amrutha
മലയാളത്തിന്റെ പ്രിയങ്കരിയായ നടി എസ്തർ അനിൽ ഇൻസ്റ്റഗ്രാമിൽ പങ്കുവെച്ച പുതിയ സെൽഫിയാണ് ചർച്ചയായി മാറിയിരിക്കുന്നത്. ഒരു ശരാശരി അമ്മാവൻറെ ഫേസ്ബുക്ക് അമ്മാവൻറെ ഡിപി എന്ന കുറിപ്പോടുകൂടിയായിരുന്നു താരം ചിത്രം പങ്കുവെച്ചത്. ഈ ചിത്രങ്ങൾക്കൊപ്പം തന്നെ താരം ബംഗളൂരു ജീവിതത്തിലെ ചില സന്തോഷം നിമിഷങ്ങളും പോസ്റ്റ് ചെയ്തിട്ടുണ്ട്. പോസ്റ്റ് പങ്കുവെച്ച് പിന്നാലെ തന്നെ നിരവധി കമന്റുകളും വന്നു.
രൂക്ഷമായ വിമർശനങ്ങൾ ആണ് കൂടുതൽ പേരും വിരൽ ചൂണ്ടിയത്. കുട്ടി ഉദ്ദേശിച്ചത് തമാശയാണെങ്കിലും അങ്ങനെ തോന്നിയിട്ടില്ലെന്നും ആദ്യമായി ഫോൺ ഉപയോഗിക്കുന്നവർക്ക് സെൽഫി വേണ്ടവിധത്തിൽ എടുക്കാൻ അറിയില്ലായിരിക്കും നാളെ കുട്ടിക്കും വയസ്സായി അപ്പോഴേ ടെക്നോളജി മുന്നിൽ വരുമ്പോൾ കാര്യം മനസ്സിലാകുമെന്ന് വിമർശകർ അഭിപ്രായപ്പെട്ടു.
ജീതു ജോസഫ് സംവിധാനം ചെയ്തു മോഹൻലാൽ പ്രധാന കഥാപാത്രമായ ദൃശ്യം ചിത്രത്തിലെ മോഹൻലാലിൻറെ മകളുടെ വേഷത്തിൽ എത്തിയാണ് താരം പ്രേക്ഷകർക്ക് പ്രിയങ്കരിയായത്. പിന്നീട് ദൃശ്യത്തിന്റെ തമിഴ് തെലുങ്ക് പതിപ്പുകളിലും നടി അഭിനയിച്ചിരുന്നു.മലയാളത്തിൽ ഉൾപ്പെടെ നിരവധി ചിത്രങ്ങളിലും താരം ശ്രദ്ധ നേടിയെടുത്തിരുന്നു.
ബാലതാരം ആയാണ് താരം അഭിനയരംഗത്ത് സജീവമാകുന്നത്. നിരവധി ചിത്രങ്ങളിൽ ബാലതാരമായി വേഷമിട്ടിട്ടുണ്ട്. ഇപ്പോൾ മലയാളത്തിലും അന്യഭാഷയിലും തിരക്കുള്ള നടിമാരിൽ ഒരാൾ ആകാൻ താരത്തിന് സാധിക്കുന്നുണ്ട്.
