Editor 3 
മലയാളികളുടെ പ്രിയപ്പെട്ട താരമാണ് ഭാഗ്യലക്ഷ്മി. ഡബ്ബിംഗ് ആര്ട്ടിസ്റ്റായും അഭിനേത്രിയായുമെല്ലാം പ്രേക്ഷകര്ക്ക് സുപരിചിതയാണ് ഭാഗ്യലക്ഷ്മി. ആര്ട്ടിസ്റ്റ് എന്നതിനപ്പുറത്തേയ്ക്ക് ആക്ടിവിസ്റ്റായും ഭാഗ്യലക്ഷ്മിയെ അടയാളപ്പെടുത്താം. സാമൂഹിക രാഷട്രീയ വിഷയങ്ങളിലെല്ലാം ഭാഗ്യ ലക്ഷ്മി ഇടപെട്ടിരുന്നു. സിനിമ, സീരിയല്, നാടകം എന്നീ മേഘലകളിലെല്ലാം ശബ്ദമായും രൂപമായുമെല്ലാം ഭാഗ്യലക്ഷ്മി എത്തി.
പിന്നീട് ഭാഗ്യലക്ഷ്മി ചര്ച്ചയായത് ബിഗ് ബോസിലൂടയാണ്. ബിഗ് ബോസ് തന്റെ ജീവിതത്തിലെ മറ്റൊരു പാഠമായിരുന്നു. ഞാന് വിചാരിച്ച്ത് പോലെയായിരുന്നില്ല അത്. മയിൻ്റ് ഗെയിമാണ് അവിടെ.
എനിക്ക് പറ്റിയിരുന്നില്ല. പലപ്പോഴും അതില് നിന്ന് പുറത്തുപോകാന് വരെ ആഗ്രഹിച്ചിട്ടുണ്ടെന്നാണ് ഭാഗ്യ ലക്ഷ്മി പറയുന്നത്. ബിഹൈന്ഡ്വുഡ്സിന് നല്കിയ അഭിമുഖത്തിലാണ് ഭാഗ്യലക്ഷ്മി മനസ് തുറന്നത്.
മലയാളികള്ക്ക എന്നെ അത്ര ഇഷ്ടമല്ല. കാരണം സംസാരിക്കുന്ന പെണ്ണിനെ ഇവിടെ ആര്ക്കും അത്ര ഇഷ്ടമല്ല. ഞാന് സംസാരിക്കുകയും പ്രതികരിക്കുകയും ചെയ്യുന്ന ആളാണ്. ഞാന് എന്ചത് പറഞ്ഞാലും വന്ന് ചീത്തവിളിക്കുന്ന ആളുകളുണ്ട്. നല്ലത് പറഞ്ഞാലും ചീത്ത പറഞ്ഞാലും ഈ തെറിവിളികള് ഉണ്ടാകാറുണ്ട്.
ഈ ചീത്തവിളിക്കാന് ആളുകള്ക്കുള്ള വലിയ പ്ലാറ്റ്ഫോമാണ് സോഷ്യല് മീഡിയ. ഒരു യൂട്യൂബറെ തല്ലിയ സംഭവത്തില് വലിയ രീതിയിലുള്ള സോഷ്യല് മീഡിയ ആക്രമണങ്ങളാണ് നേരിട്ടത്. ആ സമയത്ത് സിനിമയും ഇല്ല. സാമ്പത്തികമായും നല്ല ബുദ്ധിമുട്ടുകള് അനുഭവിക്കുന്ന സമയത്താണ് ബിഗ് ബോസില് പങ്കെടുക്കാനായി ഓഫര് വരുന്നത്.
അത് വന്നപ്പോള് എന്റെ മക്കള് എന്നോട് പറഞ്ഞത് അമ്മ പോകണ്ട എന്നാണ്. കാരണം മറ്റൊന്നുമല്ല, അമ്മയ്ക്ക് അറിയില്ല ആ ഗെയിം എന്താണെന്ന്. പക്ഷേ ഞാന് അന്ന് പറഞ്ഞത് എല്ലാവരും കൂടി ഒരു വീട്ടില് താമസിക്കുന്നു, അത്രയല്ല ഉള്ളൂ എന്നാണ്. അവിടെയാണ് എനിക്ക് തെറ്റുപറ്റിയത്.
