Editor 4
മഴവിൽ മനോരമയിൽ സംപ്രേക്ഷണം ചെയ്ത ഡാൻസ് റിയാലിറ്റി ഷോയായ ഡി ഫോർ ഡാൻസിലൂടെ കരിയർ ആരംഭിച്ച താരമാണ് സാനിയ ഇയ്യപ്പൻ. ഈ ഡാൻസ് ഷോയിൽ സെക്കൻഡ് റണ്ണറപ്പ് ആയിരുന്നു താരം. 2014 പുറത്തിറങ്ങിയ ബാല്യകാലസഖി എന്ന ചിത്രത്തിൽ ഇശാ തൽവാറിന്റെ കുട്ടിക്കാലം അവതരിപ്പിച്ചു കൊണ്ടാണ് സിനിമാരംഗത്തേക്കുള്ള കടന്നുവരവ് രേഖപ്പെടുത്തുന്നത്.
അതിനുശേഷം അപ്പോതിക്കിരി എന്ന ചിത്രത്തിൽ സുരേഷ് ഗോപിയുടെ മകളായും താരം പ്രത്യക്ഷപ്പെട്ടു. ഡിഫോർ ഡാൻസിനു ശേഷം 2018 ക്യൂൻ എന്ന പുതുമുഖങ്ങളെ അണിനിരത്തി ചിത്രീകരിച്ച സിനിമയിലെ നായികയായി താരം അരങ്ങേറി. ക്യൂനിലെ അഭിനയത്തിന് സൗത്ത് ഇന്ത്യയിലെ മികച്ച പുതുമുഖ നടിക്കുള്ള ഫിലിം ഫെയർ അവാർഡ് താരം നേടിയെടുത്തു.
ഈ ചിത്രത്തിനു ശേഷം പ്രേതം 2, ലൂസിഫർ, കൃഷ്ണൻകുട്ടി പണി തുടങ്ങി, സല്യൂട്ട് തുടങ്ങിയവ ഉൾപ്പെടെ നിരവധി ചിത്രങ്ങളിൽ ചെറുതും വലുതുമായ വേഷങ്ങളിൽ സാനിയ പ്രത്യക്ഷപ്പെട്ടു. ചില ഷോർട്ട് ഫിലിമുകളിലും വെബ് സീരീസുകളിലും മ്യൂസിക്കൽ വീഡിയോകളിലും അഭിനയിച്ചപ്പോഴും നൃത്തം എന്ന തന്റെ പാഷനെ കരിയറിൽ നിന്ന് മാറ്റി നിർത്തുവാൻ സാനിയ തയ്യാറായിരുന്നില്ല.
സോഷ്യൽ മീഡിയയിലും താരം സജീവ സാന്നിധ്യമാണ്. നിരവധി ഫോട്ടോഷൂട്ട് ചിത്രങ്ങളും മറ്റും സാനിയ നിരന്തരം പങ്കുവയ്ക്കാറുണ്ട്. ഏറ്റവും ഒടുവിലായി ഗോവയിൽ അവധി ആഘോഷിക്കുന്ന താരത്തിന്റെ ചിത്രങ്ങളാണ് സമൂഹമാധ്യമങ്ങൾ ഏറ്റെടുത്തത്. ഗ്ലാമർ ചിത്രങ്ങൾ അടക്കം പങ്കുവയ്ക്കുന്നതിന് യാതൊരു മടിയും ഇല്ലാത്തതുകൊണ്ട് തന്നെ താരത്തിന്റെ ചിത്രങ്ങൾ ഒക്കെ വളരെ പെട്ടെന്ന് ആളുകൾ ഏറ്റെടുക്കാറുണ്ട്.
അധികവും ഗ്ലാമർ ലുക്കിൽ പ്രത്യക്ഷപ്പെടുന്നു എന്നതുകൊണ്ട് തന്നെ വിമർശനങ്ങളും സൈബർ ആക്രമണങ്ങളും താരത്തിന് വരികയും പതിവാണ്. പൃഥ്വിരാജ് സംവിധായകനായ ലൂസിഫർ എന്ന ചിത്രത്തിലെ ശക്തമായ കഥാപാത്രത്തിലൂടെ സാനിയ ഏത് കഥാപാത്രവും തനിക്ക് ഇണങ്ങും എന്ന് തെളിയിക്കുകയും ചെയ്തു.
ഫാഷനിലും ഏറെ കമ്പമുള്ളയാളാണ് സാനിയ. മുൻപ് ബിഗ് ബോസ് താരവും ഡിഫോർ ഡാൻസിലെ സഹ മത്സരാർത്ഥിയമായ റംസാനുമായുള്ള സാനിയയുടെ നിരവധി ചിത്രങ്ങൾ സോഷ്യൽ മീഡിയയിൽ ഇടം പിടിച്ചിരുന്നു. ഇരുവരും ഒന്നിച്ചെത്തിയ റീൽസ് വീഡിയോകളും ആളുകൾ വളരെ ആവേശത്തോടെയാണ് ഏറ്റെടുത്തത്. 20 വയസ്സുകാരിയായ താരം ഗ്ലാമർ വേഷങ്ങൾ ധരിക്കുന്നതിനെ പറ്റി പലരും വിമർശിക്കാറുണ്ട്. അപ്പോഴും താരം തൻറെ നിലപാട് വ്യക്തമാക്കുക തന്നെ ചെയ്തിരുന്നു.
എനിക്ക് 15 വയസ്സുള്ളപ്പോഴാണ് ക്യൂൻ എന്ന ആദ്യ ചിത്രം ചെയ്യുന്നത്. ഫാഷൻ ഭയങ്കര ഇഷ്ടമുള്ള ആൾ ആയതുകൊണ്ട് തന്നെ ഇൻസ്റ്റഗ്രാമിൽ ഒക്കെ ചിത്രങ്ങൾ പോസ്റ്റ് ചെയ്യും. വിമർശിക്കുകയും പരിഹസിക്കുകയും ചെയ്യുന്നവരിൽ നിന്ന് എനിക്ക് മനസ്സിലായത് ഇതൊന്നും ഒരിക്കലും മാറാൻ പോകുന്നില്ല എന്നാണ്. സപ്പോർട്ട് ചെയ്തവർക്ക് നന്ദി എന്ന് മാത്രമായിരുന്നു അന്ന് പറഞ്ഞത്.
ഇപ്പോൾ സാനിയയുടെ ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ വൈറൽ ആയി കൊണ്ടിരിക്കുന്നത്.ചുവപ്പ് ലുക്കിൽ അതീവ ഗ്ലാമർ ആയി ആണ് താരം ചിത്രങ്ങളിൽ പ്രത്യക്ഷപ്പെട്ടത്. ചിത്രങ്ങൾ ഇരുകൈയും നീട്ടിയാണ് ആരാധകർ സ്വീകരിച്ചിരിക്കുന്നത്. ചിത്രത്തിന് താഴെ താരത്തിന്റെ സൗന്ദര്യത്തെ പ്രശംസിച്ചു കൊണ്ടുള്ള നിരവധി കമന്റുകളും പ്രത്യക്ഷപ്പെടുന്നുണ്ട്.
