in , ,

വിവാഹം ഹിന്ദു ക്രിസ്ത്യന്‍ രീതിയില്‍, അടുത്തമാസം തന്റെ വിവാഹമെന്ന് എലീന പടിക്കല്‍

alina padikkal

മിനിസ്‌ക്രീന്‍ താരങ്ങളായ മൃദുലയും യുവകൃഷ്ണയും ഇന്നലെ വിവാഹിതരായി. ഏറെ നാളുകള്‍ക്ക് ശേഷമാണ് ആരാധകര്‍ കാത്തിരുന്ന വിവാഹം നടന്നത്. കോവിഡ് പ്രതിസന്ധികളെ തുടര്‍ന്ന് അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്‍ പങ്കെടുത്തത്. നടിയും അവതാരകയും ബിഗ് ബോസ് താരവുമായ എലീന പടിക്കലും മൃദ്വാ വിവാഹത്തിനെത്തിയിരുന്നു. പ്രിയപ്പെട്ടവരുടെ വിവാഹത്തെ കുറിച്ച് സൂചിപ്പിച്ച് എലീന സ്വന്തം വിവാഹം അടുത്ത മാസം നടക്കാന്‍ പോവുകയാണെന്ന സന്തോഷവും ആരാധകരോടായി പങ്കുവെച്ചിരിക്കുകയാണ്.

മൃദുലയുടെയും യുവച്ചേട്ടന്റെയും കല്യാണത്തിന് ഒരുപാട് കാത്തിരുന്നതാണ്. അതില്‍ ഒരുപാട് സന്തോഷമുണ്ട്. മറ്റൊരു കാര്യം എന്റെ എന്‍ഗേജ്‌മെന്റ് നടന്ന അതേ സ്ഥലത്ത് വെച്ചാണ് ഇവരുടെ വിവാഹം നടത്തി എന്നതാണ്. അതിലൊരു പ്രത്യേക അനുഭൂതിയാണ് എനിക്കുള്ളത്. മൃദുലയ്ക്കും യുവച്ചേട്ടനും എല്ലാവിധ ആശംസകളും നേരുന്നു. ഒപ്പം തന്നെ ഒരു കാര്യം കൂടി പറയുകയാണ്. നിങ്ങളെല്ലാവരെയും ഒരുതവണ ഇവിടെ വെച്ച് ഞാന്‍ കണ്ടതാണ്. ഇനിയും നിങ്ങളെ പ്രതീക്ഷിക്കുകയാണ്.

ഓഗസ്റ്റിലാണ് തന്റെ വിവാഹം. കോഴിക്കോട് വെച്ചാണ് ചടങ്ങുകള്‍ നടക്കുന്നത്. വിവാഹ തീയ്യതിയും മറ്റു വിവരങ്ങളുമൊക്കെ വൈകാതെ തന്നെ കൃത്യമായി എല്ലാവരെയും അറിയിക്കുന്നതാണ്. ഒരുപാട് നന്ദിയുണ്ട്. നിങ്ങള്‍ തന്ന ഹെല്‍പ്പിനും നിങ്ങളെല്ലാവരും മൃദുലയെയും യുവയെയും സ്‌നേഹിക്കുന്നത് പോലെ തന്നെ ഞങ്ങളെയും സ്‌നഹിക്കുക. എല്ലാവര്‍ക്കും ആശംസകള്‍.-എലീന പറഞ്ഞു.

ജനുവരിയില്‍ ആയിരുന്നു എലീനയും കോഴിക്കോട് സ്വദേശിയായ രോഹിത്തും തമ്മിലുള്ള വിവാഹ നിശ്ചയം നടന്നത്. വര്‍ഷങ്ങളായി പ്രണയത്തിലായിരുന്നു ഇരുവരും. ഇന്റര്‍കാസ്റ്റ് വിവാഹമായതിനാല്‍ ആദ്യം വീട്ടുകാരുടെ എതിര്‍പ്പുണ്ടായിരുന്നു. അതുകൊണ്ടാണ് വിവാഹം ഇത്രയും നീണ്ട് പോയതെന്ന് മുന്‍പ് എലീന പറഞ്ഞിട്ടുണ്ട്. ബിഗ് ബോസ് മലയാളത്തിന്റെ രണ്ടാം സീസണില്‍ പങ്കെടുത്തപ്പോഴാണ് പ്രണയത്തെ കുറിച്ച് ആദ്യം എലീന വെളിപ്പെടുത്തിയത്.

ഒളിച്ചോടി വിവാഹം കഴിക്കാന്‍ താല്‍പര്യമില്ല. വീട്ടുകാരുടെ സമ്മതത്തോടെ മാത്രമേ താന്‍ വിവാഹം കഴിക്കുകയുള്ളു എന്നും എലീന പറഞ്ഞിരുന്നു. ഒടുവില്‍ ഇരു വീട്ടുകാരും സമ്മതം മൂളിയതോടെയാണ് ജനുവരിയില്‍ വിവാഹനിശ്ചയം നടത്തിയത്. ഹിന്ദു-ക്രിസ്ത്യന്‍ രീതികളിലായാണ് വിവാഹം നടത്തുന്നത്. രാവിലെ ഹിന്ദു ആചാരപ്രകാരവും വൈകിട്ട് ക്രിസ്ത്യന്‍ ആചാരപ്രകാരവുമായിരിക്കും ചടങ്ങുകള്‍.

Written by admin

Leave a Reply

Your email address will not be published. Required fields are marked *

mohanlal with shobhana

ഒരു കാര്യത്തിൽ മാത്രം മഞ്ജുവിനെ കാളും ഇഷ്ട്ടം ശോഭനയെ… വെളിപ്പെടുത്തി മോഹൻലാൽ… !!!!!

shantha kumari

ഞാനൊരു തെറ്റും ചെയ്തിട്ടില്ല, ആരേയും ദ്രോഹിച്ചിട്ടില്ല എന്നിട്ടും എന്തിന് ഇങ്ങനെ ചെയ്തു എന്നറിയില്ല, ശാന്തകുമാരി