13 വർഷങ്ങൾക്ക് ശേഷം അദ്ദേഹമെന്നെ ഓർത്തെടുത്തു,  മഞ്ജുവാര്യരോട് എന്നെക്കുറിച്ച് അന്വേഷിച്ചു:  ഭാവന

നീണ്ടനാളത്തെ ഇടവേളയ്ക്ക് ശേഷം അഭിനയരംഗത്ത് സജീവമാവുകയാണ് നടി ഭാവന. മലയാളത്തിലും അന്യഭാഷയിലുമായി തിരക്കുള്ള നടിയായ ഭാവനയുടെ ഗംഭീര തിരിച്ചുവരവിന് വേണ്ടി ആരാധകരും കാത്തിരിപ്പിലാണ്. മലയാളത്തിനു പുറമേ തെലുങ്കിലും തമിഴിലും  സൂപ്പർതാരങ്ങൾക്കൊപ്പം അഭിനയിച്ച നടിക്ക് നിരവധി ആരാധകരാണ് ഉള്ളത്.ഡോർ എന്ന ചിത്രവുമായി താരം നീണ്ട ഇടവേളക്ക് ശേഷം തമിഴ് സിനിമ ലോകത്തേക്ക് തിരിച്ചെത്തുകയാണ്.

ഈയടുത്ത് നൽകിയ ഒരു അഭിമുഖത്തിൽ താരം സൂപ്പർ താരം അജിത്തിനെ കുറിച്ച് മനസ്സ് തുറന്നിരുന്നു. 13 വർഷങ്ങൾക്ക് ശേഷം അദ്ദേഹം തന്നെ ഓർക്കുന്നു എന്നതിൽ അഭിമാനം തോന്നുന്നു എന്നായിരുന്നു ഭാവന പറഞ്ഞത്. 2010ൽ അഭിനയിച്ച അസ്സൽ ആയിരുന്നു ഭാവനയുടെ തമിഴിൽ പുറത്തുവന്ന ഏറ്റവും ഒടുവിലത്തെ ചിത്രം.ഈ സിനിമയ്ക്ക് ശേഷം കൂടുതലും മലയാളം കന്നട ചിത്രങ്ങളിൽ അഭിനയിക്കാൻ തുടങ്ങിയിരുന്നു.

തമിഴിൽ നല്ലൊരു വേഷത്തിനു വേണ്ടി താൻ കാത്തിരിക്കുകയാണ് എന്നും ഈ ഇടവേള ഒരിക്കലും മനപ്പൂർവം ആയിരുന്നില്ല എന്നും ഭാവന പറഞ്ഞു. അസ്സൽ എന്ന ചിത്രത്തിൻറെ ഷൂട്ടിംഗ് ദിവസങ്ങൾ മറക്കാനാവുന്നതല്ലെന്നും ചിത്രത്തിൻറെ മലേഷ്യ ഷെഡ്യൂളിൽ ആയിരുന്നു തൻറെ ഭാഗങ്ങളിൽ നിന്നും എല്ലാവരെയും സ്നേഹത്തോടെ കാണുന്ന ആളാണ് അജിത്ത് എന്നും ഭാവന കൂട്ടിച്ചേർത്തു.

കൂടാതെ മഞ്ജുവാര്യരോട് അജിത്ത് തൻറെ കാര്യം ചോദിച്ചതായും പിന്നീട് ചെന്നൈയിൽ വച്ച് ഒരിക്കൽ അജിത്ത് സാറിനെ നേരിട്ട് കണ്ടുവെന്നും ഒരുപാട് സംസാരിച്ചിരുന്നുവെന്നും ഒരുമിച്ച് ഭക്ഷണം കഴിച്ചു എന്നും താരം അഭിമുഖത്തിലൂടെ പറഞ്ഞു.