admin 
മലയാള സിനിമയിലൂടെ എത്തി തെന്നിന്ത്യയില്‍ വെന്നിക്കൊടി പാറിച്ച നടിയാണ് നയന്‍താര. തെന്നിന്ത്യന്‍ സിനിമയിലെ ലേഡി സൂപ്പര്‍സ്റ്റാര്‍ എന്നാണ് നടി അറിയപ്പെടുപന്ന.് അവാര്‍ഡ് ദാന ചടങ്ങുകള്‍ പോലുള്ള ചില പൊതുപരിപാടികളിലല്ലാതെ അഭിമുഖങ്ങളിലും സിനിമ പ്രൊമോഷന്‍ പരിപാടികളിലും ഒന്നും നയന്‍താരയെ കാണാറില്ല. ഇപ്പോള്‍ അഭിമുഖങ്ങളും സിനിമ പ്രൊമോഷന്‍ പരിപാടികളുമൊക്കെ ഒഴിവാക്കാനുണ്ടായ കാരണത്തെ കുറിച്ച് തുറന്ന് പറഞ്ഞിരിക്കുകയാണ് നടി.
നയന്‍താരയുടെ വാക്കുകള്‍ ഇങ്ങനെ, ‘ആരംഭ കാലത്തില്‍ എന്നെ മാധ്യമങ്ങള്‍ വളരെ തെറ്റായി ചിത്രീകരിച്ചിട്ടുണ്ട്. അതിനാല്‍ നിറയെ പ്രശ്നങ്ങളും ഉണ്ടായിട്ടുണ്ട്. അഭിമുഖം വരുമ്പോള്‍ അതില്‍ എന്റെ വ്യക്തിപരമായ കാര്യങ്ങളെക്കുറിച്ച് ചോദ്യങ്ങള്‍ വരും. ഞാന്‍ ചിന്തിക്കുന്നതിനെ കുറിച്ചും പറയേണ്ടി വരും. എന്നാല്‍ എന്റെ പേഴ്സണല്‍ കാര്യങ്ങള്‍ എന്റേതായി മാത്രം ഇരിക്കണമെന്നതാണ് ആഗ്രഹം.
അതുപോലെ തന്നെ ഞാന്‍ ചിന്തിക്കുന്നത് എന്താണ് എന്നുള്ളത് ലോകം അറിയുന്നതില്‍ എനിക്ക് താല്പര്യമില്ല. അതുപോലെ സിനിമയെ സംബന്ധിച്ചാണെങ്കില്‍ എന്റെ ജോലി അഭിനയം മാത്രമാണ്. അതുകൊണ്ട് ഞാന്‍ അഭിനയിക്കുന്ന സിനിമകള്‍ മാത്രം സംസാര വിഷയം ആയാല്‍ മതിയെന്ന് വിചാരിക്കുന്ന ആളാണ് ഞാന്‍. അതു കൊണ്ടാണ് ഞാന്‍ മീഡിയ, പ്രൊമോഷന്‍ എന്നിവയില്‍ നിന്നെല്ലാം ഒഴിഞ്ഞു മാറി നില്‍ക്കുന്നത്’- നയന്‍താര പറഞ്ഞു.
എത്ര തിരക്കായാലും മലയാളത്തില്‍ സിനിമകള്‍ ചെയ്യാന്‍ സമയം കണ്ടെത്തുന്നത് എന്തുകൊണ്ടാണെന്ന ചോദ്യത്തിന് നമ്മള്‍ എത്ര വളര്‍ന്നു കഴിഞ്ഞാലും, നമ്മളുടെ മാതൃഭാഷയെ മറക്കുവാന്‍ പാടില്ലെന്നും അതുപോലെ തന്നെ ഒരു നടിയാക്കിയ മലയാള സിനിമയെ ഒരിക്കലും മറക്കില്ലെന്നുമായിരുന്നു നയന്‍താരയുടെ മറുപടി.
