Editor 3
വിവിധ പരമ്പരകളിലൂടെയായി പ്രേക്ഷകര്‍ക്ക് പരിചിതയായി മാറിയ താരമാണ് ആരതി സോജന്‍. പൂക്കാലം വരവായിക്ക് ശേഷമായി മനസിനക്കരെയില്‍ അഭിനയിച്ച് വരികയായിരുന്നു താരം. വിജയകരമായി പരമ്പര മുന്നേറുന്നതിനിടയിലാണ് നായകനും നായികയും പിന്‍മാറിയത്.
പരമ്പരയില്‍ നിന്നും മാറിയെങ്കിലും സോഷ്യല്‍ മീഡിയയില്‍ സജീവമാണ് ആരതി. സീരിയല്‍ ടുഡേയ്ക്ക് നല്‍കിയ അഭിമുഖത്തിലായിരുന്നു ആരതി താന്‍ വിവാഹിതയായിരുന്നുവെന്നും പിന്നീട് വിവാഹമോചനം നേടുകയായിരുന്നുവെന്നും വ്യക്തമാക്കിയത്.
ഞാന്‍ വിവാഹിതയായിരുന്നുവെന്ന കാര്യത്തെക്കുറിച്ച് പലര്‍ക്കും അറിയില്ല. 2017ലായിരുന്നു അത്. 2018 ല്‍ ഞങ്ങള്‍ വേര്‍പിരിഞ്ഞു. കുടുംബാംഗങ്ങളുടെ അറിവോടെയാണ് പിരിഞ്ഞത്. അത് കഴിഞ്ഞിട്ടിപ്പോള്‍ നാല് വര്‍ഷമായി. പബ്ലിക് ഫിഗറായി നില്‍ക്കുമ്പോള്‍ വിവാഹം കഴിച്ചിട്ടില്ലെന്ന് കള്ളം പറയാനാവില്ല. ഇന്നല്ലെങ്കില്‍ നാളെ അത് പുറത്തുവരും.
21ാം വയസില്‍ കല്യാണം കഴിച്ച് 22ാം വയസില്‍ പിരിയുകയായിരുന്നു. ഇതേക്കുറിച്ച് അറിയാത്തവരോടെയാണ് ഇപ്പോള്‍ പറയുന്നത്. ഞാനിത് രഹസ്യമാക്കി വെച്ചുവെന്ന് നാളെ പറയരുത്. നാളെ ചിലപ്പോള്‍ വേറെ വിവാഹം ചെയ്‌തേക്കാം. ഒരു പെണ്‍കുട്ടി വിവാഹം കഴിച്ചാലും ഇല്ലെങ്കിലും ചീത്തപ്പേര് ഉണ്ടായേക്കാം. എന്തായാലും ഉടനെയൊന്നും വിവാഹത്തിന് പ്ലാനില്ല.
കരിയറിന് കുറേക്കൂടി പ്രാധാന്യം നല്‍കണമെന്നാണ് കരുതുന്നത്. അമ്മയ്ക്ക് ജോലിയുണ്ടായിരുന്നു. പലര്‍ക്കും ജോലിയാക്കി കൊടുക്കുന്നതും കണ്ടിട്ടുണ്ട്. എന്നാല്‍ സ്വന്തം മക്കള്‍ക്ക് നല്ലൊരു ജോലി കൊടുക്കാനായില്ലല്ലോ എന്ന് പറയാറുണ്ട്. അമ്മയുടെ ഇഷ്ടപ്രകാരമായാണ് എന്റെ വിവാഹം നടത്തിയത്. അത് ഇങ്ങനെയായിത്തീര്‍ന്നതില്‍ വിഷമം ഉണ്ടായിരുന്നുവെങ്കിലും ഇപ്പോള്‍ അമ്മ സന്തോഷവതിയാണ്.
ഇന്നത്തെക്കാലത്ത് വിവാഹമോചനം വലിയ സംഭവമൊന്നുമല്ല. ആരെ വിവാഹം ചെയ്താലും അവരുടെ ഉള്ളൊന്നും നമുക്ക് കയറി നോക്കാന്‍ പറ്റൂലല്ലോ, എത്ര അഡ്ജസ്റ്റ് ചെയ്താലും ശരിയാവണമെന്നില്ല. അങ്ങനെ പോവുന്നവര്‍ ഭാഗ്യവാന്‍മാര്‍ എന്നേ ഞാന്‍ പറയൂ. നാളെ ഞാന്‍ വിവാഹം കഴിക്കുകയാണെങ്കില്‍ ആ സമയത്ത് ഇതൊന്നും പറഞ്ഞ് വരാതിരിക്കാനായാണ് ഇതൊക്കെ ഇപ്പോള്‍ വിശദീകരിച്ചതെന്നും താരം പറഞ്ഞിരുന്നു.
ആരതിയെക്കണ്ടാല്‍ വിവാഹിതയാണെന്ന് പറയില്ല, വിവാഹമെന്ന് പറയുന്നത് ഒരു പരമ്പരാഗത രീതിയാണ്, അതിന് നല്ല ക്ഷമയും അഡ്ജസ്റ്റ്‌മെന്റും വേണം. ഇതില്‍ നിന്നാണ് നല്ലൊരു ജീവിത പരമ്പര തുടങ്ങുന്നത്. താങ്കളുടെ ജീവിതരീതി വെച്ച് അനുയോജ്യമാണോയെന്ന് ചിന്തിക്കൂ. തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.
