Editor 3 
റിയാലിറ്റി ഷോയിലൂടെയായി തുടക്കം കുറിച്ച് സിനിമയിലെത്തിയ താരമാണ് സാനിയ ഇയ്യപ്പന്‍. ക്വീനിലെ ചിന്നുവായിരുന്നു താരത്തിന് ബ്രേക്കായി മാറിയത്. പ്രേതം, സര്‍വകലാശാല, ലൂസിഫര്‍, പതിനെട്ടാംപടി, ദ പ്രീസ്റ്റ് തുടങ്ങിയ സിനിമകളിലും താരം അഭിനയിച്ചിരുന്നു.
ഫോട്ടോ ഷൂട്ട് ചിത്രങ്ങളിലൂടെയായും സാനിയ ശ്രദ്ധ നേടാറുണ്ട്. മോശമായി പെരുമാറിയ ആള്‍ക്കെതിരെ സാനിയ ശക്തമായി പ്രതികരിച്ചതിന്റെ വീഡിയോ വൈറലായിരുന്നു. ഫാഷനും അഭിനയവുമൊക്കെയായി സജീവമാണ് താരം. പൊതുവെ പരാജയത്തെ ഭക്കുന്ന ആളാണ് താനെന്ന് സാനിയ പറയുന്നു.
പരാജയത്തെ നേരിടാന്‍ മടിയില്ല. എന്നാല്‍ പരാജയപ്പെടുന്നത് പേടിപ്പെടുത്തുന്ന കാര്യമാണ്. മുന്നോട്ടേക്കുള്ള പോക്ക് എങ്ങനെയായിരിക്കുമെന്നോര്‍ത്ത് ആശയക്കുഴപ്പം ഉണ്ടാവാറുണ്ട്. ക്വീനില്‍ അഭിനയിച്ചതിന് അവാര്‍ഡ് ഒക്കെ കിട്ടിയ ശേഷം വേറെ അവസരങ്ങളൊന്നും ലഭിച്ചിരുന്നില്ല. അന്ന് വല്ലാതെ നിരാശ തോന്നിയിട്ടുണ്ട്.
അതുകഴിഞ്ഞാണ് പൃഥ്വിരാജ് ചിത്രമായ ലൂസിഫറിലേക്ക് വിളിച്ചത്. സിനിമയില്‍ നിലനില്‍ക്കണമെങ്കില്‍ കഴിവ് മാത്രം പോര ഭാഗ്യവും കൂടെയുണ്ടാവണമെന്നാണ് സാനിയ വിശ്വസിക്കുന്നത്. താന്‍ ധരിക്കുന്ന വസ്ത്രങ്ങളെക്കുറിച്ച് പറയുകയാണ് സാനിയ. സിനിമക്ക് വേണ്ടിയാണോ ഇങ്ങനെ നടക്കുന്നതെന്നാണ് എന്നോട് ആളുകള്‍ ചോദിക്കുന്നത്.
ചാന്‍സുകള്‍ക്ക് വേണ്ടിയാണ് ഇങ്ങനെ വസ്ത്രം ധരിക്കുന്നതെന്നും പലരും പറയാന്‍ തുടങ്ങി. എന്നാല്‍ അതൊന്നും ഞാന്‍ മൈന്‍ഡ് ചെയ്യാറില്ല. എനിക്ക് ഞാന്‍ ഡ്രസ് ചെയ്യുന്ന രീതി ഇഷ്ടമാണ്. എനിക്ക് കിട്ടുന്ന പൈസക്ക് ഞാന്‍ വാങ്ങി ഇടുന്നതിന് ബാക്കി ആളുകള്‍ എന്തിനാണ് അത് ചെയ്യരുതെന്ന് പറയുന്നത്.
ക്യാരക്ടര്‍ റോള്‍ ചെയ്ത് തുടങ്ങിയാല്‍ അത്തരത്തിലുള്ള വേഷങ്ങളായിരിക്കും പിന്നീട് ലഭിക്കുന്നതെന്ന് പൃഥ്വിരാജ് പറഞ്ഞിരുന്നു. ലൂസിഫറിലെ ഷൂട്ടിനിടയില്‍ നന്നായി ചെയ്തു എന്ന് അദ്ദേഹം പറഞ്ഞപ്പോള്‍ സന്തോഷം തോന്നിയിരുന്നു. ഓരോ അഭിനേതാക്കളേയും നന്നായി മോഡിഫൈ ചെയ്യുന്ന സംവിധായകനാണ് അദ്ദേഹം.
ലൂസിഫറിന് ശേഷം ചെയ്തതെല്ലാം ക്യാരക്ടര്‍ റോളുകളാണ്. അതില്‍ നിരാശയൊന്നുമില്ല. നായിക എന്നതിനേക്കളും അഭിനയ പ്രാധാന്യമുള്ള കഥാപാത്രങ്ങളെ അവതരിപ്പിക്കാനാണ് ആഗ്രഹം. അഭിനേത്രിയാവണമെന്ന് സ്വപ്‌നം കണ്ട് സിനിമയിലെത്തിയ ആളല്ല താനെന്നും സാനിയ പറഞ്ഞിരുന്നു.
റിയാലിറ്റി ഷോയില്‍ കണ്ടാണ് ബാല്യകാല സഖിയില്‍ സുഹറയുടെ കുട്ടിക്കാലം അവതരിപ്പിക്കാന്‍ വിളിച്ചത്. അതിന് ശേഷമായി വീണ്ടും ഡാന്‍സില്‍ ശ്രദ്ധിക്കുകയായിരുന്നു. അതിനിടയിലാണ് ക്വീന്‍ വന്നത്. അഭിനയം പറ്റുമോയെന്നൊന്നും അപ്പോഴും ഉറപ്പില്ലായിരുന്നു. സിനിമയിലും ഞാന്‍ സെറ്റാവുമെന്ന ബോധ്യം വന്നത് ലൂസിഫറിന് ശേഷമായാണ്.
കുട്ടിക്കാലത്ത് പാട്ട് കേള്‍ക്കുമ്പോള്‍ കാല് താളത്തിന് അനുസരിച്ച് ചലിപ്പിക്കുമായിരുന്നു. അങ്ങനെയാണ് ഡാന്‍സ് പഠിപ്പിച്ചത്. നിനക്ക് ശരിയെന്ന് തോന്നുന്ന കാര്യങ്ങള്‍ ചെയ്യാനുള്ള സ്വാതന്ത്ര്യം എനിക്ക് തന്നിട്ടുണ്ട്. തായ്‌ലന്‍ഡിലേക്ക് ഞങ്ങളൊരു ഫാമിലി ട്രിപ്പ് പോയിരുന്നു.
അന്ന് ഞാന്‍ ബി ക്കിനിയായിരുന്നു ധരിച്ചത്. ഭംഗിയുള്ള ഡ്രസൊക്കെ ഇടണമെങ്കില്‍ വണ്ണം കുറയ്ക്കണമെന്നാണ് അമ്മ പറയാറുള്ളത്. സിനിമയില്‍ അവസരങ്ങള്‍ ലഭിക്കുന്നത് കുറഞ്ഞാല്‍ ഡാന്‍സ് ക്ലാസ് തുടങ്ങിയേനെയെന്നും സാനിയ വ്യക്തമാക്കിയിരുന്നു.
