സുഹൃത്തിനൊപ്പമുള്ള ക്യൂട്ട് ഫോട്ടോസ് പങ്കുവെച്ച് നമിത പ്രമോദ്… പൊളിച്ചെന്ന് ആരാധകർ

ഏഴാം ക്ലാസിൽ പഠിക്കുമ്പോൾ വേളാങ്കണ്ണി മാതാവ് എന്ന സീരിയൽ വേളാങ്കണ്ണി മാതാവിന്റെ വേഷം അവതരിപ്പിച്ചുകൊണ്ട് സ്നേഹരംഗത്തേക്ക് കടന്നുവന്ന താരമാണ് നമിത പ്രമോദ്. മലയാളചലച്ചിത്ര നടി എന്ന നിലയിൽ തന്റേതായ അടയാളപ്പെടുത്തലുകൾ നടത്തിയ താരം ട്രാഫിക് എന്ന ചിത്രത്തിലൂടെയാണ് അഭിനയരംഗത്ത് സജീവമാകുന്നത്. വേളാങ്കണ്ണി മാതാവിന് ശേഷം അമ്മേ ദേവി, എൻറെ മാനസപുത്രി എന്നീ സീരിയലുകളിൽ ശ്രദ്ധേയമായ വേഷങ്ങൾ കൈകാര്യം ചെയ്യുകയും രാജേഷ് പിള്ള സംവിധാനം ചെയ്ത ട്രാഫിക്കിലൂടെ മികച്ച പ്രകടനം കാഴ്ചവയ്ക്കുകയും ചെയ്തു.

സത്യൻ അന്തിക്കാട് സംവിധാനം ചെയ്ത പുതിയ തീരങ്ങൾ എന്ന ചിത്രത്തിൽ നായിക കഥാപാത്രത്തെ അവതരിപ്പിച്ചുകൊണ്ട് മലയാള സിനിമയിൽ ചുവടുറപ്പിച്ച താരം ദിലീപ് നായകനായ സൗണ്ട് തോമ എന്ന ചിത്രത്തിലും കുഞ്ചാക്കോയുടെ നായികയായി പുള്ളികളും ആട്ടിൻകുട്ടി,ലോ പോയിന്റ് എന്നി ചിത്രത്തിലും അഭിനയിച്ചു. താരത്തിന്റെ ആറാമത്തെ ചിത്രം വിക്രമാദിത്യനായിരുന്നു. ഇതിനു പുറമേ നിരവധി ചിത്രങ്ങളിൽ വലുതും ചെറുതുമായ കഥാപാത്രങ്ങൾ അവതരിപ്പിക്കുവാൻ നമിത പ്രമോദിന് അവസരം ലഭിച്ചിട്ടുണ്ട്.

സോഷ്യൽ മീഡിയയിൽ സജീവമായ താരം തന്റെ വിശേഷങ്ങളൊക്കെ ആരാധകരുമായി നിരന്തരം പങ്കുവയ്ക്കാറുണ്ട്. ദിലീപിൻറെ മകൾ മീനാക്ഷിയുമായുള്ള താരത്തിന്റെ സൗഹൃദവും ഇരുവരും ട്രിപ്പുകളും ഒക്കെ എന്നും സോഷ്യൽ മീഡിയയിൽ നിറയാറുള്ള കാര്യങ്ങൾ തന്നെയാണ്. ബോഡി പോസിറ്റീവിറ്റിയെ പറ്റിയുള്ള താരത്തിന്റെ ഏറ്റവും പുതിയ പോസ്റ്റും സോഷ്യൽ മീഡിയയിൽ ഏറെ ചർച്ചയായ വിഷയം ആയി മാറിയിരുന്നു.

സമീറ റെഡി മുതൽ മാളവിക മോഹൻ വരെ താൻ നേരിട്ടിട്ടുള്ള ബോഡി ഷൈമിങ്ങിനെ കുറിച്ച് തുറന്നു പറഞ്ഞ സാഹചര്യത്തിൽ കാറിൽ ഇരുന്നുകൊണ്ട് തന്റെ ശരീരത്തിലെ ചുളവുകളും സ്ട്രെച്ച് മാർക്കും വെളിപ്പെടുത്തുന്ന ചിത്രങ്ങളാണ് നമിത പങ്കുവെച്ചത്. നമിതയുടെ പോസ്റ്റിന് പിന്തുണയുമായി നിരവധി പേരും രംഗത്തെത്തിയിരുന്നു.

എങ്ങനെ ഇരുന്നാലും സ്വന്തം ശരീരത്തെ സ്നേഹിക്കുക എന്നും ഏത് ലുക്കിലും നമിത സുന്ദരിയാണെന്ന് ഒക്കെയുള്ള കമന്റുകൾ ആയിരുന്നു താരത്തിന്റെ ചിത്രത്തിന് താഴെ വന്നുകൊണ്ടിരുന്നത്. ലൈറ്റ് ഗ്രീൻ സാരിയിൽ മനോഹരിയായിരിക്കുന്ന നമിതയുടെ ചിത്രങ്ങളും സമൂഹമാധ്യമങ്ങൾ വലിയതോതിൽ ഏറ്റെടുത്തിരുന്നു. ഈ ചിത്രങ്ങളും താരം തന്നെയാണ് തൻറെ സോഷ്യൽ മീഡിയ അക്കൗണ്ടുകൾ വഴി ആരാധകരെ അറിയിച്ചിരുന്നത്.

ഇപ്പോൾ ഏറ്റവും ഒടുവിലായി തന്റെ സുഹൃത്തിന് ഒപ്പമുള്ള ചില ചിത്രങ്ങളാണ് നമിത സോഷ്യൽ മീഡിയയിൽ പോസ്റ്റ് ചെയ്തിരിക്കുന്നത്. മേരീ ഫിലിപ്പ് എന്ന പേഴ്സണൽ ബ്ലോഗറുടെ ഒപ്പമുള്ള ചിത്രങ്ങളാണ് താരം ഇൻസ്റ്റാഗ്രാമിൽ അപ്‌ലോഡ് ചെയ്തിരിക്കുന്നത്. ഇരുവരും ഒന്നിച്ചുള്ള സെൽഫിയിൽ താരത്തിന്റെ ക്യൂട്ട്നെസ്സും വിവിധ പോസുകളും കാണാൻ സാധിക്കുന്നു.

മറ്റെല്ലാ താരങ്ങളെയും പോലെയും 2023 ആഘോഷമാക്കുകയാണോ എന്നത് അടക്കമുള്ള കമന്റുകളാണ് ചിത്രത്തിന് താഴെ വന്നു കൊണ്ടിരിക്കുന്നത്. ചിത്രങ്ങളൊക്കെ ഇപ്പോൾ സോഷ്യൽ മീഡിയയിൽ വൈറലാണ്. അടുത്തിടെയായി സിനിമ രംഗത്ത് താരം വേണ്ട വിധത്തിൽ സജീവമല്ലെങ്കിലും സോഷ്യൽ മീഡിയയിലൂടെ നിരന്തരം ആരാധകരുമായി സംവദിക്കാറുണ്ട്.