മീനാക്ഷിക്ക് എപ്പോൾ വേണമെങ്കിലും എന്റെ അടുത്തേക്ക് വരാം ഞാൻ കാത്തുനിൽക്കുകയാണ് എന്ന് അടുത്ത ദിവസം കൂടി മഞ്ജു എന്നോട് പറഞ്ഞിട്ടുണ്ട്; ഭാഗ്യലക്ഷ്മി തുറന്നു പറയുന്നു

ആരാധകരെ ഞെട്ടിച്ച വിവാഹമോചനങ്ങളില്‍ ഒന്നായിരുന്നു നടന്‍ ദിലീപിന്റേയും നടി മഞ്ജുവാര്യരുടേയും.
ദിലീപും മഞ്ജു വാര്യരും വേര്‍പിരിഞ്ഞപ്പോള്‍ മകളായ മീനാക്ഷി അച്ഛനൊപ്പം പോവാനായിരുന്നു തീരുമാനിച്ചത്. ആ തീരുമാനം മഞ്ജുവും അംഗീകരിക്കുകയായിരുന്നു.

വിവാഹമോചനം കഴിഞ്ഞ് വര്‍ഷങ്ങളായെങ്കിലും അതിന് പിന്നിലെ കാരണങ്ങളെക്കുറിച്ചൊന്നും ഇരുവരും തുറന്നുപറഞ്ഞിരുന്നില്ല. മീനാക്ഷിയാണ് അന്ന് അമ്മയോടൊപ്പം പോവുന്നില്ലെന്ന് പറഞ്ഞതെന്ന് ഭാഗ്യലക്ഷ്മി പറയുന്നു. റിപ്പോര്‍ട്ടര്‍ ചാനലിനോട് സംസാരിക്കുന്നതിനിടയിലായിരുന്നു അവര്‍ ഇതേക്കുറിച്ച് പ്രതികരിച്ചത്.

മീനാക്ഷി ജനിച്ചപ്പോള്‍ മുതല്‍ കണ്ടിരുന്നത് ഒന്നും ചെയ്യാതെയിരിക്കുന്ന അമ്മയെയാണ്. അച്ഛനാവട്ടെ ആ സമയത്ത് വലിയ താരമായിരുന്നു. അച്ഛന് ലോകം മുഴുവനും ആരാധകനുണ്ടായിരുന്നു. അതിനാല്‍ത്തന്നെ അവളെ സംബന്ധിച്ച് അവളുടെ ഹീറോ അച്ഛനായിരുന്നു. പറയുന്ന കാര്യങ്ങളെല്ലാം സാധിപ്പിച്ച് കൊടുക്കുന്ന അച്ഛനായിരിക്കും അവളുടെ ഹീറോ. മഞ്ജു നേരത്തെ അഭിനയിച്ചിരുന്നുവെങ്കില്‍ ഒരുപക്ഷേ, മകള്‍ അമ്മയ്ക്കൊപ്പം പോയേനെ.

ആഗ്രഹങ്ങള്‍ സാധിപ്പിച്ച് കൊടുക്കുന്നത് ആരാണോ അവരായിരിക്കും ഹീറോ. മഞ്ജുവല്ല മകളെ കൂടെക്കൂട്ടാതിരുന്നത്. വരുന്നില്ലെന്ന കാര്യം മകള്‍ ഉറപ്പിച്ച് പറയുകയായിരുന്നു. അതേക്കുറിച്ച് എനിക്കറിയാം. മഞ്ജുവിന് കുഞ്ഞുങ്ങളെ ഇഷ്ടമല്ലെന്ന തരത്തില്‍ അഭിഭാഷകര്‍ ചൊല്ലിപ്പഠിപ്പിക്കുന്നത് കേള്‍ക്കുന്നതില്‍ അത്ഭുതമൊന്നും തോന്നുന്നില്ല.

സംഭവിച്ച കാര്യങ്ങളെക്കുറിച്ചെല്ലാം കാവ്യയ്ക്ക് അറിയാം. കാവ്യ അറിയാതെ ഒന്നും ചെയ്യില്ല. രണ്ട് സ്ത്രീകളുടെ ജീവിതമാണ് തകര്‍ന്നത്. ഇങ്ങനെയൊരു കാര്യത്തിന് കാവ്യ കൂട്ടുനില്‍ക്കാന്‍ പാടില്ലായിരുന്നു. കാവ്യയെ ഒരുപാടിഷ്ടമായിരുന്നു എനിക്ക്. ഇപ്പോള്‍ കാവ്യയോട് സഹതാപമൊന്നും തോന്നുന്നില്ല.

കാവ്യയ്ക്ക് ഇക്കാര്യത്തില്‍ നേരിട്ട് പങ്കുണ്ടോയെന്ന കാര്യത്തെക്കുറിച്ച് അറിയില്ലെന്നും ഭാഗ്യലക്ഷ്മി പറഞ്ഞു. തന്നെക്കുറിച്ച് പലതരത്തിലുള്ള കാര്യങ്ങള്‍ പ്രചരിപ്പിച്ചപ്പോഴും മഞ്ജു വാര്യര്‍ മൗനം പാലിക്കുകയായിരുന്നു. എനിക്കറിയാവുന്ന കാര്യങ്ങള്‍ ഞാന്‍ പറയുമെന്നും ഈ നിശബ്ദത പലരും മുതലെടുക്കുന്നുണ്ടെന്നും ഭാഗ്യലക്ഷ്മി മഞ്ജുവിനോട് പറഞ്ഞിരുന്നു.

ചേച്ചിക്ക് അറിയാവുന്നതല്ലേ, ചേച്ചി പറഞ്ഞോളൂയെന്നായിരുന്നു മഞ്ജു വാര്യര്‍ തന്നോട് പറഞ്ഞതെന്നും ഭാഗ്യലക്ഷ്മി വ്യക്തമാക്കിയിരുന്നു. അതേസമയം മീനാക്ഷിക്ക് എപ്പോള്‍ വേണമെങ്കിലും എന്റെ അടുത്തേക്ക് വരാം ഞാന്‍ കാത്തുനില്‍ക്കുകയാണ് എന്ന് അടുത്ത ദിവസം കൂടി മഞ്ജു എന്നോട് പറഞ്ഞിട്ടുണ്ടെന്നും ഭാഗ്യ ലക്ഷ്മി വ്യക്തമാക്കി.