേക്ക് ചേക്കേറി. നീണ്ട ഇടവേളയ്ക്ക് ശേഷം തനുശ്രീ ഇന്ത്യയിൽ മടങ്ങിയെത്തി.

മുംബൈ വിമാനത്താവളത്തിൽ നിന്നും തനുശ്രീ പങ്കുവെച്ച ചിത്രങ്ങൾ ഇൻസ്റ്റാഗ്രാമിൽ വൈറലായിരുന്നു. അമേരിക്കയിലേക്ക് താമസം മാറിയിരുന്നില്ലെങ്കിലും താരം സാമൂഹ്യ മാധ്യമങ്ങളിൽ സജീവമായിരുന്നു. ആരാധകരുമായി നിരന്തരം ബന്ധം പുലർത്തുന്നതിൽ താരം സമയം കണ്ടെത്തുകയും ചെയ്തിരുന്നു.

നീണ്ട ഇടവേളയ്ക്ക് ശേഷമുള്ള താരത്തിന്‍റെ മടങ്ങ് വരവിൽ ആരാധകർ ഏറെ സന്തോഷത്തിലാണ്. ‘ഇന്ത്യയിലേക്ക് മടങ്ങി വരുന്നു, അതിൽ ഞാൻ വളരെ എക്സൈറ്റഡ് ആണ്’ എന്ന കുറിപ്പോടെ താരം ഇൻസ്റ്റാഗ്രാമിൽ പങ്കുവെച്ച ചിത്രങ്ങൾ ആരാധകർ ഇരുകൈയും നീട്ടിയാണ് സ്വീകരിച്ചത്. ബോളിവുഡിൽ നിന്നും അപ്രത്യക്ഷമായ തനുശ്രീ ഇത്രയുംകാലം എവിടെയായിരുന്നു എന്നാണ് ഏവർക്കും അറിയേണ്ടിയിരുന്നത്.

അമേരിക്കയിൽ താൻ ആത്മീയ ജീവിതം നയിക്കുകയായിരുന്നു എന്നായിരുന്നു താരം അതിന് നൽകിയ മറുപടി. ബോളിവുഡിലേക്കുള്ള തിരിച്ചു വരവിനെ കുറിച്ച് ചോദിച്ചപ്പോൾ ആത്മീയതയിൽ താൻ സന്തോഷം കണ്ടെത്തിയെന്നും ഇനി ബോളിവുഡിലേക്ക് ഇല്ലെന്നുമാണ് താരം അറിയിച്ചത്. ഒൻപത് വർഷങ്ങൾക്ക് മുൻപ് ബോളിവുഡിനെ ഒന്നാകെ ഞെട്ടിച്ചു കൊണ്ട് ഒരു വെളിപ്പെടുത്തൽ നടത്തിയ നടിയാണ് തനുശ്രീ.

വർഷങ്ങൾക്ക് ശേഷം തിരിച്ചെത്തിയപ്പോഴും വിവാദങ്ങൾ താരത്തെ വിട്ടൊഴിഞ്ഞില്ല. ബോളിവുഡ് നടൻ നാനാ പടേക്കർ തന്നെ ലൈം ഗികമായി പീഡിപ്പിച്ചു എന്ന വാർത്തയായിരുന്നു അന്ന് വൻ വിവാദങ്ങൾക്ക് വഴിയൊരുക്കിയത്. 2008 ൽ ഹോൺ കെ പ്ലീസ് എന്ന സിനിമയുടെ ചിത്രീകരണ വേളയിൽ നാനാ പടേക്കർ തന്നെ സ്പർശിക്കുകയും മോശമായി പെരുമാറുകയും ചെയ്തു എന്നായിരുന്നു താരം ആരോപിച്ചത്.

ചിത്രത്തിൽ ഒരു ഐറ്റം നമ്പറിൽ അഭിനയിക്കുന്നതിന് വേണ്ടി എത്തിയതായിരുന്നു തനുശ്രീ. ഈ സംഭവം ഉണ്ടായതോടെ താരം ചിത്രത്തിൽ നിന്നും പിന്മാറി. ഇപ്പോഴിതാ മറ്റൊരു വെളിപ്പെടുത്തലുമായി രംഗത്തെത്തിയിരിക്കുകയാണ് താരം.

2005 ൽ പുറത്തിറങ്ങിയ ചോക്ലേറ്റ് എന്ന ചിത്രത്തിൽ തനിക്കുണ്ടായ കയ്പേറിയ അനുഭവം പങ്കുവെച്ചാണ് താരം വീണ്ടും വിവാദങ്ങൾക്ക് തിരികൊളുത്തിയിരിക്കുന്നത്. സംവിധായകൻ വിവേക് അഗ്നി ഹോത്രിക്ക് എതിരെയാണ് താരം ഇപ്പോൾ രംഗത്തെത്തിയിരിക്കുന്നത്. തന്നോട് വസ്ത്രമഴിച്ച് നൃത്തം ചെയ്യാൻ സംവിധായകൻ ആവശ്യപ്പെട്ടു എന്നുപറഞ്ഞാണ് താരം വീണ്ടും ബോളിവുഡിനെ ഞെട്ടിച്ചിരിക്കുന്നത്.