Editor 3
ടെലിവിഷന്‍ പ്രേക്ഷകരുടെ പ്രിയനായികയാണ് അവന്തിക മോഹന്‍. വ്യത്യസ്തമാര്‍ന്ന കഥാപാത്രങ്ങളുമായാണ് താരം എത്താറുള്ളത്. ആത്മസഖിയിലൂടെയായിരുന്നു അവന്തിക ആരാധകരുടെ സ്വന്തമായി മാറിയത്. നന്ദിതയെന്ന കഥാപാത്രത്തെയായിരുന്നു താരം അവതരിപ്പിച്ചത്.
ബിഗ് സ്‌ക്രീനില്‍ നിന്നും മിനിസ്‌ക്രീനിലേക്കുള്ള വരവിന് ഗംഭീര കൈയ്യടിയായിരുന്നു ലഭിച്ചത്. മോഡലിംഗില്‍ നിന്നും അഭിനയ രംഗത്തെത്തി പ്രേക്ഷകരുടെ സ്വന്തമായി മാറുകയായിരുന്നു അവന്തിക. ആത്മസഖിയില്‍ നായകനായെത്തിയത് റെയ്ജനായിരുന്നു. ഇവരുടെ കെമിസ്ട്രി ഗംഭീരമാണെന്നായിരുന്നു ആരാധകര്‍ പറഞ്ഞത്.
ആത്മസഖി വിജയകരമായി മുന്നേറുന്നതിനിടയിലായിരുന്നു അവന്തിക പിന്‍മാറിയത്. നന്ദിത മാറിയപ്പോള്‍ ആ മാറ്റം ഉള്‍ക്കൊള്ളാന്‍ കഴിയില്ലെന്നായിരുന്നു പ്രേക്ഷകര്‍ പറഞ്ഞത്. ക്ലൈമാക്‌സിനോട് അടുക്കവെയായിരുന്നു നായിക മാറിയത്.
തന്നെ പിന്തുണച്ചത് പോലെ തന്നെ പകരക്കാരിയായെത്തിയ താരത്തേയും പിന്തുണയ്ക്കണമെന്നും അവന്തിക പറഞ്ഞിരുന്നു. ഗര്‍ഭിണിയായതിനാല്‍ ഡോക്ടര്‍മാര്‍ വിശ്രമം നിര്‍ദേശിച്ചുവെന്നും പിന്‍മാറുകയല്ലാതെ വേറെ മാര്‍ഗമില്ലെന്നും താരം വ്യക്തമാക്കിയിരുന്നു. ആത്മസഖിക്ക് ശേഷമായാണ് പ്രിയപ്പെട്ടവളിലേക്ക് അവന്തിക എത്തിയത്. ലോക് ഡൗണിനിടയില്‍ യാത്ര ബുദ്ധിമുട്ടായതോടെ ഈ പരമ്പരയില്‍ നിന്നും താരം പിന്‍മാറുകയായിരുന്നു.
എന്നെ കാണാനായി കാത്തിരുന്ന ആരാധകര്‍ക്ക് മുന്നിലേക്ക് ഞാനെത്തുകയാണ്. ഇത്തവണ പോലീസ് വേഷത്തിലാണ് വരുന്നത്. ശ്രേയ നന്ദിനി ഐപിഎസ് എന്ന കഥാപാത്രത്തെയാണ് ഞാന്‍ അവതരിപ്പിക്കുന്നത്. ഏഷ്യാനെറ്റില്‍ സംപ്രേഷണം ചെയ്യാന്‍ പോവുന്ന തൂവല്‍സ്പര്‍ശത്തില്‍ അവന്തികയും പ്രധാന വേഷത്തിലെത്തുന്നുണ്ട്. ഇതുവരെ അവതരിപ്പിച്ചതില്‍ നിന്നും തികച്ചും വ്യത്യസ്തമാണ് ഈ കഥാപാത്രമെന്നുമായിരുന്നു അവന്തിക കുറിച്ചത്.
ഇഷ്ട ഫോട്ടോകളും വീഡിയോകളും വിശേഷങ്ങളും നിരന്തരമായി താരം സോഷ്യൽ മീഡിയങ്ങളിൽ പങ്കുവെക്കാറുണ്ട്. കിടിലൻ ഡാൻസ് വീഡിയോകളുമായും താരമെത്താറുണ്ട്. ഇപ്പോൾ താരം ഒരു ബോളിവുഡ് പാട്ടിന് ചുവടു വെച്ചു കൊണ്ടാണ് എത്തിയിരിക്കുന്നത്. നിരവധി പേരാണ് കമന്റുകളുമായെത്തിയത്.
