Editor 3 
സഹതാരമായി സിനിമയിലെത്തി ഇപ്പോള്‍ ലീഡിംഗ് റോളുകള്‍ കൈകാര്യം ചെയ്യുന്ന താരമാണ് ലിജോ മോള്‍ ജോസ്. മലയാള സിനിമയിലൂടെയാണ് ലിജോ മോള്‍ ബിഗ് സ്‌ക്രീനിലേക്ക് രംഗപ്രവേശം ചെയ്യുന്നതെങ്കിലും തമിഴ് സിനിമയിലൂടെയാണ് ലിജോമോള്‍ക്ക് കൂടുതല്‍ മികച്ച വേഷങ്ങള്‍ ലഭിക്കുന്നത്.
സൂര്യ കേന്ദ്രകഥാപാത്രത്തെ അവതരിപ്പിച്ച ജയ് ഭീം എന്ന ചിത്രത്തില്‍ മറ്റൊരു ലീഡിംഗ് കഥാപാത്രമായി എത്തിയത് ലിജോ മോളാണ്. തുടര്‍ന്നും തമിഴ് സിനിമകളില്‍ നിരവധി അവസരങ്ങളാണ് താരത്തിന് ലഭിച്ചത്. അടുത്തിടെ താരം മാധ്യമങ്ങള്‍ക്ക് മുമ്പില്‍ ചുരിദാറില്‍ അതി സുന്ദരിയായെത്തിയിരുന്നു. മഞ്ഞ ചുരിദാറിലെത്തിയ താരത്തിന്റെ മനോഹരങ്ങളായ ചിത്രങ്ങള്‍ പുറത്തുവന്നു. എന്തൊരു ക്യൂട്ടെന്നാണ് ആരാധകരുടെ കമന്റ്.
ഫഹദ് ഫാസില്‍ നായകനായ മഹേഷിന്റെ പ്രതികാരം എന്ന ചിത്രത്തിലൂടെ അഭിനയ ജീവിതത്തിന് തുടക്കംകുറിച്ച താരമാണ് ലിജോമോള്‍. ചിത്രത്തില്‍ സോണിയ എന്ന കഥാപാത്രത്തെയാണ് താരം അവതരിപ്പിക്കുന്നത്. ചിത്രത്തില്‍ ‘സോണിയ നമ്മുടെ മുത്തല്ലേ…’ എന്ന ഡയലോഗ് ആരും മറക്കാന്‍ ഇടയില്ല. ഇതിനു പിന്നാലെ കട്ടപ്പനയിലെ ഋത്വിക് റോഷന്‍ എന്ന ചിത്രത്തിലാണ് പിന്നീട് ലിജോമോള്‍ വേഷമിട്ടത്.
സൂരരൈ പോട്ര് എന്ന ചിത്രത്തിനു ശേഷം സൂര്യ നായകനായെത്തിയ ചിത്രമായിരുന്നു ‘ജയ് ഭീം’. ചില യഥാര്‍ത്ഥ സംഭവങ്ങളെ ആസ്പദമാക്കി ടി. ജെ. ജ്ഞാനവേല്‍ സംവിധാനം ചെയ്ത ചിത്രത്തില്‍ സൂര്യയ്‌ക്കൊപ്പം തുല്യപ്രാധ്യാന്യമുള്ള വേഷത്തെ കൈകാര്യം ചെയ്തത് ലിജോമോളായിരുന്നു. ചിത്രം മികച്ച പ്രേക്ഷക പ്രതികരണവും നിരൂപക പ്രശംസയും നേടിയിരുന്നു.
