മലയാളികളുടെ പ്രിയപ്പെട്ട താരകുടുംബമാണ് ഇന്ദ്രജിത്തിന്റേത്. ഇന്ദ്രജിത്തിന്റെ ഭാര്യയും നടിയുമായ പൂര്ണിമയും മലയാളികള്ക്ക് സുപരിചിതരാണ്. ഇവരുടെ മക്കളായ പ്രാര്ത്ഥനയും നക്ഷത്രയും പ്രേക്ഷകരുടെ പ്രിയ താരപുത്രിമാരാണ്. നക്ഷത്രയ്ക്ക് അഭിനയത്തിലും പ്രാര്ത്ഥനയ്ക്ക് പാട്ടിലുമാണ് പ്രിയം.
സോഷ്യല് മീഡിയകളിലൂടെ മക്കളുടെ വിശേഷങ്ങള് ഒക്കെ പങ്കുവെച്ച് ഇരുവരും രംഗത്ത് എത്താറുണ്ട്. വിവാഹത്തിന് ശേഷം പൂര്ണിമ അഭിനയരംഗത്ത് നിന്ന് വിട്ടുനിന്നിരുന്നു. പിന്നീട് വൈറസ് എന്ന ചിത്രത്തിലൂടെയാണ് തിരിച്ചുവരവ് നടത്തിയത്. സിനിമയില് നീണ്ട ഇടവേള എടുത്ത സമയം താരം വസ്ത്ര വിപണന മേഖലയില് കഴിവ് തെളിയിച്ചിരുന്നു.
പ്രാണ എന്ന വസ്ത്ര മേഖല വിപണന മേഖലയുടെ ഉടമസ്ഥ കൂടിയാണ് നടി പൂര്ണിമ. തമിഴ് സീരിയലായ കോലങ്ങളിലൂടെയായാണ് പൂര്ണിമ അഭിനയ ജീവിതം തുടങ്ങിയത്. എഷ്യാനെറ്റില് അവതാരകയായും പൂര്ണിമ തിളങ്ങിയിരുന്നു. ഊമക്കുയില്, സ്ത്രീ ഒരു സാന്ത്വനം, പെയ്തൊഴിയാതെ, വേനല്മഴ, നിഴലുകള് തുടങ്ങിയ പരമ്പരകളിലൂടെയായും പൂര്ണിമ കഴിവ് തെളിയിച്ചിരുന്നു.
മിനിസ്ക്രീനില് നിന്നും ബിഗ് സ്ക്രീനിലേക്കെത്തിയപ്പോഴും മികച്ച പ്രകടനമായിരുന്നു പൂര്ണിമയുടേത്. മേഘമല്ഹാര്, വല്യേട്ടന്, രണ്ടാം ഭാവം തുടങ്ങിയ ചിത്രങ്ങളിലെ അഭിനയം ശ്രദ്ധേയമായിരുന്നു. കഥ ഇതുവരെ, ഇടവേളയില്, കുട്ടികളോടാണോ കളി, മെയ്ഡ് ഫോര് ഈച്ച് അദര് സീസണ് 2 തുടങ്ങിയ പരിപാടികളുടെ അവതാരക പൂര്ണിമയായിരുന്നു.
കുട്ടിക്കാലത്തെ നൃത്തപഠനം തുടങ്ങിയ താരം മികച്ചൊരു നര്ത്തകി കൂടിയാണ്. സിനിമയില് നിന്നും മാറി നിന്ന സമയത്താണ് സ്വന്തമായൊരു ബോട്ടീക് എന്ന സ്വപ്നം യാഥാര്ത്ഥ്യമാക്കിയത്. ആ സ്വപ്നം സഫലമാക്കാന് പൂര്ണ പിന്തുണയുമായി ഇന്ദ്രജിത്തും കുടുംബവും ഒപ്പമുണ്ടായിരുന്നു.
നിറങ്ങളോട് വളരെ പണ്ടുമുതലേ ആകൃഷടയായിരുന്നുവെന്നും അങ്ങനെയാണ് ഡിസൈനിംഗിലേക്ക് തിരിഞ്ഞതെന്നും പൂര്ണിമ മുന്പ് വ്യക്തമാക്കിയിരുന്നു. പ്രാണയെന്ന ബ്രാന്ഡ് സെലിബ്രിറ്റികള്ക്കും സാധാരണക്കാര്ക്കും ഒരേപോലെ പ്രിയപ്പെട്ടതാണ്. സുഹൃത്തുക്കളെല്ലാം പൂര്ണിമയുടെ കരവിരുതിനെക്കുറിച്ച് വാചാലരായെത്താറുണ്ട്.
മക്കളായ പ്രാര്ത്ഥനയും നക്ഷത്രയും അമ്മയുടെ ഫാഷന് പരീക്ഷണങ്ങളിലെ വ്യത്യസ്തതയെ അഭിനന്ദിച്ച് എത്താറുണ്ട്. ചെറുപ്രായത്തില് തന്നെ അമ്മയായതിനാല് മകളും ഞാനും ഒന്നിച്ചാണ് വളര്ന്നതെന്നും പൂര്ണിമ പറയാറുണ്ട്. അച്ഛനും അമ്മയ്ക്കും പിന്നാലെയായി മക്കളും സിനിമയില് അരങ്ങേറിയിരുന്നു.
പ്രാര്ത്ഥന പാടിത്തിളങ്ങിയപ്പോള് നക്ഷത്ര അഭിനയത്തിലായിരുന്നു താല്പര്യം പ്രകടിപ്പിച്ചത്. മോഹന്ലാല് എന്ന ചിത്രത്തിലെ ലാലേട്ടാ എന്ന ഗാനം ഏറെ ശ്രദ്ധിക്കപ്പെട്ടിരുന്നു. അവരവരുടെ കരിയര് തീരുമാനിക്കാന് മക്കള്ക്ക് സ്വാതന്ത്ര്യമുണ്ടെന്ന് ഇരുവരും പറഞ്ഞിരുന്നു.
ഇന്ദ്രന് ചെറുപ്പമായിരിക്കുമ്പോള്ത്തന്നെ മോള് എസ്എസ്എല്സിയൊക്കെ കഴിഞ്ഞത് വലിയ ഭാഗ്യമാണ്, ഇത്രയും വലിയ മകളുണ്ടോയെന്ന തരത്തില് ഇന്ദ്രനെക്കുറിച്ച് ആളുകള് ആശ്ചര്യപ്പെടുന്നത് കണ്ടിട്ടുണ്ട്. അക്കാര്യത്തില് തനിക്ക് ചേട്ടനോട് അസൂയ തോന്നിയിട്ടുണ്ടെന്ന് പൃഥ്വിരാജ് തുറന്ന് സമ്മതിച്ചിരുന്നു. സോഷ്യല്മീഡിയയില് വളരെ സജീവമാണ് പൂര്ണിമ.
താരത്തിന്റെ പുത്തന് ഫോട്ടോകളാണ് ആരാധകര്ക്കിടയില് തരംഗം ആകുന്നത്. സ്റ്റൈലിഷ് സ്ലീവ് ലെസ് ടോപ്പും ജീന്സ് ഷോര്ട്സും ആണ് താരത്തിന്റെ വേഷം. വളരെ ബോള്ഡ് ആയാണ് ഇപ്പോള് താരം ഫോട്ടോകളില് പ്രത്യക്ഷപ്പെട്ടിരിക്കുന്നത്. നിരവധി പേരാണ് താരത്തിന്റെ കടല്ത്തീരത്തുള്ള ഈ ചിത്രങ്ങള്ക്ക് കമന്റുകളുമായെത്തിയത്.