Editor 3
മലയാളികള്‍ക്ക് ഏറെ ഇഷ്ടമുള്ള നടിയാണ് ദിവ്യ പിള്ള. ഫഹദ് ഫാസില്‍ നായകനായ അയാള്‍ ഞാനല്ല എന്ന ചിത്രത്തിലൂടെയാണ് ദിവ്യ പിള്ള അഭിനയ രംഗത്തെത്തിയത്.
തുടര്‍ന്ന് ജീത്തു ജോസഫ് സംവിധാനം ചെയ്ത ഊഴത്തില്‍ പൃഥ്വിയുടെ നായികയായി അഭിനയിച്ചു. പിന്നീട് ഉപ്പും മുളകും എന്ന സീരിയലില്‍ അടക്കം പല ടെലിവിഷന്‍ ഷോകളിലും അതിഥിയായി എത്തിയാണ് ദിവ്യ പിള്ള മിനിസ്ക്രീൻ പ്രേക്ഷകരുമായി അടുപ്പത്തിലായത്.
ദിവ്യ പിള്ളയുടെ അടുത്ത കൂട്ടുകാരൊക്കെയും മിനിസ്‌ക്രീന്‍ രംഗത്ത് വളരെ സജീവമായി നിൽക്കുന്നവരെയാണ്. ദിവ്യ പിള്ളയുടെ ഇപ്പോഴത്തെ അടുത്ത കൂട്ടുകാർ അവതാരകനും നടനുമൊക്കെയായ ഗോവിന്ദ് പദ്മസൂര്യയും ജീവയും അപര്‍ണയും ഡാൻസറായകുക്കുവുമൊക്കെയാണ്. ഇവരില്‍ ജിപി തനിയ്ക്ക് കുറച്ചുകൂടെ സ്‌പെഷ്യല്‍ ആണെന്നും ദിവ്യ പറഞ്ഞിട്ടുണ്ട്.
ഇപ്പോഴിതാ ദിവ്യ തൻ്റെ പ്രണയത്തെ പറ്റിയും തേപ്പുകഥകളെ പറ്റിയുമൊക്കെ പറഞ്ഞ കാര്യങ്ങളാണ് സോഷ്യൽ മീഡിയയിൽ ചർച്ചയാകുന്നത്. എല്ലാവരെയും പോലെ തനിയ്ക്കും തേപ്പ് കിട്ടിയിട്ടുണ്ട് എന്ന് തുറന്ന് പറഞ്ഞിരിയ്ക്കുകയാണിപ്പോള്‍ നടി ദിവ്യ പിള്ള. അതില്‍ നിന്നും പഠിച്ച പാഠമാണോ എന്തോ, കല്യാണത്തിനോട് ഇപ്പോള്‍ താത്പര്യമില്ലെന്നും ദിവ്യ പിള്ള പറയുന്നുണ്ട്.
അതൊരു ഡെയ്ഞ്ചറസ് സോണ്‍ ആണെന്ന നിലയിലാണ് ദിവ്യ ഇപ്പോൾ സംസാരിക്കുന്നത്. തേപ്പില്‍ നിന്നും കിട്ടിയ പാഠമാണോ എന്നാണ് ഇത് കേട്ട് ആരാധകർ ചോദിച്ചത്. ഇപ്പോഴിതാ ദിവ്യ പിള്ള മുൻപൊരിക്കൽ തൻ്റെ വിവാഹത്തെ കുറിച്ചും ഭർത്താവിനെ കുറിച്ചും ഭർത്താവിൻ്റെ കുടുംബത്തെ കുറിച്ചും സംസാരിച്ച വാക്കുകളാണ് വൈറലായി മാറുന്നത്.
ഷൂട്ടിങ്ങിനിടെ കല്യാണം കഴിക്കാൻ അഞ്ചു ദിവസം ലീവെടുത്ത കഥ മുൻപൊരിക്കൽ മനോരമയ്ക്ക് നൽകിയ അഭിമുഖത്തിൽ ദിവ്യ പിള്ള പറഞ്ഞിരുന്നു, അതൊക്കെയാണ് ഇപ്പോൾ വീണ്ടും വൈറലാകുന്നത്. ഊഴം എന്ന ചിത്രത്തില്‍ പൃഥ്വിരാജിൻ്റെ നായികയായെത്തിയ ദിവ്യ പിള്ള വിവാഹിതയായിരുന്നോ എന്നാണ് ചില ആരാധകരെങ്കിലും ഇപ്പോൾ ചോദിക്കുന്നത്.
