ബാലയ്യയുടെ കാല് തൊട്ട് അനുഗ്രഹം വാങ്ങി നടി ഹണി റോസ്, സ്നേഹ ചുംബനം നൽകി ബാലയ്യ: വീഡിയോ കാണാം

തെലുങ്കിൽ ഏറെ ആരാധകരുള്ള നന്ദ മൂരി ബാലകൃഷ്ണയുടെ ഏറ്റവും പുതിയ ചിത്രമാണ് വീരസിംഹ റെഡി. സൂപ്പർ ഹിറ്റ് ആയി മാറിയ ചിത്രത്തിൽ നായികയായി എത്തിയത് മലയാളി താരം ഹണി റോസ് ആയിരുന്നു. ഈ ചിത്രത്തിലെ മികച്ച പ്രകടനത്തോടെ തെലുങ്ക് പ്രേക്ഷകരുടെ ശ്രദ്ധ നേടാൻ കഴിഞ്ഞ താരം ഇപ്പോൾ തെലുങ്കിന്റെ സ്വന്തം പുത്രിയായി മാറിയിരിക്കുകയാണ്. ശ്രുതിഹാസനും ചിത്രത്തിൽ ഒരു പ്രധാന വേഷത്തിൽ പ്രത്യക്ഷപ്പെടുന്നുണ്ട്.

ബാലകൃഷ്ണ ഇരട്ട വേഷത്തിൽ എത്തിയ ചിത്രത്തിൽ വരലക്ഷ്മി ശരത്കുമാർ, ലാൽ, ദുനിയാ വിജയ് തുടങ്ങിയവരും കഥാപാത്രങ്ങളെ അവതരിപ്പിക്കുന്നു. മൈത്രി മൂവി മേക്കേഴ്സ് ആണ് വീരസിംഹ റെഡി എന്ന ചിത്രം നിർമ്മിച്ചിരിക്കുന്നത്. ചിത്രത്തിൻറെ വിജയത്തോടനുബന്ധിച്ച് ഉള്ള ഹണിറോസും ബാലകൃഷ്ണയും ഒന്നിച്ചുള്ള ചിത്രങ്ങൾ ഇപ്പോൾ സോഷ്യൽ മീഡിയയിൽ നിറഞ്ഞു കൊണ്ടിരിക്കുകയാണ്. ചിത്രത്തിൻറെ വിജയാഘോഷങ്ങളുടെ ഭാഗമായി നടന്ന ചടങ്ങിലെ ചിത്രങ്ങളാണ് സോഷ്യൽ മീഡിയയിൽ പ്രചരിക്കുന്നത്.

ചടങ്ങിനോടനുബന്ധിച്ച് ഹണി റോസിന് ഒരു മൊമെന്റോ നൽകിയിരുന്നു. ബാലകൃഷ്ണയായിരുന്നു നൽകിയത്. ഇത് ഏറ്റുവാങ്ങുന്ന സമയത്ത് ഹണി ബാലകൃഷ്ണയുടെ കാല്ത്തൊട്ട് വന്ദിക്കുന്ന ചിത്രമാണ് സോഷ്യൽ മീഡിയയിൽ പ്രചരിച്ചു കൊണ്ടിരിക്കുന്നത്. ഹണി കാൽ തൊട്ട് വന്ദിച്ചതിന് പിന്നാലെ ബാലകൃഷ്ണ ഹണിയെ കെട്ടിപ്പിടിച്ച് കവിളിൽ മുത്തം നൽകുന്ന ചിത്രമാണ് വലിയതോതിൽ ആളുകൾ ഏറ്റെടുത്തിരിക്കുന്നത്. വിമർശനങ്ങളും പരിഹാസങ്ങളും നിരവധിയാണ് ഈ ചിത്രങ്ങൾക്ക് താഴെ ഉയർന്നുകൊണ്ടിരിക്കുന്നത്.

എന്നിരുന്നാൽ പോലും താരങ്ങൾ ഇതുവരെ അതിനോട് പ്രതികരിച്ച് രംഗത്തെത്തിയിട്ടില്ല. ഇപ്പോൾ പുറത്തു വരുന്ന റിപ്പോർട്ടുകൾ പ്രകാരം ബാലകൃഷ്ണയുടെ അടുത്ത ചിത്രത്തിലെ നായികയായും പ്രത്യക്ഷപ്പെടുന്നത് ഹണി ആകും എന്നാണ്. ഹണി റോസും ബാലകൃഷ്ണയും വീണ്ടും ഒന്നിക്കുന്ന ചിത്രം അനിൽ രവിയാകും സംവിധാനം ചെയ്യുക. തെലുങ്കിൽ വലിയൊരു ഭാവിയുള്ള നടിയാണ് ഹണി എന്ന് ബാലകൃഷ്ണ മുൻപ് വ്യക്തമാക്കിയിരുന്നു. ഹണി റോസിന്റെ മൂന്നാമത്തെ തെലുങ്ക് ചിത്രമാണ് വീരസിംഹ റെഡി. മീനാക്ഷി എന്ന കഥാപാത്രത്തെയാണ് ചിത്രത്തിൽ ഹണി അവതരിപ്പിച്ചത്.

വിനയൻ സംവിധാനം ചെയ്ത മണിക്കുട്ടൻ നായകനായി എത്തിയ ബോയ്ഫ്രണ്ട് എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന താരമാണ് ഹണി റോസ്. ആദ്യ ചിത്രത്തിന് ശേഷം അഭിനയരംഗത്ത് നിന്ന് ഒരു താൽക്കാലിക ഇടവേളയെടുത്ത താരം പിന്നീട് തൻറെ രണ്ടാം തിരിച്ചുവരവിൽ മലയാളത്തിലെ മുൻനിര താരങ്ങൾക്കൊപ്പം എല്ലാം അഭിനയിക്കുകയുണ്ടായി.

മോഹൻലാൽ, മമ്മൂട്ടി, ജയറാം തുടങ്ങിയ മലയാള സിനിമയുടെ പ്രമുഖ താരങ്ങൾക്കൊപ്പം എല്ലാം അഭിനയിച്ച് മോളിവുഡ് സിനിമ ഇൻഡസ്ട്രിയിൽ തന്റേതായ ഒരു സ്ഥാനം നേടിയെടുക്കുവാൻ ഹണിക്ക് സാധിച്ചിരുന്നു. ഇതിന് പിന്നാലെയാണ് ഇപ്പോൾ താരം അന്യഭാഷയിലേക്കും ചേക്കേറിയിരിക്കുന്നത്. പലപ്പോഴും താരത്തിന്റെ ചിത്രങ്ങൾക്കും വിശേഷങ്ങൾക്കും താഴെ വിമർശനങ്ങളും പരിഹാസങ്ങളും ട്രോളുകളും ഒക്കെയാണ് അധികവും ഉയരുന്നത്.