വെറുതെ അല്ല ലേഡി മമ്മൂട്ടി എന്ന് മായയെ വിളിക്കുന്നത്, വർഷം കഴിയും തോറും പ്രായം കുറയുവാണല്ലോ എന്ന് ആരാധകർ

ഒരുകാലത്ത് സിനിമയിലും സീരിയലിലുമൊക്കെയായി തിളങ്ങിയ താരമാണ് മായ വിശ്വനാഥ്. നായികയായും താരം തിളങ്ങിയിരുന്നു. ഇടക്കാലത്ത് താരം അഭിനയലോകത്തുനിന്നും അപ്രത്യക്ഷമാവുകയായിരുന്നു. മായയുടെ പുതുപുത്തന്‍ ലുക്കിലുള്ള ചിത്രങ്ങള്‍ അടുത്തിടെ വൈറലായതോടെയാണ് താരത്തെക്കുറിച്ചുള്ള ചര്‍ച്ചകള്‍ വീണ്ടും സജീവമായത്. കരിയറിലെ മികച്ച കഥാപാത്രത്തിനായുള്ള കാത്തിരിപ്പിലാണെന്ന് താരം പറയുന്നു.

ബി ഉണ്ണിക്കൃഷ്ണന്‍ മോഹന്‍ലാല്‍ കൂട്ടുകെട്ടിലൊരുങ്ങുന്ന ചിത്രമായ ആറാട്ടില്‍ മായയും അഭിനയിച്ചിട്ടുണ്ട്. വന്‍താരങ്ങളുള്ള മാസ് ചിത്രമാണ് ആറാട്ട്. മോഹന്‍ലാലിന്റെ അഭിനയത്തിലെ സകല കഴിവുകളും പുറത്തെടുക്കുന്ന ചിത്രം കൂടിയാണ് ആറാട്ട്. മറ്റുള്ളവരോട് എങ്ങനെയാണ് പെരുമാറേണ്ടതെന്നത് മോഹന്‍ലാലിനെ കണ്ടുപഠിക്കണം. ആരാധനയും ഇഷ്ടവുമൊക്കെയുണ്ടെന്ന് അദ്ദേഹത്തോട് നേരിട്ട് പറഞ്ഞിട്ടുണ്ട്. എല്ലാവരോടും ഒരേ രീതിയിലാണ് അദ്ദേഹം പെരുമാറാറുള്ളത്. വിളിച്ചിട്ട് ഫോണ്‍ എടുക്കാന്‍ പറ്റിയില്ലെങ്കില്‍ അദ്ദേഹം പിന്നീട് സോറി പറയാറുണ്ട്. വ്യക്തിയെന്ന നിലയിലും ഏറ്റവും നല്ലയാളാണ് അദ്ദേഹം.

തിരുവനന്തപുരത്ത് ജഗതിയിലാണ് മായയുടെ വീട്. പപ്പയും അമ്മയും ചേച്ചിയുടെ മകനുമാണ് വീട്ടിലുള്ളത്. 2018ലെ പ്രളയത്തില്‍ വന്നുകയറിയൊരു നായയുണ്ട്. അതിനോട് നല്ല അടുപ്പമാണ്. തന്റെ ജീവിതത്തിലെ റോള്‍ മോഡല്‍സ് പപ്പയും അമ്മയുമാണെന്നും മായ പറയുന്നു. വീട്ടിലിരിക്കുന്നതൊന്നും ബുദ്ധിമുട്ടായി തോന്നയിട്ടേയില്ല. ലോക് ഡൗണ്‍ സമയത്ത് വായനയിലും ശ്രദ്ധ കേന്ദ്രീകരിച്ചിരുന്നു. സോഷ്യല്‍ മീഡിയയില്‍ അക്കൗണ്ടുകളൊന്നുമില്ലായിരുന്നു. അടുത്തിടെ ചേച്ചിയുടെ മകനാണ് എനിക്കായി ഇന്‍സ്റ്റഗ്രാം അക്കൗണ്ട് തുടങ്ങിയത്.

കസിന്റെ കല്യാണത്തിന് ഗുരുവായൂരില്‍ പോയിരുന്നു. ആ സമയത്ത് ധരിച്ച ഡ്രസ് ഏറെ ശ്രദ്ധിക്കപ്പെട്ടിരുന്നു. കോസ്റ്റിയൂം ഇഷ്ടപ്പെട്ടതോടെയാണ് അവിടെയുണ്ടായിരുന്ന ഫോട്ടോഫേഴ്‌സ് അനുവാദം ചോദിച്ച് ചിത്രങ്ങള്‍ പകര്‍ത്തിയത്. കസിന്‍ കൂടി നിര്‍ബന്ധിച്ചതോടെയാണ് പോസ് ചെയ്തത്. ചേച്ചിയുടെ മകന്‍ ആ ചിത്രങ്ങളും സോഷ്യല്‍ മീഡിയയില്‍ പോസ് ചെയ്തിരുന്നു. പഴയ ഫോട്ടോയാണോ വീണ്ടും ചെറുപ്പമായി തോന്നിയെന്ന് പറഞ്ഞ് സുഹൃത്തുക്കള്‍ വിളിച്ചിരുന്നു.

7 വര്‍ഷമായി അഭിനയമേഖലയില്‍ സജീവമല്ലാതായിട്ട്. അവസരങ്ങള്‍ ലഭിക്കാത്തതിനാലാണ് ആ ഗ്യാപ് സംഭവിച്ചത്. ആ സമയത്ത് ആരും തേടി വന്നിരുന്നില്ല. പ്രിയങ്കരിയെന്ന പരമ്പരയിലും ആറാട്ട് എന്ന ചിത്രത്തലുമൊക്കെ അഭിനയിക്കുന്നുണ്ട് ഇപ്പോള്‍. 26 വര്‍ഷമായി ഇന്‍ഡസ്ട്രിയില്‍ എത്തിയിട്ട്. ഇത് തന്നെയാണ് തന്റെ ജീവിതമെന്ന് എല്ലാവര്‍ക്കും അറിയാവുന്നതാണ്. കരിയറിലെ മികച്ച കഥാപാത്രത്തിനായുള്ള കാത്തിരിപ്പിലാണ് താനെന്നും മായ വിശ്വനാഥ് അഭിമുഖത്തില്‍ വ്യക്തമാക്കിയിരുന്നു.

ഇപ്പോൾ താരം പങ്കുവെച്ച ഒരു ഫോട്ടോഷൂട്ട് ആണ് വൈറലായി മാറുന്നത്. സാരിയിലാണ് താരം എത്തിയിരിക്കുന്നത്. എന്നാൽ എന്തൊരു ലുക്കാണ് എന്നാണ് പ്രേക്ഷകർ പറയുന്നത്. ലേഡി മമ്മൂട്ടി ആകാൻ ശ്രമിക്കുകയാണോ എന്നും ചിലർ കമന്റ് ചെയ്യുന്നുണ്ട്. ഏജ് ഇൻ റിവേഴ്സ് ഗിയറിലാണ് പ്രായം എന്ന് മനസ്സിലാക്കാൻ കഴിയുന്നുണ്ട് എന്നും ചിലർ പറയുന്നു.