സെങ്കണ്ണി എന്ന കഥാപാത്രത്തെയാണ് ലിജോമോള്‍ ചിത്രത്തില്‍ അവതരിപ്പിച്ചത്. ലോക്ഡൗണിലെ സംഭവവികാസങ്ങളെ പ്രമേയമാക്കി പുറത്തിറങ്ങിയ ആന്തോളജി ചിത്രം പുത്തന്‍പുതു കാലത്തിലും ലിജോമോള്‍ വേഷമിട്ടിരുന്നു. മലയാള സിനിമയില്‍ നിന്നാണ ലിജോമോള്‍ തുടങ്ങുന്നതെങ്കിലും താരത്തിന്റേതായി ഇറങ്ങിയ മികച്ച ചിത്രങ്ങളെല്ലാം തമിഴിലായിരുന്നു.
ഇപ്പോഴിതാ മലയാളത്തില്‍ നിന്നും മികച്ച വേഷങ്ങള്‍ ലഭിക്കുന്നുണ്ടെന്നാണ് താരം പറയുന്നത്. മലയാളത്തില്‍ നിന്നും ഇപ്പോള്‍ നല്ല വേഷങ്ങള്‍ ലഭിക്കുന്നുണ്ട്. അതില്‍ താന്‍ വളരെ സന്തോഷവതിയാണെന്നും താരം പറയുന്നു. താന്‍ ഇതുവരെ ചെയ്ത കഥാത്രങ്ങളില്‍ നിന്നെല്ലാം വ്യത്യതമായ കഥാപാത്രങ്ങളാണ് ഇപ്പോള്‍ വരുന്നത്.
ഇപ്പോള്‍ താന്‍ ചെയ്ത കഥാപാത്രത്തിന്റെ പേരില്‍ ആളുകള്‍ ഓര്‍ത്തെടുക്കുന്നത് കാണുമ്പോള്‍ വലിയ സന്തോഷം തോന്നാറുണ്ടെന്നും താരം അഭിമുഖത്തില്‍ പറയുന്നു. ശ്യാംദത്ത് സംവിധാനം ചെയ്ത സ്ട്രീറ്റ് ലൈറ്റ് എന്ന ചിത്രത്തില്‍ മമ്മൂട്ടിയുടെ നായികയായി എത്തിയത് ലിജോമോളാണ്. വിഷ്ണു ഉണ്ണികൃഷ്ണന്‍, സൗബിന്‍ ഷാഹിര്‍, ജോയ് മാത്യു, ഇന്ദ്രന്‍സ്, സുധി കോപ്പ, ഹരീഷ് കണാരന്‍, സെല്‍വ മാസ്റ്റര്‍ എന്നിവരും ചിത്രത്തില്‍ പ്രധാന കഥാപാത്രങ്ങളെ അവതരിപ്പിച്ചിരുന്നു.
മമ്മൂട്ടി പോലീസ് വേഷത്തില്‍ എത്തിയ ചിത്രം അത്ര കൊമേഷ്യല്‍ സക്‌സസ് ആയിരുന്നില്ല, എങ്കിലും ലിജോമോള്‍ക്ക് അതൊരു നല്ല എക്‌സ്പീരിയവന്‍സാണ് നല്‍കിയത്. 2021 ഒക്ടോബറിലാണ് ലിജോമോള്‍ വിവാഹിതയാകുന്നത്. അരുണ്‍ ആന്റണിയാണ് താരത്തിന്റം ജീവിത പങ്കാളി.
വിവാഹ ശേഷവും സിനിമയില്‍ അഭിനയിക്കാനാണ് ലിജോയുടെ തീരുമാനം. ഇതിനു മുന്‍പ് താരത്തിന്റെ വിവാഹം കഴിഞ്ഞെന്ന തരത്തില്‍ നിരവധി വാര്‍ത്തകള്‍ പുറത്തുവന്നിരുന്നു. നടന്‍ ഷാലു റഹീമിന്റെ പേരിലായിരുന്നു ഗോസിപ്പുകള്‍ ഉണ്ടായത്. എന്നാല്‍ ഈ വാര്‍ത്തകള്‍ വ്യാജമാണെന്ന് വ്യക്തമാക്കി നടനാണ് രംഗത്തെത്തിയത്.
