അരയ്ക്ക് താഴേക്ക് മരവിച്ചു എന്നാണ് അവർ കരുതിയത്, ഞാൻ അലറിവിളിച്ചു , ഉടൻ തന്നെ ഡോക്ടർമാർ ഓക്സിജൻ മാസ്കിലൂടെ മയങ്ങാനുള്ള അനസ്തേഷ്യ നൽകി; പ്രിയ നടി സംവൃതാ സുനിൽ തുറന്ന് പറയുന്നു

മലയാളികളുടെ എക്കാലത്തേയും പ്രിയപ്പെട്ട നായികമാരിൽ ഒരാളാണ് സംവൃത സുനിൽ. വിവാഹശേഷം അഭിനയരംഗത്തു നിന്ന് മാറി നിന്ന ശേഷം അഭിനയം തൻ്റെ പാഷനാണെന്ന് വ്യക്തമാക്കി നടി കുറച്ച് കാലത്തിന് ശേഷം സിനിമയിലേക്ക് മടങ്ങിയെത്തുകയും ചെയ്തിരുന്നു.

തുടർന്ന് കുറച്ചധികം മാസങ്ങളായി സംവൃത അഭിനയ രംഗത്ത് നിന്ന് വിട്ടു നിൽക്കുകയാണെങ്കിലും സംവൃതയോടുള്ള മലയാളികളുടെ ഇഷ്ടത്തിന് ഒരു കുറവുമുണ്ടായിട്ടില്ല. ഭർത്താവിനും മക്കൾക്കുമൊപ്പം അമേരിക്കയിൽ സ്ഥിരതാമസമാക്കിയിരിക്കുകയാണിപ്പോൾ സംവൃത. വെക്കേഷൻ ആഘോഷിക്കാൻ നാട്ടിൽ എത്തിയിരിക്കുകയാണ് താരം ഇപ്പോൾ.

തൻ്റെ വിശേഷങ്ങളെല്ലാം സംവൃത സോഷ്യൽ മീഡിയയിലൂടെ പങ്കുവയ്ക്കാറുണ്ട്. തൻ്റെ പഴയ സൌഹൃദങ്ങളൊക്കെ പൊടി തട്ടിയെടുക്കുകയാണ് നടിയിപ്പോൾ. ഇതിൻ്റെ ചിത്രങ്ങളൊക്കെ ഇപ്പോൾ സോഷ്യൽ മീഡിയയിൽ വൈറലുമാണ്. ഇപ്പോഴിതാ സംവൃത മുൻപൊരിക്കൽ തൻ്റെ ഡെലിവറി സർജറിയെ കുറിച്ച് പറഞ്ഞ വാക്കുകളാണ് തരംഗമായി മാറുന്നത്.

ലാൽ ജോസ് സംവിധാനം ചെയ്ത രസികൻ എന്ന ചിത്രമായിരുന്നു സംവൃതയുടെ ആദ്യ ചിത്രം. ദിലീപ് ചിത്രത്തിലൂടെയായിരുന്നു സംവൃതയുടെ അരങ്ങേറ്റം. പിന്നീട് ഒരുപിടി നല്ല സിനിമകളുടെ ഭാഗമായി. പിന്നീട് വിവാഹശേഷം സിനിമയിൽ നിന്നും ഇടവേള എടുത്തു ആറു വർഷത്തെ ഇടവേളയ്ക്കു ശേഷമായിരുന്നു സംവൃത ടെലിവിഷനിലൂടെ പ്രേക്ഷകരിലേക്ക് മടങ്ങിയെത്തിയത്.

ബിജു മേനോൻ നായകനായിരുന്ന സത്യം പറഞ്ഞാൽ വിശ്വസിക്കുമോ എന്ന ചിത്രത്തിലൂടെയായിരുന്നു സംവൃത വീണ്ടും മലയാളത്തിലേക്ക് തിരിച്ചെത്തിയത്. അതിനുശേഷം വീണ്ടും സംവൃത ഒരു ഇടവേള എടുക്കുകയായിരുന്നു. മഴവിൽ മനോരമയിലെ റിയാലിറ്റി ഷോയുടെ ജഡ്ജ് ആയി എത്തിയ സംവൃതയേ മലയാളി പ്രേക്ഷകർ ഇരുകൈയും നീട്ടി സ്വീകരിച്ചിരിക്കുകയായിരുന്നു.