ബിഗ് ബോസ് ഞാന് വിചാരിച്ചത് പോലെ ഒരു ഗെയിം ആയിരുന്നില്ല. ഞാന് പൊതുവില് അത്ര ഒച്ചയും ബഹളവും ഉണ്ടാക്കാന് ഇഷ്ടപ്പെടുന്ന ആളല്ല. വീട്ടില് പോലും അപ്പുറത്തും ഇപ്പുറത്തും ഉള്ളവര് കേള്ക്കുമല്ലോ എന്ന് കരുതി പല വഴക്കുകളും നമ്മള് ഒഴിവാക്കുകയോ ഒച്ച ഉയര്ത്താതിരിക്കുകയോ ചെയ്യും.
ആ ഞാന് ബിഗ് ബോസിലേയ്ക്ക് ചെന്നപ്പോള് കാണുന്നത് എങ്ങോട്ട് തിരിഞ്ഞാലും ക്യാമറകളാണ്. അപ്പൊത്തന്നെ എനിക്ക് പേടിയായി നമ്മള് പറയുന്ന കാര്യങ്ങള് ഏത് രീതിയിലാകും എഡിറ്റ് ചെയ്ത് സമൂഹത്തിന് മുന്നിലേയ്ക്ക് എത്തിക്കുക എന്നറിയില്ല.
പൊതുസമൂഹത്തിലും സമൂഹമാധ്യമത്തിലും എനിക്കെതിരെ വലിയ ചര്ച്ചകളാണ് നടന്ന് കൊണ്ടിരുന്നത്. അതുകൊണ്ട് തന്നെ എനിക്ക് ഉറപ്പായിരുന്നു എന്നെക്കുറിച്ച് വളരെ മോശം കാര്യങ്ങളാകും പുറത്തേയ്ക്ക് പോകുക എന്ന്. കാരണം യൂട്യൂബറുടെ വിഷയമൊക്കെ കത്തി നിന്ന സമയം തന്നെയായിരുന്നല്ലോ.
ഇതൊക്കെ ആലോചിച്ച് വല്ലാത്ത പേടിയാണ് ഉണ്ടായത്. ബിഗ് ബോസില് നമുക്ക് ഒന്നും ഒളിയ്ക്കാനും മറയ്ക്കാനും സാധിക്കില്ല. കാരണം എല്ലായിടത്തും ക്യാമറയായിരുന്നല്ലോ. അവിടെയാകെയുള്ളത് ടാസ്ക്കുകളാണ്. അതാണ് ഒരു എന്റെര്ടെയിന്മെന്റ്.
നമ്മള് ഈ നിരന്തരം സംസാരിക്കുകയും അഭിപ്രായം പറയുകയും ചെയ്യുന്ന ആളുകളായതുകൊണ്ട് അത് ചെയ്യാതിരിക്കുമ്പോള് വല്ലാത്ത ബുദ്ധിമുട്ട് തോന്നും ബിഗ് ബോസില് ആകെ ഒളിച്ചിരിക്കാനുള്ള സ്ഥലം ബാത്ത്റൂമാണ്.
അതിലും കുറച്ച് സമയം കഴിയുമ്പോള് ബിഗ് ബോസിന്റെ ശബ്ദം വരും, ഭാഗ്യലക്ഷ്മി എന്ന് പറഞ്ഞ്. അവിടെ നമ്മള് അധ്വാനിച്ചാല് മാത്രമേ ഭക്ഷണം പോലും കിട്ടൂ. എല്ലാദിവസവും രാവിലെ എണീക്കുമ്പോള് എന്റെ ചിന്ത ഇവിടെ എന്താണ് സംഭവിക്കുക എന്നാണ്.
ആരൊക്കെ തമ്മിലാണ് ഇന്ന് വഴക്കുണ്ടാകാന് പോകുന്നത് എന്നൊരു ഭയം എന്നും ഉള്ളിലുണ്ടാകും. അവിടെ നമ്മളെപ്പോഴും ശ്രദ്ധിച്ച് വേണം ഇരിക്കാന് അത് വളരെ ബുദ്ധിമുട്ടുള്ള കാര്യമാണെന്നും ഭാഗ്യലക്ഷ്മി പറയുന്നു.
