Editor 3 
പൃഥ്വിരാജ് നായകനായ വെള്ളി നക്ഷത്രം എന്ന ഒരൊറ്റ സിനിമ മതി ഈ താരസുന്ദരിയെ മലയാളി പ്രേക്ഷകർ ഓർത്തെടുക്കാൻ. ഒരുപിടി നല്ല സിനിമകളിൽ താരം ശ്രദ്ധേയ കഥാപാത്രങ്ങളെ അവതരിപ്പിച്ചു. മലയാളി പ്രേക്ഷകർക്കിടയിൽ മീനാക്ഷി എന്ന പേരിലാണ് നടി അറിയപ്പെടുന്നതെങ്കിലും ശർമിലി എന്നും അറിയപ്പെടുന്നുണ്ട്.
മരിയ മാർഗരറ്റ് എന്ന യഥാർത്ഥ നാമം സിനിമയിലേക്കെത്തിയപ്പോൾ മാറ്റുകയായിരുന്നു. മലയാളികളുടെ പ്രിയപ്പെട്ട നായികമാരുടെ നിരയിൽ വളരെ പെട്ടെന്ന് തന്നെ ഇടം പിടിച്ച താരത്തിൻ്റേതായി നിരവധി സിനിമകളാണ് പുറത്തിറങ്ങിയത്.
വെള്ളി നക്ഷത്രത്തിലെ ചന്ദന മുകിലേ എന്ന് തുടങ്ങുന്ന ഗാനം മീനാക്ഷിയുടെ സിഗ്നേച്ചർ സോംഗാണ്. താരത്തിൻ്റെ ചിത്രങ്ങൾ ഇൻസ്റ്റാഗ്രാമിൽ ഇപ്പോൾ വൈറലായതോടെ എവിടെയെന്ന് തേടുകയാണ് ആരാധകർ. ചിത്രത്തിന് താഴെ എവിടെയാണ് ഈ മികച്ച നടിയെന്നൊക്കെയാണ് ആരാധകർ തിരക്കുന്നത്.
വെള്ളി നക്ഷത്രം എന്ന സിനിമ കൂടാതെ ഒരുപിടി നല്ല മലയാളം ചിത്രങ്ങളുടെ ഭാഗമാകാൻ മീനാക്ഷിയ്ക്ക് സാധിച്ചിരുന്നു. തെന്നിന്ത്യയിലും ശ്രദ്ധേയമായ പ്രകടനങ്ങൾ നടത്തിയിട്ടുണ്ട് താരം.
തമിഴിൽ ശാര്‍മിലി എന്നറിയപ്പെട്ടിരുന്ന മീനാക്ഷി വെള്ളിനക്ഷത്രം, കാക്കക്കറുമ്പന്‍ എന്നീ ചിത്രങ്ങള്‍ക്ക് ശേഷം അഭിനയിച്ച മലയാളചിത്രം ജൂനിയർ സീനിയറായിരുന്നു. ഈ ചിത്രം ബോക്സോഫീസിൽ ഫ്ലോപ്പായിരുന്നു. ചിത്രത്തിൽ മുകേഷിന്റെയും കുഞ്ചാക്കോ ബോബന്റെയും നായികയായാണ് മീനാക്ഷി അഭിനയിച്ചത്.
കാക്കക്കറുമ്പനിലാണ് മീനാക്ഷി ആദ്യം അഭിനയിച്ച മലയാള ചിത്രമെങ്കിലും വെള്ളിനക്ഷത്രമാണ് ആദ്യം റിലീസായത്. 2003ല്‍ തമിഴ് സിനിമയിലൂടെയാണ് മീനാക്ഷി അഭിനയത്തിലേക്ക് എത്തിയത്. എന്നാല്‍ കരിയറില്‍ ബ്രേക്ക് നല്‍കിയത് വെള്ളിനക്ഷത്രമായിരുന്നു.
സിനിമയില്‍ എത്തിയ ആദ്യ വര്ഷം തന്നെ ആറു ചിത്രങ്ങളിലാണ് താരം അഭിനയിച്ചിട്ടുള്ളത്. അതിൽ ആകെ മൂന്നു വർഷം മാത്രമാണ് നടി സിനിമയില്‍ സജീവമായി നിന്നിരുന്നത്. വെള്ളിനക്ഷത്രത്തില്‍ യക്ഷിയായി അഭിനയിച്ച മീനാക്ഷിയുടെ പ്രകടനം വാഴ്ത്തപ്പെട്ടിരുന്നു ഈ ചിത്രത്തിലെ കഥാപാത്രത്തിന്റെ പേരാണ് താരം മലയാളം ഇൻഡസ്ട്രിയിൽ തന്റെ പേരായി സ്വീകരിച്ചിരുന്നത്
തുടര്‍ന്ന് കാക്ക കറുമ്പന്‍, യൂത്ത്‌ഫെസ്റ്റിവല്‍, ബ്ലാക്ക്, ജൂനിയര്‍, സീനിയര്‍, ഹൃദയാഗം എന്നീ ചിത്രങ്ങളില്‍ വേഷമിട്ടു. നായിക സ്ഥാനം കൂടാതെ മമ്മൂട്ടിയുടെ ബ്ലാക്ക് എന്ന ചിത്രത്തില്‍ ഗാനരംഗത്തിലും മീനാക്ഷി പ്രത്യക്ഷപ്പെട്ടിരുന്നു.
എന്നാല്‍ ഒരു സമയത്ത് നിരവധി അവസരങ്ങള്‍ ലഭിച്ചിരുന്ന ഈ നടി പിന്നീട് മലയാള സിനിമാലോകത്ത് നിന്നും അപ്രത്യക്ഷയായി. 2005 ന് ശേഷം മീനാക്ഷിയെ കുറിച്ച് യാതൊരു വിവരവുമില്ല.