കല്യാണം കഴിച്ച ശേഷം തിരിച്ച് സെറ്റിലെത്തി ദിവ്യ പിള്ള അഭിനയിച്ച് തീർത്ത സിനിമയാണ് ആ ഫഹദ് ചിത്രം. ഷൂട്ടിങിനിടെ കല്യാണം കഴിക്കാന്‍ 5 ദിവസത്തെ അവധി എടുത്ത ഫഹദിൻ്റെ നായിക കല്യാണം കഴിഞ്ഞ് വന്ന് തുടര്‍ന്ന് അഭിനയിക്കുകയായിരുന്നു. അയാള്‍ ഞാനല്ല എന്ന ചിത്രത്തിൻ്റെ ഷൂട്ടിങ് സമയത്തായിരുന്നു തൻ്റെ വിവാഹമെന്ന് നടി പറഞ്ഞിട്ടുണ്ട്.
ഒരു കല്യാണമുണ്ട്, അഞ്ച് ദിവസത്തെ ലീവ് വേണമായിരുന്നു എന്നാണ് താന്‍ സംവിധായകന്‍ വിനീത് കുമാറിനോട് പറഞ്ഞത്. ആരുടെ കല്യാണമാണ് എന്ന് ചോദിച്ചപ്പോഴാണ് തൻ്റെ സ്വന്തം കല്യാണമാണ് എന്ന് നടി പറഞ്ഞതെന്നും അതോടെയാണ് ഇക്കാര്യം എല്ലാവരും അറിയുന്നതെന്നും നടി പറഞ്ഞു.
ബ്രിട്ടീഷ് പൗരനായ ഒസാമ അല്‍ ബന്നാ ആണ് എന്റെ ഭര്‍ത്താവെന്ന് നടി അന്ന് പറഞ്ഞിരുന്നു. മറ്റൊരു റേഡിയോ അഭിമുഖത്തിലും ഭർത്താവിൻ്റെ കാര്യം ദിവ്യ പറഞ്ഞിരുന്നു. ബന്നായുടെ ഡാഡി 18 വര്‍ഷം മുമ്പ് ഇംഗ്ലണ്ടിലേക്ക് കുടിയേറിയ ഇറാഖിയാണ് എന്നും മമ്മ ഇംഗ്ലീഷുകാരിയുമാണെന്നും ദിവ്യ പിള്ള പറഞ്ഞിരുന്നു.
പ്രണയവിവാഹമായിരുന്നു. ആദ്യം ജോലി ചെയ്ത എമിറേറ്റ്‌സ് എയര്‍ലൈനില്‍ പ്രവൃത്തിക്കുന്ന സമയത്ത് തന്നെ തനിക്ക് ഒസാമയെ അറിയാം. ഞങ്ങൾ നല്ല സുഹൃത്തുക്കളായിരുന്നു. ഫ്‌ളൈ ദുബായി കമ്പനിയിലെ സീനിയര്‍ അഡ്മിനിസ്‌ട്രേറ്റീവ് ഓഫീസറായി ജോലി നോക്കി വരികയായിരുന്നു താന്‍. ഇപ്പോള്‍ ബന്നായും ഫ്‌ളൈ ദുബായിലാണ് ജോലി ചെയ്തിരുന്നത്.
ബന്നായ്ക്ക് ഇപ്പോള്‍ മലയാളം കുറച്ച് അറിയാമെന്നും ദിവ്യ പിള്ള അന്ന് പറഞ്ഞിരുന്നു. ഇനി സിനിമയും ശ്രദ്ധിക്കണമെന്നും ഇതുവരെ ജോലിയില്‍ മാത്രമായിരുന്നു തൻ്റെ ശ്രദ്ധയെന്നും ദിവ്യ പറഞ്ഞിരുന്നു. നല്ല കഥയും കഥാപാത്രങ്ങളും വന്നാല്‍ അഭിനയിക്കുമെന്നും ദിവ്യ പിള്ള അന്ന് പറഞ്ഞിരുന്നു.
