admin
ഇൻസ്റ്റാഗ്രാം യൂടൂബ് തുടങ്ങിയ സോഷ്യൽമീഡിയ മാധ്യമങ്ങളിലൂടെ മലയാളികൾക്ക് പരിചിതയാണ് നടൻ കൃഷ്ണകുമാറിന്റെ മകളായ ദിയ കൃഷ്ണ. മാലിദ്വീപിലെ പിറന്നാൾ ആഘോഷത്തിന്റെ വിഡിയോ പങ്കുവച്ചിരിക്കുകയാണ് ദിയ കൃഷ്ണ. 25ാം പിറന്നാൾ ആഘോഷിക്കാൻ ഒറ്റയ്ക്കായിരുന്നു കേരളത്തിൽ നിന്നും മാലിദ്വീപിലേക്കുള്ള ദിയയുടെ യാത്ര.
ദിയയുടെ സുഹൃത്ത് അശ്വിനും മാലിയിൽ എത്തിയിരുന്നു. മാലിയിലെ ആരും കൊതിക്കുന്ന നീലയും പച്ചയും ഇടകലർന്ന കടലിൽ മുങ്ങി നിവരുന്നത് മുതൽ സ്‌ക്യൂബാ ഡൈവിങ് ചെയ്യുന്നത് വരെയുള്ള വിശേഷങ്ങൾ ദിയ വിഡിയോ വ്ലോഗിലൂടെ പങ്കുവയ്ക്കുന്നുണ്ട്.
ഓസി എന്നാണ് ദിയയുടെ ഓമനപ്പേര്. ദിയയ്ക്ക് പിറന്നാള്‍ ആശംസ നേര്‍ന്ന് സഹോദരി ഇഷാനി പങ്കുവച്ച പോസ്റ്റ് വൈറലായിരുന്നു. ഇരുവരുടെയും പഴയ ചിത്രവും പുതിയ ചിത്രവും പോസ്റ്റ് ചെയ്താണ് ഇഷാനി സഹോദരിക്ക് പിറന്നാള്‍ ആശംസ നേര്‍ന്നത്. സോഷ്യൽമീഡിയയിലെ താരമാണ് ദിയ കൃഷ്ണ. ദിയയുടെ റീല്‍സ് വിഡിയോകൾക്ക് ആരാധകർ ഏറെയാണ്.
സ്വന്തമായി ബിസിനസുണ്ട് ദിയയ്ക്ക്. യാത്രകളെ ഏറെ ഇഷ്ടപ്പെടുന്ന ദിയ ഇടയ്ക്കിടെ വിദേശ യാത്രകൾ അടക്കം നടത്താറുണ്ട്. കുടുംബത്തോടൊപ്പമുള്ള വിദേശ യാത്രയ്ക്ക് ശേഷം ഇപ്പോഴിത മാലി ദ്വീപിൽ അവധി ആഘോഷിക്കാൻ പോയതിന്റെ വിശേഷങ്ങൾ പങ്കുവെച്ച് എത്തിയിരിക്കുകയാണ് ദിയ കൃഷ്ണ.