ലാൽജോസും കുഞ്ചാക്കോ ബോബനും വിധികർത്താക്കളായി എത്തിയ ഷോയിൽ സംവൃതയും ജഡ്ജായിരുന്നു. പരിപാടിയിലെ മത്സരാർഥികളുടെ അസാമാന്യമായ പ്രകടനം ജഡ്‌ജസിനെ ഒക്കെ ഞെട്ടിക്കുകയായിരുന്നു. ഷോയിൽ തിളങ്ങിയ പല മത്സരാർത്ഥികളും ഇന്ന് മലയാള സിനിമയിലെ ശ്രദ്ധേയ സാന്നിധ്യമായി മാറിയിട്ടുമുണ്ട്.

ഷോയിൽ ഒരു റൌണ്ടിൽ മത്സരാർത്ഥികളായിരുന്ന തേജസ്സും മാളവികയും പെർഫോം ചെയ്യാൻ എത്തിയപ്പോൾ ആദ്യത്തെ ഊഴം തേജസ്സിനായിരുന്നു, പിന്നീട് മാളവികയും പെർഫോം ചെയ്തു. സിസേറിയൻ ചെയ്യുന്ന രംഗങ്ങളായിരുന്നു മാളവിക അഭിനയിച്ചത്. അത് കണ്ടപ്പോൾ സിസേറിയൻ ഇത്ര നിസാരം ആണോ എന്ന് തോന്നിപ്പോകുന്നു എന്നായിരുന്നു ചാക്കോച്ചനും ലാൽ ജോസ്സും പറഞ്ഞത്.

അപ്പോഴാണ് സംവൃത സുനിൽ തൻ്റെ അനുഭവം പങ്കുവെച്ചത്. ഈ കാണുന്നതു പോലെ അത്ര നിസ്സാരം അല്ല സിസേറിയൻ എന്നാണ് സംവൃത പറഞ്ഞത്. അവസാന നിമിഷമാണ് തൻ്റെ കാര്യത്തിൽ അത് തീരുമാനിച്ചതെന്നും സംവൃത പറഞ്ഞു. നേരത്തെ ഇഞ്ചക്ഷൻ നൽകിയിരുന്നു.

അതുകൊണ്ടു തന്നെ ഞാൻ മരവിച്ച അവസ്ഥയിൽ ആയിരിക്കും എന്നാണ് ഡോക്ടർമാർ കരുതിയത്. എന്നാൽ തുടങ്ങിയപ്പോഴാണ് താൻ അലറിവിളിച്ചത് എന്നും അതോടെ ഓക്സിജൻ മാസ്ക് വഴി അനസ്തേഷ്യ നൽകുകയായിരുന്നുവെന്നും സംവൃത പറഞ്ഞു. മാളവികയുടെ പെർഫോമൻസിൽ കണ്ടതു പോലെ അത്ര എളുപ്പമുള്ള കാര്യമല്ല സിസേറിയൻ എന്നും സംവൃത പറയുന്നുണ്ടായിരുന്നു.

സോഷ്യൽമീഡിയയിലും സജീവ സാന്നിധ്യമായ സംവൃത തൻ്റെ വിശേഷങ്ങളൊക്കെ ആരാധകർക്ക് മുൻപിലേക്ക് സംവൃത എത്തിക്കാറുണ്ട്. നിരവധി ആരാധകരാണ് സംവൃതയുടെ വിശേഷങ്ങൾക്ക് വേണ്ടി കാത്തിരിക്കുന്നത്. കുടുംബത്തോടൊപ്പം അവധി ആഘോഷിക്കാൻ നാട്ടിലെത്തിയിരിക്കുകയാണ് സംവൃതയിപ്പോൾ. തന്റെ സുഹൃത്തുക്കളെ കാണാനും സംവൃത സമയം ചെലവഴിക്കുകയാണിപ്പോൾ.